السلام عليكم اخواتي الانيقات فتحت هاد الموضوع لاخواتي لي معندهومش الوقت الكافي باش يطيبو على خاطرهوم سواءا كانو موظفات او ربات بيوت و تحطو فشي مواقف مستعجلة و خصهم يوجدو الغدا فساعتهوم نتمنى لي عندها شي فكرة و لو بسيطة خاصة بالفطور او الغذا او العشا تحطها لينا او الضياف على غفلة و ماكديت ههههههههههههه نعطيكم بعض افكاري وعفاكم وحاد الطلب نخليو هاد الموضوع للوصفات باش حيت يدخلو البنات يستافدو دغية و ميحصلوش فكترت صفحات الشكر واخة كتفرحني بزاف ولكن المنفعة اولى وياريت نبعدو شوية من الفريكو الا للضررة القصوى حيت مكلتو كتجينا معليهاش السر هههههه و باسلة سبحان الله و كتعجبني الحاجة طرية و صحية وخا تكون غير شلييضة
aid,hj ohwm fhgl,/thj , gd l.v,fhj
نعطيكم اول وصفة لي كنستعملها شخصيا هاد الوصفة كنت شفتها عند وحاد الجزائرية و جربتها و صدقت مخيرة الكفتة صوص ل 3 اشخاص كتشدي 2 ماطيشات حكيهوم و 2 فصوص صغار تومة مكرضة و الربيع و ملع كامون تحميرة و 4 معالق زيت رومية و كمشة كفتة و بقاي تحركي فوق النار باش تحلل الكفتة و طفي عليها حيت تعقاد يمي يمي
كفتة صوطي بالبيض دائما قياس 3 دالاشخاص كنشد شوية زيت نلوح فيها كمشة كفتة ملح كامون تحميرة نص بصلة مقطعة صغيورة ربيع مكرض غير شوية و نصوطيهوم فالزيت مني يطيبو نقلق عليهوم 4 بيضات
مني تكوني جاية فالطريق و بان ليك السردين يا سعدك يا فرحك راه تهنيتي من الغدا ههههههههههه اولا حيت الحوت تقدري تاكليه حتى لتلات المرات فالاسبوع صحي مية فالمية و مغدي احسن مكاين للذات ايوا دخلي لوحي الجلابة هههههههههههه بحركة رياضية هههههههههههه غسلي يديك و من الاحسن تكون عندك الشواية ديمة مغسولة و محطوطة فوق البياص كتدير فيك الحداكة هي و مولينكس كتنقي السردين كاين لي مكينقيهش صراحة مكنقدرش عليه غسليه و تبليه ملح ابزار و خل او حامض شعلي الشواية و ستفي السريدينات وفنفس الوقت حطي قطاعة الخضرة و ديري الشلاضة السريعة ديالك ماطيشة و بصيلة و الخس الا كان ملحة و زويتة و خل و ابزار متنسايش تحضي السردين راه خصك تقلبيه ههههههههههههه و هاهو الغدا فلمح البصر
هادي وصفة ماشي صحية نتفاهمو عليها من الاول ديريها مرة فالققققققرن هههههههه شدي طبسيل و فالنص الاول غتخوي فيه حك سرديك اللكوس هاد الماركة لي زوينة و النص التاني حطي فيه شلا ظة ماطشة و البصلة و ياحبذا شي زويتينات و شوية ديال الهريسة فالجنب و يمي يمي يمي
اخواتي هادي نصيحة غالية كنحطها بين يديكم ها ودني منكم من كترة استعمال المعلبات و الاشياء الصناعية عيشو طبيعيين و على و جه الخصوص و ليداتكم انا كنجمد مني كنشوف موضفة او حتى ربة بيت دايرة سندويتش لفلذة الكبد ديالها عامر بالكاشير و الفرماج و دانون و فالاخير بيمو د زنقة ناري اشمن كمية ديال المواد الحافضة و الملونة و النكهات الصناعية و قوالب سكر كيدخل هاد الولييد للجسم ديالو حراااااااااااام عليها حتى الذوق ديالو كيتطور و كتولي عندو الخضر ماكلة معندها حتى مذاق حيت طورنا عندو حاسة الذوق و عطيناها احسن مكاين فالمذاق و فتالي تقولك انا الولد عندي ديما مريض انا ولدي قتلاتو الحساسية انا ولدي مكياكولش كيفاش بغيتيه يكون انسان طبيعي و نتي خربقتي ليه طبيعتو بيديك ملقيتي متعطيه ايوا خبييز و زويتة ناس راه كبرو غير بيها و رباو بيها الركابي
نصيحة اخرى كتشري الخبز ايوا اش داك لخبز الطحين الابيض عامر غير باللبابة و مكيشبع و تخاطفي اصاحبتي على خبز الزرع راه هو صديق المعدة و الصحة
الطبخ المنزلي مزيان و لذيذ و لكن معندو حتى معنى مني كتزيدي فيه ضامة البنة او كنور راه حتى هو فيه المواد الحافضة الالة كاشير منزلي و لكن زيدي كنور ايوا راه مبقاش منزلي احبيبة ههههههه و الحلاوة لي كادير ليباط يعني بحال سباكيتي و غيرها و تزيدلك كنور فالماء دالسلق و مكتهناش كتزيدها حتى فالصوص الله ابنتيييييييي ديريه فالخبز و كوليه احسن هههههه
ضامة ابنة او كنور و جميع المعلبات نستعملوها و لكن بعقلانية و للضروووووووووووورة و مكرهتش القصوى تقدر تكون مغضركش عندك صحة ممتازة تبارك الله و لكن المشكيل كتطور حاسة الذوق ديالك و كتولي الماكلة الصحية عقوبة عندك و هدا هو الخطر الحقيقي
المشاركة الأصلية كتبت بواسطة jawdat 
الطبخ المنزلي مزيان و لذيذ و لكن معندو حتى معنى مني كتزيدي فيه ضامة البنة او كنور راه حتى هو فيه المواد الحافضة الالة كاشير منزلي و لكن زيدي كنور ايوا راه مبقاش منزلي احبيبة ههههههه و الحلاوة لي كادير ليباط يعني بحال سباكيتي و غيرها و تزيدلك كنور فالماء دالسلق و مكتهناش كتزيدها حتى فالصوص الله ابنتيييييييي ديريه فالخبز و كوليه احسن هههههه الله يعطيك الصحة