شرح طريقة البوليرو و الفستان و الطاقية

---

avp ‘vdrm hgf,gdv, , hgtsjhk hg’hrdm

رابط الورشة هنا للأسئلة

https://www.anaqamaghribia.com/vb/sho…06#post9081806

نعود للتمة الورشة

من بعد عملنا سلسلة من 37 نخدمو الأسطر الأفقية بشكل عادي و ملي نوصلو للسلسلة نحاولو نخدمو فيها 7 وحدات

و غنكملو الخدمة دائرية ما نزيدو ما نقصو حتى نخدمو 10 أسطر هنا كندكركم باللي هاد القياس ديال 3 سنوات و قد ما تزاد السن غيتزاد عدد الأسطر

هنا فهاد الصورة كملت الدائرة و غندوز للأكمام

الجهة الأمامية فوسط كل من وحدة
وحدة نخدم فيها 3 أعمدة سلسلة 3 أعمدة و سلسلة نخدم فيها عمود باش نقصو شوية من الوسوعية ديال الكم

و الجهة الخلفية كدلك

و هدا هو الكم

و هنا البوليرو

فالوجه

و الخلف

ما زال ان شاء الله نضيفو شي وريدات للإشارة هو كيجي محلول و ما كيتسدش

البنات ركزو مزيان اللي عندها شي سؤال فالبوليرة تحطو لي قبل من الاثنين حيت غنبدا واحد آخر باش اللي ما فهماتش شي مرحلة نركز عليها و نصور الطريقة ديالها
و عافاكم اللي عندها شي سؤال تحطو فالورشة و نخليو هنا للشرح فقط

ابة غندوزو اللي صعيب شوية هههههههههههههههههههه

الفستااااااااااااااااااااان واش البنات كتعرفو تقراو الباترون ؟
اللي كتعرف تقراه غنحط الباترون و اللي ما كتعرفش ليه تسولني

غنبداو فالأول بالنسبة 3 سنين

غتخدموأولا سلسلة طويلة
هادي تقريباً فيها 108 سلسلة و اللي عندها بنيتة أكبر تزيد فوق هاد العدد اللهم يشيط و ما يخصش

نسدو بمنزلقة

و نخدمو عمود فكل عين فالسطر الأول

و السطر 2 غنخدمو عين فيها وحدة من 2اعمدة سلسلة 2اعمدة و نقزو 3 اعين ههههههههه ما نعرف فين مشات واحد السيد كانت كتقولي نحنقزو هههههههههه كانت كضحكني بزززززاف

حتى نخدمو 6 او 8 اسطر

و من بعد نطبقو هاد الباترون اللي فالصورة كاملة يعني دوك الأسطر اللي قبل الأسهم حتى هم يتخدمو حيت كيبقى جاي و كيوساع و ما تنساوش السطر الأخير يتخدم باللون المغاير

كنظن من هنا الاثنين نلقاكم كملتو النصف السفلي ديال الفستان

بالنسبة اللي عندهم بنيات كباريت يكتفيو غير بالصاية بنفس الزواقة يعني الجهة السفلية و طبعا العبار على حساب الخسر ديال البنيتة

و لي عودة ان شاء الله يوم الاثنين

البنات ما نتلاقاكم حتى الاثنين بالسلامة و بالتوفيييييييييييييييييييييييييييييق

نرجعو نكملو الكسوة

ملي كنكملو دوك 8 أسطر

كنبداو نطبقو الباترون اللي عندنا

و السطرين الأخيرين كنخدموهم باللون المغاير

كنرجعو للفوق منين بدينا و نرجعو نخدمو 8 أو 9 على حسب البنيتة وصولاً للصدر ديال البنيتة

ملي نوصلو الحد اللي بغينا

غنبداو نخدمو السميطات للأكتاف

أنا هنا خليت 4 سنيتم من كل جهة

و خدمت 9 أعمدة
ف 18 سطر

كنخيطوهم مع الجهة الخلفية

و كنبداو التزين بالسلسلة و بحال الي فالصورة

و كنخدمو سلسلة طويللللللللللللة باش نديروها للكسوة الى جات واسعة نزيرو بيها

بالنسبة للتزيين الوردة اللي كنعتمد عليها و الى عندكم شكل آخر أحسن يمكن ليكم تعملوه

و نعاودو نفس الطريقة حتى تعطينا 5

غنخدمو 12 او 11 او على حسب عدد الوحدات اللي عندنا فالكسوة

دابة غندوزو للتريكو

بحال العادة سلسلة طويلة

و غنخدم 12 عمود و قنت فيه 2اعمدة عين 2 اعمدة و نتبعع ليها 16 عمود و قنت فيه 2 اعمدة عين 2 أعمدة و 24 عين و عاوتاني قنت و 16 عين و قنت ىخر و 12 عين

نطلعو ب 3 سلاسل و نرجعو نخدمو على راس كل عين عمود

حتى نوصلو للقنت

و نخدمو فيه 2 اعمدة سلسلة 2 اعمدة و نكملو
و نكررو هاد العمليه فالقنات ب 4
و الزيادة كتكون غير فالقنات فكل سطر

و مرة مرة نشوفو واش الأمام عندو نفس العبار مع الخلف

و دابة غنخدمو عمود يلسلة نقزو عين و نخدمو عمود
حيت هاد البلاصة ديال السينتة اللي غنزينو بيها و لكن القنات نخدموهم عاديين

هنا انا صافي غنحبس و نبدا فالنصف السفلي ديال التريكو

و لي عودة لتتمة الورشة

السلام عليكم و رحمة الله تعالى و بركاته

نعود لتتمة الورشة

ملي نوصلو للحد اللي جا على قد البنيتة
غنرجعو نخدمو عمود فكل عين على طول السطر اللي بالأبيض باش نسدو الكمام و نخرجوهوم

غنخدمو 2 أسطر

فكل عين عمود بلا ما نزيدو و لا النقصو

و في السطر الثالت عنخدمو فالبدية 3 أعمدة فقط و نقزو 4 أعين و نخدمو 3 أعمدة سلسلة 3 أعمدة و نقزو 4 و نخدمو نفس الشئ و فآخر السطر نخدمو غير 3 الأعين ديال النهايو و نطلعو ب 3 سلاسل و نخدمو غير 3 الأعمدة
دائما فآخر كل سطر يكون فيه غير 3 أعين باش يجي مقاد التريكو من الفتحتين
و تبقاو تخدمو حتى توصلو للطول اللي بغيتو