شنو أخبارك مع الأكل رمضان؟

السلام عليكم ورحمة الله وبركاته

كل وحدة تقول لها شنو نظام ط§ظ„ط£ظƒظ„ ديالها في رمضان

بالنسبة لي كلشي تا يضحك عليا، تا نحس راسي غير طبيعية، ونتمنى من كل قلبي نلقى على الأقل وحدة فحالي
غير تا يأذن تمرة وكأس ماء، بعد الصلاة سندويش فيه أي حاجة، ممكن بوكاديوس، أو دجاج، أو لحم أو خضر أو طون (أو مسمنة ولا بطبوطة معمرة ) أو قطعة دجاج أو كبد أو لحم على حسب الموجود + كأس العصير، صافي تا نتبلوكا ما نقدر نزيد والو، بعض الأحيان نزيد 1 كريب حلو معمر، أو 1 سيكار سمك، حتى لقبل الفجر شوية مكسرات مع تمر وكأس ماء
مستحيل ناكل حريرة أو مسمن أو مرقة أو سلو أو شباكية … النتيجة خسارة وزن نهاية رمضان كل سنة

---

ak, Hofhv; lu hgH;g vlqhk?

اهلا انا مشي بحالك ولك هاد العام انا بادية رجيم جديد وهو الفطور بتفاحة والغدااء حتى 4 أو 5 ديال لعشية ثم كنصوم حتى انهار التاني لذلك انا مقرة نستمر فرجين حتى برمضان يعني وجبة واحدة أو عدي تكون وجبة الفطور أو بالأحرى عدي تكون بحال الوجبة الي كتاكليها لاني حتى انا مكا نشرب الحريرة عادة أو معنديش نقدر نأكل المرقة أو حتى الحوت لقاء مامولفاش يعني مايبقاش فيك الحال كلها أو طبعوا في الاكل

سلام أختي عواشركم مبروكة بكل متمنيتوا يا رب أنا كنكل مزيان فالفطور الحريرة لا المسمن والبغرير لا المقليات لا ولكن طبعا من الفطور حتى السحور دانون وشئ تميرات صافي والحمد لله

السلام عليكم و رحمة الله و بركاته
تبارك الله عليك اختي امينة
انا مااشي بحالك و لكن تقريبا ههه انا و راجلي دييييما ما عندناش العشا و السحور يعني عندنا غير الفطور و كناكلو غير شوية مع الصهد كنشربو الماء و العصير و هي هاديك حتى للسحور و ناكلو غير تمر و انا كنشرب الحليب و راجلي الماء و ديسير انا ما نزيدش على البنان و داكشي دالفلون و دانون و هدا واالو قليييل فين نديرو فرمضان ما كناكلوهش و فالفطور اما ندير المملحات او ندير ماكلة نيشان ههه دجاج او لحم او او و المرقة و اتاي ما يدوروش عندي فرمضان ههه مازال هداك العام درت الطاجين شي 2 مرات واقيلة و لكن فالفطور هههه

بصح كيف قالت الأخت كلها وطبعو في الأكل
والحمد لله كاين اللي فحالي شوية خخخ
الناس لي تا يعرفوني كلهم تا يشوفوا فيا فحال إلى جاية من كوكب آخر لأن الطبيعي في رمضان، هو فطور (مبالغ فيه غالباً) ثم اتاي وشباكية وسلو ثم عشاء ثم سحور

لا اختي بالعكس فطورك هو الاحسن واللي بغا يشوف يشوف ههههه حتا انا ماكنكترش فرمضان غير هو الحوت اساسي فالفطور حيت راجلي كيبغيه معاه فلفلة مقلية فالفرن وبعد المرات شلاظة وكنفرقو الصيام بالتمر والعصير وطريف من الكيك او بسبوسة وكل نهار كندير شهيوة وحدة اما بطبوط معمر او مسمن الفران معمر اوبيتزا اوووووو وماكنديرش العشا كنبقاو حتا السحور اللي غالبا كيكون فيه ديسير او فلان وانا كناكل فيه بعد المرات سلو هادا ماكان والحمد الله واخا ماكنضعافش هههههه

انا بحاااااااااالك او اقل هههههههههه
كناكل 3 تمرات وكاس دالما ونوض نصلي .منين نرجع كناكل غير شي حاجة قليلة مع كاس دالعصير.الحريرة ما كنشربهاش فرمضان وفلليل ناكل شي ديسير وصافييي

وضروري من خسارة الوزن فاخر رمضان بالحق غير كيلو ولا 2 .مور رمضان كنرجع لوزني العادي ههههههههه

انا الحاجة الوحييدة اللي تتحمقني هي الحريرة متيهمني لا بيتزا لامسمن لا شباكية لا وااالو تنفرق الصيام ب 3 تمرات و نص كاس الما و نمشي نصلي المغرب ونلرجع لحريرتي فقط تنشرب زلافة او جوج كل مرة واش صاافي حتا لسحور تميرات والدسير والما
اوا اش بان ليك لخبز ناااادرا فاش ندوقو انا ماشي غير مخلوق عجيب راه منقرض ههه

سعداتك امينة ووووووووووووووواش بغيتي مزال غير قولي ليا

عواشركوم مبرووووكة بالصحة و السلامة و باش ما تمنيتو ان شاء الله