سلطة على شكل طورطة منظر ولا أروع مرحبا بالجميع

أنيقاتي الغاليات نتمنى تكونو بالف صحة و عافية
مؤخرا وجدت أنا ولوستي هاد السلطة لواحد العراضة وقلت نصورها لحباباتي كيف العادة هههههه

المقادير :
نصف كيلو روز مسلوق ،خضر مسلوقة (جزر ،بطاطا ،جلبانة )،مايونيز ،ملح ،إبزار ،عصير حامض ،ذرة ،خس ،حك طون .

للتزيين
بيضة مسلوقة
جزر مسلوق و مقطع نصف دوائر
باربا مقطعة نصف دوائر


الطريقة:
كنخلطو الخضر المسلوقة مع الروز و الطون و الدرة و كنضيفو ليهم المايونيز و كنخلطو مزيان و كندوقو الخليط ديالنا واش خاصو شي ملح أو عصير الحامض باش إيجي بنين ثم كناخدو طبق التقديم و كنفرشوه بالخس و كنعملو الخليط يالنا في شي مول مناسب لطبق التقديم و كنقلبوه في الطبق تم نعملو فوقو مول أصغر ونعمروه بالروز و ندهنو السلطة بكوش خفيفة من المايونيز ونتبتو قطع الجزر و الباربا كيف واضح في الصور
كنتمنى من لي دخلت وعجباتهاهاد السلطة تدعي مع لوستي بالزوج الصالح عاجلا غير آجلا

كنتمنى من من كل أنيقة دخلت وعجباتها هاد السلطة تدعي مع لوستي بالزوج الصالح عاجلا غير آجلا جزاكن الله ألف خير

في أمان الله