تم التثبيث في تاريخه ام العربي 
السلام ط¹ظ„ظٹظƒظ… اخواتي اليوم جبت ليكم طريقتي من بين الطرق لي كنعتامد عليها فالفينوازري وهاد الطريقة ساهلة والنتيجة اروع غير خاص تكون المقادير مضبوطة وتبعو الطريقة مزيان والزبدة تكون بحرارة المطبخ والطحين من النوع الممتاز وان شاء ط§ظ„ظ„ظ‡ ايلا جربتوه غادي ضربو على المخبزات ههههه 
نبداو بسم الله المقادير : 500غ طحين 275غ ماء دافئ (انا عملت 250غ ما+25غ حليب) معلقة كبيرة خميرة الخبز ايلا كاينة حبوب افضل 8غ ملح 50غ زبدة 50غ سنيدة 150غ زبدة للتوراق 
والخميرة كتكوني دوبتيها من قبل فشوية الما دافي من داك الما لي فالمقادير كتخلطي جميع المقادير فالعجانة ايلا متوفرة او تعجنيها غير بيديك تجمعي العجينة وتغطيها بشي منديل وتخليها تخمر ساعة في مكان دافئ 
من بعد كضغطي عليها بيديك مزيان باش يتحيد داك الهواء وكترشي الطحين وطلقيها بالمدلك على طول قياس لي طويها على 3 
كتوزعي الزبدة المقطعة على سطح العجينة كاملة 
وكطويها على 3 ودخليها الثلاجة ترتاح لمدة 10 دقائق 
تخرجيها وتعاودي طلقيها وطويها على 3 ودخليها الثلاجة 10 دقايق 
وكتعاودي ها العملية 2 مرات كطلقي العجينة ودهنيها بالكريم باتسيير وترشي الزبيب 
وتلويها هنا عملتها بالفواكه المعسلة وحبيبات الشكلاط 
ملي تلويها كتقطعيها زهقات لي هاد المرحلة مصورتهاش كتخليهم يخمرو 
دهنيهم بالحليب منسم بالفاني ودخليهم يطيبو 
ملي طابو دهنتهم بالناباج وزوقتهم باللوز كونكاسي ورشيت سكر كلاصي 
نتمنى يكونو عجبوكم
akd; fhgu[dkm hgsvdum ]hzlh lk l’fod ll;k hggi hggi du’d; hgwpm hgd,lh hgsghl hgsghl ugd;l hgavdum hojd halk hu’d; hkh jr,gdgd [h,; ]dhg du’d; ahx sjulgj .,[; ugd;l y.hgdk k,u ;daid
اكيد رائعين غادي ان شاء الله نجربهوم هاد العشية و أحلى تقييم لأحلى وصفة لأحلى أنيقة
الله يعطيك الصحة او تبارك الله عليك طلع زوينين غير من شكل باين المضاق غير بغيت النسولك واش ممكن نديرو في الكونجلتور حيت غير انا الي كانكلهم الا درتهم غادي غير يخسرو وانا كانبغي الحاجة تاع الدار ماكتعجبنيش ماكلة تاع الزنقة
تبارك الله جاك غزال والعجينة ممتازة
تبارك الله عليك انا ديمة متبعا وصافتك ولي جربتها كتصدق ربي يحن عليك و يعطيك متمناي غير و كان راك مدوخاني كنقلب علا فهرس المواضيع ديالك و مزال ملقيتو a7la t9yim
الله يعطيك الصحة او تبارك الله عليك
تبركالله عليك بينين زوينين نجربهم قريب انشالله
شكرا فنانة تبارك الله
غزالين الله يعطيك الصحة دائماً متألقة تبارك الله الله يسر ليك الحبيبة ماكتبخليش علينا
تبارك الله عليك غزالين الا جات على خاطرك عبار الما والحليب بالكاس.