السلام عليكم
خواتاتي العضوات تحية كبيرة ليكم كاملين
صراحة انا عضوة شوية قديمة بصح مكنتشي تندخل لشي ظروف كانت عندي …
انا جيت اليوم وقريت الاغلبية د المواضيع فهاد المنتدى و عجبوني بزاف
ولي عجبني اكثر هو طريقة التفكير ديال خواتاتي العضوات و العقلية و كيفاش كيتناصحو بيناتهم … و الحمد لله عرفت ان الدنيا مزال فيها الخير وبلادنا باقي فيها الناس المزيانين واللي تيعرفو سيدي ربي …
انا قررت خواتاتي نفتح ليكم قلبي
و نحكيلكم على قصة دامت معايا تقريبا سنة هدي … و نشوف رايكم فيها و نصيحتكم وانا عارفة انه غدي يكون صائب باذن ط§ظ„ظ„ظ‡ لاني شفت كيفاش تتفكرو من مواضيعم و اراءكم …
يمكن شي مشرفة غدي تدخل و تقول هدي مجاهرة بالمعصية و يمكن شي وحدة تطالب باش الموضوع يتسد …
بصح انا بغيتها تكون كيف كيقولو الناس ديالنا "حج و زيارة" … يعني انا بغيت مساعدة معنوية منكم و بنفس الوقت كل بنت عندها نفس الحالة ديالي او تتمر بنفس الظروف تستافد من ظ‚طµطھظٹ …
هههههههه … يمكن فالاخير غدي تقولو هدي ضخماااات الامور بزاف …. بصح تنقوليكم اختكم ما موالفاش ههههه ….
أنا خواتاتي معنديش مع الدراري هههههه
الصراحة تربيت فواحد الوسط اللي عندي غي خواتاتي البنات و والديا ناس محافظين بزاف و عائلتي و قبيلتي و جيراني حتا هوما … حنا ناس اللي تيحكمنا الدين و تتحكمنا التقاليد …. مكنعترفوش حتى بعلاقة صداقة و لا زمالة بين بنت ودري …
الموهيم انا بعيدة على والديا هادي عامين تقريبا بسبب ظروف القراية … نتوما عارفين الجامعة تتبعد على الاهل هههه
العام الاول ديالي دوزتو بخير وعلى خير … يعني كانو معاكسات من بزاف الشباب بصح انا هداكشي مكانشي تيعمر ليا العين … وشحال من واحد طلب مني الزواج بالحق انا مكنتشي تنعطيهم حتى مجرد فرصة يتكلمو معايا
هاد العام واحد النهار مابيا ما ط¹ظ„ظٹط§ هههه
وهو يجي عندي واحد السيد قاليا بغين نقوليك 2 كليمات او نمشي بحالاتي هههه خلاني مصدومة بقيت تنشوف فيه وهو يقوليا انتي اجمل وحدة شفتها مللي جيت لهاد الجامعة هههه انا بقيت مصدومة … هو ما عطالياش فرصة باش ندير شي ردة فعل وهو يقوليا راه شفتك قبل فالمكتبة و طلب مني مباشرة رقم التلفون .. انا لا اراديا عطيت ليه النمرة ديالي بلا ما نحس
صافي هو معطانيش فرصة هداك النهار بلعشية وهو يعيط ليا قاليا راني فالمكتبة و من محاسن الصدف كنت حتى انا تما … صافي هدرنا شويا طبعا أمام الملأ و ماكانت حتى شي فرصة للخلوة بيني و بينو … لقيتو انسان خلوق و النفس ديالو طاهرة (( غدي تقولو باقي معرفتيه مزيان غدي نقوليكم سيماهم في وجوههم و هو من الحديث ديالو كان باين)) و لقيتو عندو شي ظروف عائلية مزرية رغم انه انسان ميسور الحال و عائلته على ما بان ليا ناس تاع الدين …
المهم مشيت عاودت هاد الشي لواحد الصديقة تاعي بصح مشي بنت مدينتي … صدقت من محاسن الصدف مرة اخرى انها تتعرفو … صدقو جيران ههههه قالت ليا مستحيل هداك يهدر ولا يتلكم مع شي بنت هداك انسان متدين لدرجة كبيرة تيعرف المسجد و القراية ..
المهم مدحات ليا فيه مزيان و شكراتو من الناحية الاخلقية وانا هدا اللي كيهمني …
ايلا حللتو معايا القصة غدي تلقاو انني بقيت تتنتعلق بيه بلا منحس ، علاش ؟ حيت الاحداث كلها جات سريعة ومعطاتنيش فرصة نفكر زائد انني لقيت فيه داكشي اللي انا كنت تتنتمنى ديما وهو الدين والاخلاق الحميدة …
المهيم بقيت معاه على تواصل بالتلفون مع العلم اننا متنتلاقاوش الا ناااادرااا جدا او ايلا تلاقينا تنتلاقاو فالمكتبة و اما الملأ ..
هو من اول نهار هدر معايا قاليا انا تنقلب على بنت الحلال و باغي المعقول وباغي نتزوج … وقاليا بغيتك …. بالحق هو عندو السنة الاخيرة باش ياخد الدكتوراه ديالو وانا خصني نتسنى على الاكثر لآخر هاد العام حتى ياخد الدكتوراه ديالو باش يخطبني من والديا و نديرو العرس بفترة خطوبة قصيرة بزاف على اساس اننا لهداك الحين غدي نكونو تعارفنا مزيان …
حاجة اخرى ،،،، قلت ليه غدي نقولها لماما ,… بالحق هو رفض قاليا لا خلينا نتفاهمو و منين يوصل الحال راه انا اللي غدي نقوليك قولهالها … مع العلم انه قالها لاهلو وعائلتو و وصلني الخبار من بعد انه تيسول ط¹ظ„ظٹط§ … و جارتو للي هي صحبتي تتوصل ليا كلشي اللي تيوقع عندو حيت خوها صاحبو بزاف …
صراحة انا مشي من النوع اللي تيتيق فبنادم دغيا ولا يفتح قلبو دغيا … بالحق اللي خلاني واثقة منو و تنتظر الوعد ديالو يتحقق بدون شك هو ان جارتو اللي هي صجبتي زكاتو بزاف و عاد واحد الولد تيقرا معايا داير فحال خويا قلتهاليه و طلبت منو يسول ليا عليه و مني رجع ماقاليا غير الخير عليه …
دابة انا تعلقت بيه بزاف لواحد الدرجة كبيرة بزاف
ومعرفتش خواتاتي واش انا على صواب؟
واش فنظركم ممكن حلمي يتحقق ونرجع تا انا ربة بيت في قريب عاجل ؟؟؟
شورو ط¹ظ„ظٹط§ عافاكم و دعيو معايا ط§ظ„ظ„ظ‡ ظٹط¬ط§ط²ظٹظƒظ… بالخير
وسمحوليا بزاف بزاف حيتاش ثقلت عليكم بالهدرة ههههه
rwjd lu ahf >>> hggi fhgodv d[h.d;l .,v, ugdh
وكدلك كنطلب من شي مشرفة تنقل ليا الموضوع لزاوية النقاشات الجادة … حيت كنضن بللي غلطت فالقسم الصحيح
دعاوتكم غالياتي بظهر الغيب ولكن بالمثل ان شاء الله
بالتوفيق و انشاء الله يكون بالمكتاب ونشوفوك عروسة
شكرا بزاف غالياتي ولهلا يخطيكم عليا
بارك الله فيكم
وياربي تعطي لكل وحده فيهم شنو تتتمنى