السلام عليكم
المقادير ديال الاطة الكبيرة د الفران ديال الضوء
1كاس زيت المائدة
2 كيسان الحليب
1 كاس السنيدة
2 بيضات
2خمارات حمرات و2 فاني وملعقة كبيرة مملؤة خميرة معجونة
ملح وكيلو الاربع طحين ابيض
الطريقة
كنعبرو بالكاس ديال العنبة . كنخلطو جميع المقادير في الخلاط الكهربائي ماعدا الطحين وكنصبو الخليط في اناء كبير ونزيدو الطحين بالتدريج حتى تولي العجينة مطلوقة وكتلصق في اليد ونغطيوها ونخليوها ترتاح 30 دقيقة.
ناخدو الاطة وندهنوها بالزيت ونرشوها بالطحين
نحطو حدانا زلافة الزيت وندهنو ادينا ونبداو ناخدو من العجينة كويرات بحجم الشماشة ونحطوها والاطة وحدة حدا اختها حتى نساليو العجينة وندهنوها باصفر البيض ونرشوها بالجنجلان ونخليوها تخمر في مكان دافىء حتى تتطلع ويتضاعف حجمها ونعاودو ندهنوها مرة اخرى وندخلوها الفرن
وردو البال معها راه دغيا كطيب لا تحرق ليكم
كتجى غزالة وعاطية العين
بصحتكم
ai]m shigm ,lrh]dvih fsh’ td ljkh,g hg[ldu>>> hg[ldu aidm
