سيكاربالقمرون وفطرأسود

تبث في : 22/05/2019
من طرف : Romaysati

اش خبار احلى انيقات بخير الحمد لله
ان شاء الله غدي نقدم ليكم سيكار بالقمرون وفطر وشعرية الصنية كيجو ولا بلا مانقول لكم عليهم
حتى تجربهم وتقول ليا انتما كيف جوكم
يلا بسم الله
مقادير

100غ شعرية صنية
250غ قمرون منقي ومغسول طبعا
1/4 الورقة صغيرة
100غ الفطر معلب
صلصة صوجا معلقة صغيرة
بصلة كبيرة مقطعة رقيقة
ملح +ابزار+ملقة زبدة كبيرة
وشوية الربيع مقطع رقيق
بيضة
فرماج احمر مبشور (اختياري)
شوية لهريسة (اختيارية )
طريقة تحضير

نخدوالمقلة ونوضعٌ فيها البصلة وشوية ملح إبزاروزبدة ونغطوها

ونخلوها على نار هااااادية حتى يتورد لون نتاع البصلة ، ومن بعد نضفُ القمرون

ولما ينزل القمرون نصفُ الفطر ونخلهم على نار هادية

وكدلك نضف صلصة صوجا وربيع

ولما مزجو جميع عناصر نتركهم على جنب ونحضرُ الشعرية الصنية اللى كنعملها في ماء سخون وكنصفوها وقطعها
(طرقتي الخاصة )

وكنضفها الى حشوة اللى حضرنا من قبل فحال هكا

كنمزجُ عناصر مزيااااان ، نخدو الورقة وحدة بوحدة ونبدو نعمرها فهدا طريقة ، حشوة +شوية فرماج وندهنو الورقة بصفار البيض باش نسدها (واضح في صور )

من بعد نستفو سيكار المحصل عليها في لاطة نتاع الفرن اللى مدهون بالزبدة ، وندهنُ سيكار بالبيض

واخر ندخلهم للفرن حتى يتحمرو من كل جوانب
وبصحة وراحة
هدا هو
شكل نهائي