شنو هو النظام ديالك فالحياة هنا في هولندا

---

ak, i, hgk/hl (hgfv,;vhl) ]dhg; thgpdhm ikh td i,gk]h hgfv,;vhl

سبحان الله 7 مشاهدات وحتى وحدة ماجاوبت حتى بكليمة ماشي مشكل الا معجبكمش الموضوع نقول المشرفات يحدفوه

salam khti maghribiya ana mazal f lmaghreb kanstana nalta7a9 b rajli nchaelah binssba lmodo3 dyalak ana dert acte de mariag f mois 01 w 9rit holandia w dowazt lmtihan f mois 07 w nafss mois dart l3ars rajli mcha dfa3li w ana kanstana ljawab ama l as’ela lokhra njawbak 3liha hta namchi lholanda nchae Lah

ah nssit lmodo3 zwine bezaf

اسعدني مرورك اختي
والله يجمع الشمل عاجلا

يزين ايامك

salam aleekom,
ana shoft mawdou3 dyalk ma9dartsh namshi bla manktb lik wakha ghir shwiya .
mawdou3k bezzzzaf mohim ana daba hnaya 4 mois bash jite fe rotterdam et ba9i mawalftsh mazyane c est pas facil bash twalaf daba ana yallah bdite inburgering bdite kan3raf nakhroj nt9ada bwahdy et 3andy un bebe de 15 mois lmohim bezzzaf dyal lhadra matgal felmawdou3 dyalk rah bhal ila hakiti liya 3la jarh ely biya je terouve ke c est difficil la vie hnaya surtout ila ma3andakch la famille hnaya.
ntmana narja3 et naktab mara okhra hta ana n3awd likom parce ke daba radi n3ass lbarh man3stch lyl kolo mijn baby kan mryd et lyoma dito 3and huisarts et mshit 9rit rja3t taybt laghda et …daba fiya n3ass et la3ya mais fraht meny shoft had lmawdou3.
merci pour ton sujet et allah y3awna kolna et kol akhawat.

السلام عليكم ورحمة الله وبركاته
أخواتي كل واحدة كتشارك في هاد المنتدى خاصها تحترمه إما تكتب بالحروف العربية أو الهولندية
العرنسية غير مقبولة

اسعدني مرورك اختي
en beterschap voor jouw zoontje
انا في انتضارك
وحتى انا غادي نشارك
maar ik ben bezig mijn moeder komt vandaag ik denk kom ik s avond inchalah
doei

السلام عليكم ورحمة الله وبركاته
بالنسبةلي هذي لسنة الثامنة عندي في هاد البلد وعندي طفلين واحد فالقسم الثالث ماشاء الله والثاني مونسني بشقاوته فالبيت
جبت النيفو 2,5 فالعام الأول الحمد لله رغم أني خذيته إلا أن اللغة كخاصها تتكلمها باش تتحسن
ماعنديش علاقات فالحي لا مع المغاربة حيث قلالين ولا مع الهولنديين ربما لأني فالأصل احدودية بزاف
يومي كندوزه مع اشغال البيت الروتينية وتوصيل ابني للمدرسة لأن المدرسة لي هو فيها عندهم توقيت صعيب اشوية كيخرج مع 11 ونصف ويرجع يبدا مع الواحدة وساعة ونصف فيها الطريق والأكل وضروري باش يكون خمس دقائق قبل الوقت فالقسم
يعني اتخسيخة هههه
حين كنوصله كنفوت أحيانا نطل على حماتي وحماي وأحيانا نفوت لسوبرماركت نسخر
فالويكند طبيعي غنطيب لأنه يوميا الطبخ وكذالك ابني عنده السباحةومن بعد حس الجو كان مزيان كنخرجو كان وغالبا ماكاين جو كنبقاو فالبيت ولا زيارة لبيت حماتي ولا …. المهم كل ويكند وحالها
زوجي لله الحمد ماعندوش علاقات كثيرة وغالبا عندنا الوقت لبعض وللعيال
القرايةللأسف ملي وصلت هنا أول عام صافي مابقيتش اقريت سوى فالأنترنت
كنقلب على معلومات وحاجات أخرى
النت كنجلس كل مرة حيت كيبقى مفتوح وكل مرة كنطل حتى كيدخل زوجي باش كنشوف مشاغلي
إوا الخروج كنخرج للمحلات حين كنبغي شيحاجة أحيانا مع العيال وغالبا فقط مع الصغير حيت الكبير كيجيب الدوخة ههههه وأنا خوااافة مانقدش يغيب على عيني لحظة والدراري فيهم النشاط خاصهم يجريو ويلعبو فين ماكان واخا محلات
الحمد لله تحسنت عندي اللغة من لما دخل ابني للمدرسة وطلقت لساني لأني فالأول كنت كنحشم نتكلم حتى تعرفت على الناس وكل مرة كنزعم حتى صافي صار عندي ثقة في نفسي ونقد نتكلم بلا عقد ههههه
رغم أني من السنة ونصف الأولى كنت نمشي نالطبيبة ولا كنترول الطفل بوحدي عادي لذا نصيحة لكل البنات الجديدات ماتخليش شي عقدة تعقدك بالزعامة والإرادة تسهل عليك التكلم بهاد اللغة الي فالأول كتجي صعيبة
إوا الكوفي ضروري منها قبل ماتبدى أشغال البيت ولكن حتى كنوصل العزري لمدرسته باش نشربها بخاااااطري
بانتظار مشاركتك
ونعيد البنات من فضلكن الكتابة إما بالعربية ولا الهولندية باش مانضطروش لحذف الردود المعرنسة