البنات واش غير بغيتو نضحكو اجيو
هذه معلومة جديدة
لكن رها صحيحىة
و حتى المعلومات لي من قبل وخا ضحكنا عليهم بزاف الا انهافعالة و معلومات ناتجة عن دراسات علمية
بحال الاسبرين و التبغ او السجاير
ليوم عندي ليكم معلومة جديدةو هي
القهوة والشاي يحافظان على النباتات
أعلنت صحيفة «الفواكه والخضراوات» التي تصدر في هولندا
أن احتواء القهوة على مادة البوتاسيوم التي تعد عنصراً فلزياً مرناً،
يجعلها ذات فائدة كبيرة للنباتات من ناحية مساعدتها على النمو واحتفاظها بلونها وزهوها.
كما يساعد على امتصاص النبات للماء والمواد الأخرى من العناصر الغذائية المذابة في الماء والموجودة في طمي التربة.
أضافت الصحيفة أن سكب الشاي على النبات لا يضره،
فهو يحتوي على مادتي الماجنسيوم والسلفات المفيدة للنباتات،
ونظراً لأنه يحتوي على فوسفات وحديد أقل مقارنة بالقهوة،
فإن كمية كبيرة منه تكون أكثر فائدة بالمقارنة بكمية قليلة من القهوة.
بدل سكب الشاي والقهوة نتصدق بها عالنباتات
اوا اش غادي نقول ليكم عمرت ط§طھط§ظٹ هاد العشية و عمرت الصينية بالكيسان
و خويت ط§طھط§ظٹ في الكيسان جات اختي قالتلي مالكي عارضة على الدرب كامل قلتلها لا راني عارضة على النباتات دياولي كل نبتة تاخد كاس و الا شاط لينا شي كاس نتقاسموه انا وياك اولا نعصرو ليقاما لي في البراد
ههههههههههههههههههههههههههههههههههههههههههه
تحيااااتي
s,gd hgkfjm ]dhg; ha javf hjhd ,gh ri,m >>>>> favm
المعلومات اكيد راها صحيحة مية فالمية علميا حتى المعلومات الاخرى بحال اشواك السمك وعظام الدجاج وبقايا القهوة واسبرين و تبغ كلها ناتجة على دراسات وتجارب داروها العلماء
ودبا كملوها وجملوها قالك قهوة واتاي بكلشي ديالهم واش ماقالوش واش سخون واش بالكاطو ولا غير بوحده هههههههههههه
دبا انتي لاباس الحمد لله ملي جاتك غير مع اختك غادة ترحبي بيها بعصارة ليقامة وملي يجيواك الضياف شنو غادة تديري عندك غير تطلعيهم للسطح وتهبطي الغرس للصالة هههههههههه
الحمد لله ملي نوعتو لينا شوية عالنباتات ها عصير الكارو ها القهوة ها اتاي نخاف غير يتصاب بامراض العصر ههههه يولي طالع ليه طونسيون مع القهوة واتاي ويبدا يلوح في النباتات لي حداه من السطح هههههه
بلسمينة اختي يمكن قدميله اتاي بكعب غزال والقهوة بلاطارت الكارو ههههههههه
الله يحفظكم يومكم سعييييييييد
شكرا على النصيحة احبيبة وخا ندير له كعب غزال بورق النيبرو مشي مشكل ههههههههههههههههههه
ولكن مكنعرفشي المقادير ديال tarte au sigarette مكرهتشي شي انيقة تحطلي المقادير هههههههههه
يا الحبيبة ملي يجيو الضياف نطلعهم للسطح و نضايفهم مع النباتات نولي نعمر المقراج ديال الاتاي ماشي البراد , غادي نحول الصالون للسطح حسن او لا , صراحة فعلا لبارح جات عمتي ’ و في الصباح فطرنا , و قالتلي نطلع نشوف فين وصلتي في السطح, ملي كلعت ما بقاتش بغات تنزل حتى وجد الغدا فرشات جلسات عجبها الورد مع الشميشة و الورد مفتح غزال تبارك الله’ بصراحة حتى انا فرحت و حسيت ان مجهوداتي بينت نتيجة الحمد لله
لا ما تخافيش على النباتات دياولي مربياهم مزيان ما كيضاربوش داكشي علاش رانا مدلعاهم و مفششاشهم
مرحبا بمرورك اختي بيات
طبعا اكيد حتى هي تكون مفيدة و الا زدتي ليها شوية السكر تفيد اكتر , اساسا احيانان ماء السقي ممكن تحليه بشوية السكر مفيد للنباتات, و حتى الا شاط ليك اتاي او بايت و كنتي غادي ترميه سقي بيه النبات, مرحبا بمرورك اختي