صايبي العكر الفاسي في الدار و فقصي العطار هههههه

السلام اختي الينبوعة
انا العكرالفاسي تنسيبو غبر فالدار خصوصا في فصل الربيع تنصايب بزاف و نخبيه
و هده هي الطريقة باش تصايبيه خودي بلعمان شدي الوراق ديالو بوحدهم عادي تحتاجي بزاف غير سيري لشي ربيييع وبقاي تنتفي تنتفي حتى تعياي ههههه و يقوليك راجلك ندمتيني لاش خرجتك ههه كيف دار ليا راجلي خرجني انا وادم و هو يبان ليا بلعمان نابت و سط الربيع ههه و انا نولي بحال شي تور الى بان ليه لون احمر و انا نقول لراجلي وووقف خلعتو ماعرف باش تبلا مسكين وهو يوقف الطونوبيل و هبت بقيت تنتف تنتف بحالا تقولو بغيت نتغدى بيه و راجلي تيغوت هو وولدي معقلتش عليهم ههههه حتى سخفت عاد مشيت ووسخت ديك الطونوبيل مسكينة هههه و راجلي بقا يغوت عليا ندمتو لاش خرجني ههههه ولكن اش غادي ندير انا عزيز عليا نسايب الحاجة بايديا حسن منشريها ههه المهم نرجعو الموضوع ديوش عليا راني ترتارة هههههههه
اوا اللالة ستفي لوراق فوق شي شبكة و لا غربال لمهم مديريش وحدة فوق وحددة من الاحسن ديري وحدة حدى وحدة و ديريه في الشمس و خليه ينشف مزيان حتي يتكرمل و يولي قاسح بحال الشكل ديال وراق الحنة و طحنيه و هاهو عندك العكرالفاسي من صنع ايديك بلا متشريه

---

whdfd hgu;v hgthsd td hg]hv , trwd hgu’hv iiiiii whpfd

السلام عليكم و رحمة الله تعالى و بركاته. ما شاء الله عليك أختي و الله يخلي ليك آدم يارب, اللي خلاني نكتب ليك هو أنك تتبغي تصايبي كلشي بيديك و سبحان الله ربي كلشي مسخرو لينا باش نخدموه بيدينا و طبيعي و تحت مسمى العجز تنضطرو نشريو كلشي مصايب بالغلا و ما عارفينش شنو فيه , و تتستحقي مني أحلى تقييم على الوصفة و على روحك المرحة و تنتسنا الجديد من عندي انيقتي و مرحبا بك معانا فهاذ المنتدى الحبيب.

تبارك لله عليك وخلاص عمرني عرفت العكر الفاسي كي تصاوب من بلعمان شكرا بزاف

تبارك الله عليك الله يعطيك الصحة و كل ما تمناي يا ربي و تبارك الله خيفة الظل احلى اعجاب و تقييم

نفس طريقة اﻻخت منى و بيان
غ نتي زدتي عليها خفة الدم ههه
تبارك الله عليك و شكرا اختي

ألله يجازيك أختي بخير على هاد الوصفة.ما عمري مايسحاب لي عكار فاسي أصلو نباتي؟. المهم هانتي فيدتينا واخا برزطتي راجلك… بغيت نسولك شنو هو بلعمان واش coquelicot هديك وردة حمرة. واش نكرمو وردة ولا وراق ديال وردة. سمحي لي سؤالي بليد و لكن ما فهمتش بزاف طريقتك.

تبارك الله عليك اختي

من الاحسن تخليه انشف في الظل
لحقاش الشمس كتمتص المواد الفعالة فيه الا كرمتيه بواسطتها
والله اعلم

تبارك الله عليك اختي هذه طريقتك ولكن العكر الفاسي اصلو ماشي نباتي كيخرجوه من شي حجر واقيلة هكذا قالنا شي واحد كيبيعو في فاس
الاخت اللي كتسول على معناه اه بلعمان هو coquelicot بالفرنسي

عافاك أختي لما تأكدي لينا واش العكار الفاسي مصوب ببلعمان أو لا شي حجرة. فينكم الفاسيات فيدونا الله يجازيكم بخير راه في المنتدى لا أسرار لي عندو شي حاجة ينفعنا بها.