شانطة الكلينيك

السلام عليكم
ليفايت ليها ولدات في كلينيك تفيدني أشنو خاصني ناخد معايا،راه أول ولادة ليا و معرفتش أشنو نقدر نحتاج

---

ahk’m hg;gdkd;

السلام عليكم أولا مبروك والله يفكك على خير المهم وجدي بيجاماتك شي 2 أو 3 باش تبدلي و وجدي للتربية لبيسات مكمولين من الكبيبطات ديال القطن اللي يلبس من التحت ومن الأحسن يكونو كيتسدو بصديفات من التحت باش يجمعولو جنابو وتقيشرات و طريبش كلشي ديال القطن الرطب و اللبيسات ديال الفوق حتى هوما و ليكوش بطبيعة الحال و تروسة فيها لوازم البيبي من شامبوان و طالك و دوا أحمر و قطن و فاصمات على حساب السرة ديالو ووجدي الرضاعة حيت ربما فالأول مايطلعش ليك الحليب كيما وقع لي 3 أيام عاد طلع لي الحليب و كانو كيعطيوها الرضاعة فلكلينيك
وماتنسايش لراسك كبيبطات ديال القطن اللي تلبسي من التحت راكي غتكوني نفيسة خاصك تحضي من البرد و سليبات و ليكوش ديال النفاس حتى هوما و كيس ديال الفوطة و صابونة صبيعية باش تبداي تمسحي تحت بيطانك من العرق حيت فالنفاس كيطلع العرق كتير و مجهد و مايمكنش ليك تدوشي إذن غير مسحي بالفوطة و الصابونة
بالنسبة للبيجامات خوديهم بالصدايف من القدام على حساب الرضاعة و خودي شي سوتيام خاصين بالرضاعة باش مايزيروش ليك صدرك راه كتكون عندهم واحد الفتحة من القدام كتخرجي منها غير الراس ديال البزولة و ضروري يكونو ديال القطن باش مايضروك مايضرو التربية نتمنى نكون أفدتك وإلا نسيت شي حاجة نطلب الأخوات يزيدو يفيدوك و الله يفكك على خير و تفرحي بوليدك ولا بنيتك و تأكدي غير غتشوفي عويناتو غادي تنساي كلشي

شكرا اختي زينب على معلومات و كنضن انك منسيتي والو وفيتي بالجواب اختي حسناء الله يففك على حتى انا اول ولادة ليا الله يفكنا على خير

انا مزال موجدتش والو لكن في خلال هد الاسابيع لي جاية راني نبدا وان شاء الله نحطو بموضوع وبالصور باش تقولولي اش ناقصني وباش الكل يستافد

اختي قنيطرية حتى انا قنيطرية ههههههههه انا شهر انتي دابا
انا راني في الثامن حتى انا ما وجدت والو مازال

الله يسهل عليكم البنات

حتى انا اختي في الثامن هههههههههههههههههههههه معرفتش مالنا جالسين وناسين راسنا

اينا بلاصة في قنيطرة واشنو عندك بنية ولا وليد

وهاانتي الا شريتي شي حاجة وقوليها ليا ومنين
وفينناوية ان شاء الله تولدي
والله يفكنا على خيير