سلطة المربعات معمرك شفتيها ؟ دخلي نوريك بالصور طبعا

السلام عليكم ورحمة الله تعالى وبركاته
وجدت واحد سلاطة بسيطة وعادية حبيت نشارككم بيها
اولا كنحتاجو للمقادير التالية
مقرونية فيس مسلوقة فالماء مع مليحة وملعقة زبدة

روز مسلوق

بيض مسلوق

باربة مسلوقة

بطاطة مسلوقة

خيار

خصة وحدة
زيتون اسود
طون
ماييس
مايونيز

في طبق التقديم كنقطعو الخص وكندورو حلقات الخيار كنزينو ابيها الجوانب كنوضعو الخيار مقطع دوائر فوق الخص

كنزيدو مايونيز على البطاطس مع شوية الطون كنخلطو مزيان وكندير طبقة البطاطس فوق الخيار

كنخلط المقرونية مع المايونيز و شوية الطون وكنديرو طبقة فوق البطاطس

كنخلط الارز مع الماييس والمايونيز والطون وكنديرو طبقة الفوق المقارونية

وكنزين بحبات الزيتون

كنحك الباربة فالحكاكة الغليضة وكنزيد عليها 2 معالق سنيدة وكنعصرها من الما مزيان مزيان باش متخلط ليا الدنيا ههههه

كنحك البيض

كندير خطوط بالباربة المعصورة

ملي نسالي الكاروات ديالي كناخد معيلقة صغيرة وكنعمر هادوك الكاروات بالبيض لي حكيت
كنزينها على هاد الشكل

بالصحة والراحة اللهم ادمها نعمة وبارك لنا فيها واحفظها من الزوال
لاتنسوني من صالح دعائكم ولكم بالمثل ومتنساوش اختي الكبيرة هي لي علمتني هاد الطريقة ان ييسر الله لها امورها وان يفرج الله عنها كربها وشكرا

sg’m hglvfuhj lulv; atjdih ? ]ogd k,vd; fhgw,v ‘fuh