صلصة حمراء متعددة الاستعمالات من مطبخي

هاد الصلصة زوينة بزاف ولذيذة مكتخطانيش، وكتنفع مني ميكونش عندك الوقت وبغيتي توجدي شي شهيوة في آخر لحظة، الحاجة الزوينة الثانية هي أن هاد الصلصة فيها الخضر لمكيبغيوش الأطفال وهدي طريقة باش نعطيوهم الخضر بلا ميحسو.
هاد الصلصة حضري بيها الشرمولات ، كفتة السردين، كفتة اللحم، البيتزا ، وتصلح للمعجنات …..
المقادير والطريقة :
20 مطيشة+ 2بصلات قمطعين+ 4خيزو مقطعين+2 كرعات خضرين مقطعين+ 1لتر وربع ماء +الملح، سدي على كلشي في كوكوط مدة 15 دقيقة.
مني تبرد المكونات شي شوية، طحنيها في طحانة كهربائية،حتى يولي عندك خليط ناعم ورجعيه فوق النار وزيدي عليه كاس إلاربع زيت العود+ 4فصوص ثوم محكوكين + 4 م ك مطيشة الحك + 1 م ص ابزار + 1م ك ونص تحميرة + 1 م زعتر + 3 اوراق سيدنا موسى وخلي الكل فوق النار حتى يختر ويصبح جاهز للستعمال.صدقوني هاد الصلصة إلى جربتوها مغتبقاوش تستغناو عليها والأطباق لي كتدار فيها كتجي بنينة وغزالة وكيحبوها الأطفال بلا ميعرفو بلي فيها خضر.

wgwm plvhx lju]]m hghsjulhghj lk l’fod