03/03/2019
السلام عليكم أخواتي
بغيت نشارك معاكم بهده الوصفة لديدة سريعة التحضير و إقتصادية
نبدأ على بركة الله بالمقادير:
غدي نحتاجو ل 1kg سردين منزوع السلسول و مغسول و مصفي +250g روز مغسول و مصفي + 2 مطيشات حومر محكوكين + بصلة مشلظة + قسبر و معدنوس مفرومين + حامضة صغيرة + 4 فصوص ثوم محكوكين + ملح + كامون + سكين جبير+ تحميرة + زعفران + إبزار + ملعقة مطيشة الحك + زيت بلدية و زيت رومية
نأخد إناء نضع فيه السردين الروز قسبرو معدنوس نترك قليلا منه للمرق ثم نضيف الثوم عصير الحامضة الزيت البلدية و الرومية ثم العطرية و نحركو ونمعكوها مزيان حتى تولي بحال لعجينة ونكوروها كويرات صغيرة نلويوهم مزيان باش ميتحلوش ونتركهم جانبا
نمرو للمرق نأخد كوكوت نديرو فيها البصلة تشحر ثم نضيق مطيشة و قليل من الملح سكين جبير إبزار زعفران تحميرة مندروش الكمون في المرق ثم نمرقو بالماء الكافي ونضيف القسبر و المعدنوس المتبقي ومطيشة الحك و قشور الحمضة ل عصّرنا ونخليوها حتى تغلي ونبداو نحطو الكويرات بالوحدة و غبشوية باش ميتحلوش ونقفلو الككوت ش 40 دقيقة ونحلوها ونشوفو واش ناشفة يلا منشفاش نخليوها فوق العافية حتى تعقاد وشهية طيبة
بالصحة
q,glm fhgsv]dk