السلام عليكم ورحمة الله وبركاته شي مرات كتكون عندي حساسيةوغيرة زائدة:confused: و داغيا كنبكي وتنحس براسي محتاجة بزززززاف للاهتمام و الحنان و المشكلة مني راجلي مكيفهمش شنو بغيت منو من مواساة كنتعصب عليه وندابزو و أي كلمة قالها نبكي عليها لأنها كتجرحني بزاااففففف والمشكلة ما كايبغنيش نبكي وكيتعب مني كيشوفني هاكا و تيقولية شنو بغيتي ندير ؟؟ أنا هاديك ساعة مكنعرف منقول ليه و كيزيد اتعصب:eek:..مانقدرش نقول ليه بغيت الاهتمام مع أنه كيكون معايا في الدار و يضحك معايا و لكن أنا تنحس باغا اهتمام خاص و حميمي ماشي الضحك ههههه:p ولكن مني جاتني العادة الشهرية لاحظت هاداك الاحساس اختفى و بحال حسيت كنت دايرة من الحبة قبة :D..وخا الى قال شي حاجة معجباتنيش مكنبكيش عليها و تنكون صبوررة و هادئة و لكن في هادوك الايام كنت نحس ما نتقبل تاشي كلمة …ومشيت قلبت واحد الايميل كنت كتبتو ليه نيت من بعد هاد الحالة في واحد شهر لقيت التاريخ قبل العادة الشهرية و قلبت في النت واش شي بنات عندهم نفس المشكل واش هو من تحولات الهرمونية ط§ظ„ظ„ظٹ كطرا في هاد الفترة و بصح لقيت حالات في مدونة فرنسية … واش كاينة شي واحدة فيكم بحالي ولا غي أنا هههههه :pخصوصا مع كينة منع الحمل حيت قبل ما نتزوج ما كنتش هاكا يمكن كنت تنتعصب و لكن ماكنتش كنبكي .. راجلي كنحس بيه عيا من هاد الحالة و نا ما بغيتش نكون نكدية الله يستر و صافي ..المشكلة تتندير هاديك الحالة عادا نمشي نصلي و نهدئ راسي و لكن كتبقا فية هاديك الحالة ديال الاحتياج الزائد عن اللزوم للحب هههه المشكلة الحب ط§ظ„ظ„ظٹ فخيالي أنا وخا هو مسكين ما عارفش شنو باغا ..كنحاول نبدل راسي ان شاء الله دعيو معايا:)
a;,k hggd ;hjuhkd lk ih] hghuvhq ;g aiv iii
سلام عليك أختي كاينين بزاف بحالك أنا واحة منهم لكن من الأول قلتها لزوج ديالي قلت ليه رد بالك مني إلى شفتيني معصبة عرف العادة قربت ولا حافظ ولا كايشد فيا و ضحك عليا حتى وليت حتى أنا كانضحكعلى راسي
السلام عليكم ورحمة الله وبركاته راه حاولت نفاتحو في الموضوع البارح لكني حسيت بيه ممستعدش اهضر عليه حيت يالله تهنينا منو و ما بغاش صداعو ثاني هههه شفتها في وجهو عيان منو .. اوا قلت في راسي انا وياك و الزمن طويييل غادي نهضر في الوقت المناسب حيت مبغيتش احس بأنني في اي حاجة ما راضياش عليه و هادي أعدى حاجة عند الراجل ..اوا يتبع ههههههه
السلام عليكم ورحمة الله وبركاته في 37 مشاهدة خرجو غي 2 حالات ههه الله يلطف بينا
السلام عليك أختي و الله تحسب راكي تحكي عليا ….سبحان الله لكن أنا زايدة شوية عليك……نولي انسان اخر نولي انسان ياكل العباد…..و نتأسف كثير لحالي لما تروح العادة و تعود ريمة لحالتها المعتادة…..ربي يستر……
اختي كلامك صحيح فالدورة تاتينا باشياء خارجة عن ارادتنا و هذا شيء طبيعي جدا لهذا حرم الله الطلاق في فترة الحيض اما عنك حاولي توصلي الحالة لي عندك من نبت بداي يقراي الموضوع قوليه سبحان الله تسحبيك غير انتي لي كتجيك هاد الحالة لكن هي راها طبيعية او خليه يقرا الموضوع حتى يفهم الحالة ديالكي ان شاء الله تكوني فهمتني
السلام عليكم ورحمة الله وبركاته حتى انا نفس الشيئ ..ولكن مع شوية تاع التغيير ..وليت كنبكي ملي مايكونش ههههههههه ..كنفش قلبي واخا ماداير ليا هو والو غير كنحس بضيق بقلبي وكيطيح عليا الضيم ..واش الغربة ؟؟؟ واش الكينة ؟؟؟ يمكن كلهم هههههههههه.. كيجي كيلقاني ضاحكة وخا وجهي منفوخ هههههه شكرا اختي عالموضوع
ايوة قوليلية كلنا عقد و كنغطيوها الله يهدينا و يتبتنا يارب حتا انا الحبيبة لكن انا قلتهاليه من الاول قلتلو شوف متقلقش مني الا شفتي نفسيتي زفت تحملنا و اي شي صدر مني متقلقش عليه راه النساء في فترة قبل العادة كتكون شخصيتهم و نفسيتهم حساسة بزاف و عصبية فتحملني و عرف ان مهما عملت راه ماشي لخاطري و تقبلها دابا غير كيشوف طلعات ليا القردة على سبة كيضحك عليا و كيقول واش هادي احدر خطر ولا ديال بصح و يبدا يضحك علي لكن الحمد لله الي ملزمين بيه اختي منخلوش حياتنا كلها هرومونات و عادة باش ميملوناش نهار ولا يومين في شهر مدارت باس لكن ماشي 28 يوم من 30 كلها عصبية و نفسية و نحاول نخفو و نتغلبو عليه واخة بعد مرات فوق من جهدنا
اختي حتى انا عندي نفس المشكل وخا ممزوجاش وما تنشربش الكينة راها عندي مشكلة قبل كل دورة شهرية الله يخفف علينا كاملين والله يوفقك احبيبة
ختي فاطمة الزهراء ها وحدى زيديها عليك ديما كنت نوضها مع خطيبي كل شهر حتى هو عاق قالي اهياتا هدشي ماشي عادي فرطني وانا نعتارف ليه قلت له المشكل كيفما وصفتيه نتي دابا و تفهمني بزاااااااااااااااف و كيف قالت الاخت تيقلبوها تقشاب حتى نتي كتنساي راسك و تبداي ضحكي على راسك نيت و كنتمنىىىىىىىىىىىىى الحبيبه متمشي مني هاد العادة الخايبه بعد الزواج حيت كيف قلتي كتكرهي راسك بالضيم و كنحس براسي غير حاقرين عليا انا مسيكينة و مضليمة هههههههههههههه نكتة صافي حاولي الزين تقوليها لراجلك و كوني اكيدة غادي تولي غي ضحك بيناتكم خليت ليك الراحة ^_^