هادي واحد الشوربة كنت درتها لما كنت صايمة، وقلت مع راسي مكاين ماآحسن من الشوربة الغنية بالخضرة يفطر بيها لواحد، عوض الحريرة الحامضة، وبش منكترش عليكم لكلام، نقول ليكم على المقادير ديالها
خيزو
بصلة
بطاطا بقشرتها
بروكولي
فطر
مطيشة
القليل من القشدة
الربيع
نسمتها بالملح،ابزار،كركم، زبت الزيتون
درت الخضرة تسلق، والفطر درتو حتى ل 5 د تقريبا الأخيرة، ومنين وجدات لخضرة، خليتها حتى بردات، وضفت ليها القشدة.عاد طحنتها فالمولينكس، ومن بعد رديتها للبوطة باش تسخن وتعقاد شوية
وهاهي حبيباتي .
قدمتها مع شوية القشدة ، وخبز التوست، حتى هو كنت صاوبتو، وزينتها بالربيع، وكنتمنى تعجبكم ان شاء الله
a,vfm hgoqhv
المشاركة الأصلية كتبت بواسطة سمراء النيل 
بارك الله فيك أختي، ربي يخليك
المشاركة الأصلية كتبت بواسطة nanaw بارك الله فيك أختي، ربي يخليك
شوربة صحية
المشاركة الأصلية كتبت بواسطة ام الحلوين شوربة صحية
بارك لله فيك مشرفتنا العزيزة، بالفعل صحية ولذيذة فنفس الوقت
المشاركة الأصلية كتبت بواسطة MERYEM21 ههه، بارك الله فيك الحبيبة، وشكرا عزيزتي على كلامك الطيب