عفاكم. واش طريقة طيابو بحال. الكسكس العادي المعروف فالمغرب وشكرا.
ad ,p]m td;l juglkd ;dtha k’df ;s;s,> hgygd/ f.ht ,[]m ;s;s,
شفي اختي وخا انا ماعرفتش هد النوع ديال الكسكس لي تتحكي عليه ولكن اكييييييييييييد غيكون بنفس الطريقة غير الفرق غيكون في وقت الطياب هذا لانه غليظ لازم تخليه مدة اطول شوي في الكسكاس ومن الاحسن ديري لو 3 او 4 تفويرات وفي كل تفورية خليه شوية زيادة على الوقت مثلا 25 دقيقة وطبعا ما تنسايش ترشيه بالماء وشوي الملح بين كمل تفويرة وتفويرة وعينك ميزانك ما يكونش الماء بزاف ومايكونش قليل باش ما يجيكش ناشف من بعد الطياب وفي اخر تفويرة عوض الماء ديري زيت الزيتون يكون احسين وخليه ارتاح شوية عاد رديه افور
وان شاء الله تاكلوه بالصحة والراحة
هذا هو اللي كانسول عليه البنات .؟؟
واش هذا هو اللي كايقولو عليه بركوكس …..جاوبوني الله يرحم الوالدين ..بغيت نطيبو وماعارفة ليه ..؟؟
المشاركة الأصلية كتبت بواسطة نبــع الحنـــان 
لا حبيبتي هذا نوع من الكسكس كايتباع فالشرق الاوسط وكايسميوه …المغربية …هكا سميتو فالسوق عندهم وانا شريتو ولكن بغيت نعرف ايلا كانت ليه شي طريقة خاصة ,,, وراه فعلا هو اصغر من الحمص بشويا ولكن راه حبة الكسكس هو غير غليظ بزاف …
والبنات اللي عايشين بالشرق يمكن ايفيدوني ايلا عندهم شي فكرة
لانه كيفما قالت الاخت تيشبه الحمص
المهم الكسكس عمرك ما تدهنبنه بالزيت في الاول
هذه نصيحة ماما ليا حيت الزيت تتعمل طبقة عليه ما تتخليهش يتنفخ مزيان في التفوار
وحتي منين تتسقيه متيشرب الماء مزيان
الكسكس المفتول اخيتي غسليه حطيه بالقصرية وخوي عليه الما مزيان من بعد صفيه من هداك الما
ماتخافيش ماغاديش يتلصق صفيه من الماوهو في قصريتو وخليه مرةمرةدوزي يدك فيه حتى يشرب الما نتاعو
وحطيه يتفور من بعد ما يتفور التفويرا الاولى وهو بالكسكاس غادي تعملي فيه شي ثلاثة الثقب وحطي تختو شي حاجة غارقه
وخوي عليه شي كاس كبير نتاع الما وخليه شوية يقطر عاد فرغيه في القصريةوحركيه مزياااان ورشي مليحةنتاعك وخليه يرتاااح ومرةمرة حركيه بان ليك شارب ماه مزيان بان ليك ناشف رشي شويةنتاع الما رجعيهً يفور مرةاخرى والثالثة راك عارفة انت اما زبيدة او زيت بلدية هذا بالتسبة للكسكس المفتول
اما السميدة
غادي ترشيها بشويةالما وانت تتفتلي فيهارشي وفتلي رشي وفتلي عملي ليهاالتفويرةالاولى
الثانية ترشيها بالما مزياااان وحركيها مرة مرة مزيااان وملحيها وخليها ترتاح والا حسيتها ناشفة رشي الما ولكن قياااس والتفويرة الثالثة تريحها بالزبدة او الزيت
ملاحظة اللي تتدهن بالزيت في الاول هي الشعرية نتاع السفة والشعرية تتبغي سبعة التفويرات داكشي علاش اما الكسكس غير ثلاثة
نتمنى نكون وضحت ليك