السلام عليكم البنات بغيت تفيدوني بخصوص التفاح إلى كان عندكم كتير اش ممكن نعاملو به وش ممكن نديروه ف المجمد وجزاكن الله خيرا
a;k uk]ih ad t;vm jtd]kd fih thgrvdf s;k
من طرف : amanarre
اخواتي اليوم حبيت نوريكم طريقتي في تعليب التفاح بهاد الطريقة يمكن لينا نحافضو عليه مدة طويلة الى ما كناش غادي ناكلوه او اذا كنا غادي نغيبو مدة طويلة نعلبوه احسن ما نخليوه يضيع ونرميوه هكذا نكونو ما نرميو حتى حاجة ونكونو ربحنا تفاح معلب لي يمكن لينا نستعملوه استعمالات عديدة فالديسير او للطورطات او حتى للطاجين
المقادير
كمية من التفاح منقي
زلافة سكر
عصير نصف حامضة
لنجاح عملية التعليب خاصنا نقومو بعملية التعقيم لي كا تكون بماء غليان ونديرو فيه الاناء الزجاجي ليطيب مدة 30 دقيقة
من بعد 30 دقيقة ما نزولوه بكل حذر حيت كا يكون سخون ونزلوه وهو مقلوب تفاديا للهواء
فهاد الاثناء كنعملو التفاح ديالنا يطيب ونزيدو عليه السكر وعصير الحامض باش نحصلو على سيرو
من بعد ما يطيب
كنعمروه وهو مازال سخون وكنكبو عليه السيرو لي طاب فيه حتى يغطيه
كنسدوه مزيان ونرجعوه يطيب 30 دقيقة
وها حنا حصلنا على تفاح معلب بطريقة معقمة وسليمة
وهاهي النتيجة من بعد اسبوعين انا غي فتحت عليه باش نوريكوم وحتى فتحتو بصعوبة ختكم ما فيهاش القوة ههههه وهدا دليل ان الاناء تسد مزيان فاش طاب وهذه صورة التفاح
نتمنى تعجبكم طريقتي وتجربوها
12-09-2019
أحلى ســـلام لأحلــــــــــــــلى انيقـــــــــــات
وجمــــــــــــــــعة مباركـــــة ان شاء الله للجميع
كما هو واضح في العنوان
سأقدم لكن
مربي التفاح ان شاء الله
هو هدية لأختى صغيرة اكليل الزهور وجميع جيرنها الطيبين، وكنقول ليهم الله يخلف عليكم ويجعل عاامر ان شاء الله
بسم الله
مقادير
كيلو تفاح
400 غرام سنيدة
كأس ماء
1كيس فاني
معلقة ماء زهر
طريقة
كنغسلو تفاح ونزل ليه علف ديالو فقط ونتركه بقشرة ديالو وكما هو واضح في صورة
وكنعمله في كسرولة ونضف ليه كأس ماء ونتركه يطيب لمدة 30دقيقة تقريبا
غادي يصبح فحال هاكا و ماء كيتبخر
كنخدوطحنة اليدوية ونطحنه ( علاش طحنة اليدوية؟ لانها كتعطنا عصارة تفاح خالية من القشور )
كنخدو سنيدة ونقصو منها 2معالق كبار والباقي نضفه للتفاح مطحون
وكنعود نرجعه فوق نار مرة مرة نحركه حتى يتغير اللون ديالو فقط ونضفو له سنيدة اللى حتفضنا بيها من قبل
ومعلقة نتاع ماء زهر +كيس فاني
ونحركو ونتركه غيرررر شووووووية راه قد ما تعطل فوق نااار كيجي قصح
وها هو مربى وجد عندنا
وكنعقم القرعة اللى غادي نفرغه فيهم ربما كل وحدة فيكم عندها طريقتها خاصة
ان شاء الله نزل ليكم طريقة تعقيم اللى كدوم اكتر من سنة وممكن تستعملها لاي حاجة
كما انى مصورة ليكم طريقة مربي بالكرموص و بمشماش
وبالصحة وراحة
المشاركة الأصلية كتبت بواسطة amato allah87 
شكرا أختي
نتمنى نكون عطيتك فكرة تعجبك
الى معجباتكش هاد الفكرة نعطيك وحدة اخرى : جيبيه لعندنا المنتدى و قسميه معانا ههههه
المشاركة الأصلية كتبت بواسطة hajar mellalia نتمنى نكون عطيتك فكرة تعجبك
الى معجباتكش هاد الفكرة نعطيك وحدة اخرى : جيبيه لعندنا المنتدى و قسميه معانا ههههه
hhhhhhhhhhhhhhhhh ضحكتني أختي تستاهلو كل خير نجيبو أنفوتوه لديك جيه أزين غير عند لك واحد طلب كيف داير هل lclafouti ل-galti لي إلى ممكن لمقادير
المشاركة الأصلية كتبت بواسطة أم مروى2019 تستاهلي ا حبيبة lclafouti راه نوع ديال الكيك فيه قطع لفواكه راني غادي نكتب ليك المقادير