صابلي بالنوكا مممممممم لدة لا تقاوم

الصراحة المنتدى ولا تيعرف ركود كبير هاد الايام قلت اجي نحط ليكم هاد الوصفة علا الله تفتحلكوم الشهية وترجعو تنورونا المنتدى ههههه
المهم بلا منطول عليكم هاد الوصفة عاد دوزاتها شوميشة مؤخرا جربتها وطلعات غزآآلة

المقادير

البسكوي/ 100 غ زبدة لينة
100 سكر بني
250 غ دقيق
30 غ سنيدة
نص خمارة ‘ ديال 7غ ‘
م. حليب
نص بيضة

نرمل الزبدة مع الدقيق، نزيد السكر بنوعيه، نجمع بالبيض و الحليب
نديرها فالتلاجة تبرد مزيان

نصاوبو دابا النوكا

المقادير

100غ زبدة
100غ سكر
100غ كليكوز
140 غ لوز مهرمش

تندوب السكر مع الكليكوز و الزبدة مني يدوبو نزيدو عليهم اللوز نخلطو شوية ونطفيو عليهوم و نخليوهم تيبردو مزيان

نرجعو للصابلي كون مبردات العجينة مزيان كون معطاتنا نتيجة احسن، تنطلقها رقيقة حيت فيها الخميرة ونقطعها مني نستفهوم فاللاطة تنخيلوو وحدين هاكاك صحاح و تنتقبو لخرين بقطاعة اصغر باش نحصلو علا تقب فالوسط خاصو يكون كبير شوية ، فوسط هداك التقب تنديرو كويرة ديال النوكا ‘ منكتروش باش مني دخل فالفرن متسيحناش فوق البسكوي ‘ صافي تندخلوهم للفران تيطيبو و يتحمرو

‘ النصيحة لينعطيكم هنا بقا طيبو لمسدودين بوحدهوم و المتقوبين بوحدهوم حيت المتقوبين تيتحمرو داغي قبل من المسدودين ‘

مني يطيبو تلصقو وحدة متقوبة و وحدة مسدودة مع بعضهم بالشكلاط ابيض مديروش الاسود غيجي باين، و فالاخير غطست رويسات ديال النجيمات فالشكلاط

و بالصحة و الراحة

whfgd fhgk,;h llllllll g]m gh jrh,l Hoj