شنيك مالح وحلووو من كوزينتي بالتفاصيل وبالصور .1000مرحبا

عندي ليكم واحد الشنيك الصراحة عجينتو رطبة وكتصلاح لكولشي وليت هيا اللي كنستعمل.حيت غير كنلقا شي عجينة زوينة كنفرط فلي قبل منها هههه.

ومقادير العجينة هي كالتالي:

400غرام ديال دقيق(ويمكن نزيدوه حيت الدقيق ماشي بحال بحال)+1خمارة+2معالق خميرة حبوب او شوية من الخميرة المعجونة+60غرام سنيدة+1ڤاني+125 مل حليب دافئ+1بيضة+قبصة ملح+50 غرام زبدة لينة.

الطريقة ساهلة:

كندوبو الخميرة حبوب او المعجونة فشوية دالحليب؛ والمقادير الاخرى كنخدموها بيدينا بحال الكسكس يعني كنبسبسوها عاد كنضيفو محلول الخميرة وفي الاخير كنجمعوها بالحليب الدافئ وكتكون العجينة مرخوفة شوية .
نديرو منها كويرات صغار بحال الا غادين نديرو الملوي.
من بعد كنبداو نسرحو الكرة باش بدينا وكندهنو بالزيت حتى كتولي رقيييييقة وشفافة وكنحطو فيها الحشوة اللي بغينا ونشكلوها على شكل قضيب ثم نلويو القضيب علي شكل حلزوني.

بالنسبة للحشوة الحلوة درت فيها تفاح مغسول منقي ومقطع رقيق واضفت عليه شوية سنيدة وشوية الماء ودرتو فوق العافية حتي كيرطاب وكينقص منو الماء وكنلاحضو ان الماء القليل اللي بقا لينا كيولي معسل وخاتر.
كنصفيوه وممكن نحتافضو بداك الماء نسقيو به الطورطات مثلا.(ههه حتى حاجة ماضيع).
وكنمعسو التفاح بضهر ملعقة حتى كنحصلو علىpurré ديال التفاح.

اما الحشوة المالحة فهي علي قد الحال: بصلة مشلضة مع الزيت البلدية والتوابل وفلفلة حلوة وزيتون مقطع دوائرملي كيطيبو كنزيدو عليهم قزبر او معدنوس.وعاد ملي نحطو الحشوة فوق العجين كنديرو عليها فروماج محكوك.

akd; lhgp ,pg,,, lk ;,.dkjd fhgjthwdg ,fhgw,v>>>1000lvpfh lhgd .,[; ,fhgw,v1000lvpfh