سفر لجهة الشرق عاونوني

اختي اولا بداي بالحسيمة فيها شاطئء المدينة فيه اوطيل والمرسى قريب ليه وساحة جميلة على ما ادكر في الليل كيجلسوا فيها الناس وسط المدينة عليها كتنزلي بالدروج للبحر او بالسيارة عبر الطريق طويلة حتى تنزلي للشاطىء هد شي لعقلت عليه حيث مدة طويلة من زرتها الان قالولي صاوبوها رجعت زوينة

الحسيمة فيها شواطئ بزاف خاص ت سولي ناس المدينة ويقولولك و ربما نهار تكفيك

اما الناظور صراحة مفيهش اماكن للتحواس تلقاي اسواق مثل سوق اولاد ميمون وحداه المركب وسولي على محطة الكيران حداه بعض الاسواق غدي تلقاي فيهم حوايج اسبانيا
ولا بغيتي تباتوا فيها غدا في الصباح تمشي لوجدة وفي طريقك تلقاي بني درار هد المدينة فيها لبغيتي من سقايط الجزائر المانطات والكوفرلي واواني الالمنيوم ووووو

وضروري شي غديوة انتاع الشواء حيث معروفة بيه من تكملي التقضية طلعي لوجدة وسولي على الشارع وغدي تلقاي الاوطيلات واختاري لبغيتي وروحي للاسواق لقالتلك عليهم ام ريان ثم اختاري نهار روحي للسعيدية تبحري مع راسك وسيري تغداي في راس الماء قريبة من السعيدية تغداي الحوت ولا عجباتك باتي فيها او في السعيدية او رجعي لوجدة وباتي فيها

نتمنى نكون شرحتلك شوية

هدا موضوعي على ا لسعيدية