شقا الدار وتربية الاولاد

قولولي يا الانيقات اش كتعملوا مع شقا ديال ط§ظ„ط¯ط§ط± خصوصا الا كنت كتربي ورمضان على الابواب

---

arh hg]hv ,jvfdm hgh,gh] ,jvjdf

السلام عليكم ورحمة الله وبركته ،أختي ماعندنا منديرو غير اننا ندم أوقاتنا او نحاول نوجدو كل مرة حاجة أنستغلو وقت النوم ديال ولدتنا الله يحفدهم لينا .او أنا شخصياً هادشي إلي تندير إضافة أن كنش9ة بالليل كنجمع الدار كلها مزيان كنغسل الماعن ،كنغسل الحمام أعزكم الله ،كنجفف ،يعني كلشي ،أحياناً كنوجد الطبلة ديال الفطور أتنصب الغدا أف الصباح كنشعل عليه البوطة أكنجمع البيت ديالي اديال أولادي ،أكنستغل الوقت في صليح الملابس أو توجاد شي شهوة مع العلم أنه عندي 3 ديال لوليدات الله يحفدهم (الله يسمح لينا من الوالدين )

الله يعاونك اختي كلنا دزنا من ديك المرحلة حاولي تديري للي قدرتي عليها والله لا يكلف نفسا الا وسعها انا كنت تنشري كلشي من عند واحد السيدة معروفة ؤتنهني راسي

أختي حتى أنا كنضم ليك عندي جوج بنيتات صغيرة ٨شهور كنوجد صعوبة مع الشقا والتربية كلشي مني مكاينشي لعوين الحمد الله كنتوكل على الله وكنعمل لي قدرت عليه المشكل الصغيورة مكتنعش بزاف بنهار ولاصقة في صافي كنضطر نخليها تبقى تبكي باشنكمل شغالي

غير خليها على الله الحبيبة والحمد لله هاد العام جاي رمضان مع العطلة أنا غير البارح عاد فطمت بنتي والله منعست ليل كلو ضرني صدري تنفخو عليا وهي باغية البزولة غير كنهرب ونخليها له الله يغفر الدنوب وصافي نعملو لي قدينا عليه ولا يكلف الله نفسا إلا وسعها حتى يكبرو وليداتنا ونعملو فورماتاج لكولشي ههههه ونتهلاو فريوسنا وفيهم غير الله يقدرنا

سلام …أخواتي….و الله عندي نفس المشكل….عندي وليد عندو عامين ماشاء الله تبارك الله مكيخلينيش نشقا نهائيا….كيندمني إذا فكرت ندير شي حاجه….و الحاجة اللي نقول عليها لا يعاندني و هي اللي يبقى يعود….إذا كنت نغسل الماعن كيمشي لي البوطا أو الثلاجه أو أي حاجه تجيب المشاكل ….عييت من كلمة لا….الله يكون بعون اللي عندها أكثر….و الله يسمح لينا من الوالدين ….و لكن زمان كان اللي عند شي وحده أطفال كل شي باغي يلعب معاهم و يخرجهم….إلا ما كانت أختك أو أخوك…تكون جارتك …ولاد الدرب كيتخاطفو يهزوه و يلعبو معاه….أما في هاذ الزمان كاين غير راسي يا راسي .

السلام عليكم الانيقات

بالنسبة ليا عندي 2وليدات الله يحفظهم
واحد عام وشهرين والصغير شهرين ونص
اش غنقليكم الحماااااق وصافي ما بقى ليا والو ونتسطى ولكن غير مع الوليد الاكبر مكيخلي حتى حاجة الا وكيجبدها ويخرب كلشي
بالنسبة للشقا الدار انا من خفافيش الليل… كلشي كنقضيه بالليل التخمال وغسيل الماعن ونرتب الكوزينة ونحط لي غنطيب في الغد ان شاء الله. ونمشي نسيق الحمامات 2… ونحك لفابوو ونشر الحوايج تقريبا كليومين كنغسلهم بالغسالة

في الغد كنفيق معطلة ع حسب امتى فاقو الوليدات نبدل ليهم ونعطي الحليب للاكبر ونرضع الصغير وكندوش ليهم
كنفطر ونبدا في الغدا وفي الصداعات مع الولد حتى كنسخف عاد كينعس

………. لللحديث بقية

زوين هاد الموضوع بزاف اما انا كيفكم عندي ولدي عندو عامين منقولكمش تبارك الله حتى حاجة ميخليها هانية خصوصا واحد مكينة ديال لقشوع هاد الايام راني قادة على الدار الحمد لله ولكن في وقت الدراسة تيكون ضغط علي كثير ما حيلتي للحفاظة الدار ولا الراجل ولكن لواحد لازم يعتمد على الله و الصصصصصصصبببببررررررر

شكر كثير على تفاعلكم مع الموضوع اتمنى المزيد من الردود للاستفادة