شباكيتي هشيشة وكاتشرب لعسل والسر فطريقة الخلط والعجين

السلام عليكم رمضان مبارك سعيد الله يلحقكم به بصحة وسلامة وزايد الرزق
هدي طريقتي فالشباكية هدية لكل الانيقات
كلغ ديال الفورص
رابعة ديال طحين قمح
رابعة ديال زنجلان محمص مطحون نص نص
معلقة كبيرة قرفة معلقة كبيرة نافع معلقة صغيرة حبة حلاوة
ملح +المسكة الحرة غير شوية+شوية خميرة معجونة متكثروش راه سخون لحال
2اصفر البيض
كاس ماء زهر نصف كاس زبدة دايبة
كاس زيت انا كانخلط البلدية والومية
زعغران الحر
نصف كاس خل
دبا غادي ندوزو للطريقة
نبدا من التحمار ديال زنجلان
مليتكونو كاتحمروه حاولو ماتحمروهش بزاف الى طحنتيه واعطاك لون غامق غير مادريهش كاتجي الشباكية قاصحة ومكاكونش المداق ديالو باين بالنسبة للنافع وحبة حلاوة ماطحنيهمش حتى لاخر لحظة عاد طحنيهم وديريهم
دبا غادي ندوزو للسر لي كايخلي الشباكية ظ‡ط´ظٹط´ط© وتشرب لعسل
هادي الطريقة ديال الوالدة الله يدكرها بخير
كانخلطو جميع المواد الجافة مزيااااااااان
ومن بعد كانبداو نظيفو الخليط ديال الزيت والزبدة واحنا كانفركو الطحين بين يدينا حتى ملي كانجمعوه فيدينا ونبركو عليه كايتجمع تما صافي كانحبسو لان على حسب نوعية الطحين كاين لي كايشرب كاين لي لا
ومن بعد كانضيفو العناصر الاخرين والى ماتجمعاتش لعجينة نعاود نزيدو شوية دما زهر ولكن لعجينة خاصها تبقا قاصحة اوا ديك الساعة اراك للدليك حتى تولي مرخوفة مزياان ديروها فميكة وخليوها ترتاح من بعد شكلو كويرات طلقوهم بالدلاك وحاولو ترققوها مزيان انا راه بانت فالكام اكبر من الحجم ديالها اما هي راني درتها صغيرة ورقيقة صراحة على الطبيعة احلى تم قطعوها على شكل مربعات صغيرة وديرو 5 ديال الاشرطة يعني ربعة لخطوط كايعطيوك خمسة تقسيمات من بعد كاتاخدي وحدة باش تشبكيها كاتهزي وحدة وطلقي وحدة تم تحاولي تقلبي الروس للداخل وكاتحصلي على التشباك لي فالصور
كانستفو فالطاوات وكانغطيوها بشي منديل رقيق ملي كانساليو كانديرو زيت يسخن ملي يسخن نديروه على نار معتدلة باش ماتحرقس وهدا سر اخر الى كانت العافية مجهدا وخا تزولي الشباكية هي هاديك فالتحمار كاتكون تحرقات فيها بعض المكونات بحال نافع وحبة حلاوة ومكاتبقاش الطيبة مجهدة
وفكاسرونة كانديرو ظ„ط¹ط³ظ„ فحمام مريم باش مايتحرقش تاهو غير كانديرو لقلية الاولى كانطفيو عليه لحقاش ديك الساعة كايبدا يسخن بالشباكية لي كانزلو فيه شخونة وكانبداونصفيوها بعد ماتشرب ظ„ط¹ط³ظ„ ونستفوها فكسكاس باش طلق العسل الزاءد منها ملي يعمر نخويه واحنا هكدا حتى كانساليو
وكانحصلو على شباكية دايزها لكلام كانتمنى نكون وفيت فالشرح
الموضوع الأصلي: || الكاتب: حياة 75 نخليكم مع الصور


https://up.arab-x.com/July11/fBz79716.jpg
[IMG]https://up.arab-x.com/July11/adq79716.jpg[/IMG
وكانتمنى متبخلوش عليا بالدعاء لي ولوليداتي ههههه ومول الدار تاهم راني هادي تلاتة دلمرات ونا كنرسل موضوع ويمشي لي كولشي وننضطر نعاود من جديد
وبصحتكم مسبقا[IMG]https://up.arab-x.com/July11/adq79716.jpg[/IMG

---

afh;djd iadam ,;hjavf gusg ,hgsv t’vdrm hgog’ ,hgu[dk 3lik lik sfh;djd ,hgav

السلام الزين ديالي دخلت صدفة للمنتدى و مشيت لهاد القسم غي دايزة هه هه مزروبة فرحت من لقيت موضوعك باينة غزالة بحالك الله يعطيك الصحة عملتها في فافوري باش من نرجع من السفر نصايبها تحياتي لك و اللهم تعالى يخلي لك الوالدة و يفرحك بوليداتك و بمولى دارك و يخلي لك الصحة

تبارك الله عليك

باينة فيها لذيذة الله يعطيك الصحة وينولك لي فيبالك

الله يعطيك الصحة باينة لذيذة ومشهية الله يدخل علينا وعليكم شهر رمضان بالصحة والراحة والله يعطيك ما تمنتي لوليداتك وزوجك ولينا ولوليدتنا ووليدات جميع المسلمين

ههههههه القلب عالقلب داكشي علاش شميتي ريحة شباكية ههههههه الله يفرح قلبك احبيبا وشكرا على الدعاء

شكراااااااااا حياة الله اعطيك ما نويتي فخاطرك

ممممم باينة بنينة الله اعطيك الصحة.والمنظر تيشهي

الله يبارك فيكم حبيباتي وشكرا على الدعاء ولكن بالمثل

اللهم امين اختي اسماء غير جربيها راه كاتجي هشيييييشة ولديدة

تبارك الله و الصلاة على النبي عليك شباكية دايزها لكلام
الله يعطيك الصحة احسن تقييم من عندي