السلام عليكم حبيبات قلبي
بغيت غير نفش قلبي ونعرف واش حالتي عادية ولا لا.انا ولدت هادي عام واول ولدة ليا.اوا اش نقول لكم وليت حسااااية بزااااف من جهة الوليدات غير نشوف شي صورة توليد تيطيح عليا اضيم او ايلا سمعت ان شي وليد متخلى عنه او مليوح تنعطيها للبكا.اما الحالات اللي تنشوفو على اطفال سوريا ولا راجلي مانع عليا الاخبار حنت غير نشوفهم ونعطيها للبكا تيبقاو فيا .حتا قبل منحمل كانو تيبقاو فيا لكن دابا وليت بكااااية بزاف .والله العضيم البارح شفت فالانترنيت صورة واحد البنية غزالة ماشاء الله ومسكينة ملبساش مزيان والبرد والتلج بديت تنبكي تنبكي جا راجلي تيجري قال لي مالك والله مقدرت نقول له السبب عرفتو غيضحك عليا.ربي لما قولو ليا واش هادشي عادي ولا لا
a;,k ,ghj fphgd lk fu] hg,gh]m
أناااااا يا أختي بحالك أنا كنت هاكا من قبل ولكن مني تزاد ولدي وليت أكتر وأكتر واكتر واحد المره واحد الأخت في المنتدا حاطه صورة واحد الوليد متخلى عنه عرفتي نبكييييي نبكي كي شي حمقه ندور شويه ونرجع تاني نشوف فيه مسكين وأراك لبكا تاني حتى نعيا ونوض من نحدا لبيسي ونرجع تاني نشوف صوره وأراك لبكا ووقعات لي تاني واحد لمرة واحد الأخت حطات فيديو ديال شي بنيته ميته ليها ماماها ومني كتسمع واحد تسجيل بصوت ماماها كيغني كتبدى تبكي بواحد الطريقه كتقطع القلب غير شفتها واش دموعي بغاو يتحبسو عيني تنفخو بالبكا نتنخصص بحالا شبعانين فيا هراوة هههه أما واحد البرنامج كيجيبوه في التلفازه كيبينو العيالات مني كيولدو هاداك عندي فيه ساعة ديال البكاء المتواصل ههههه حتى ولا راجلي مانعو علي هادي شي 3 الحلقات ما تفرجت فيهم حلف علي.سبحان الله الوحدة مني كتولي أم يمكن كيتزاد عندها هاد الأحساس
الامومة كتخليك تحسي بجميع الاطفال ماشي غير ولادك احنا مللي كنشوفو شي طفل فحالة خااايبة كنتخيلو ولادنا فهاديك الحالة انا كون ما الضروف والمجتمع مكرهتش نربي شي يتيم ندير فيه الخييير ونعطيه الحنان ديالي ونعاملو احسن من ولادي
عادي اختي راه حيت غير كتشوفي شي وليدك ف شي حالة ماشي هي هاديك بلا ما تحسي كيبان لك فيه ولدك