24/02/2019
السلام عليكم ورحمة الله وبركاته
اهداء لتجمع ام العربي
هاهوما الماقادير الغزالات
نحتاج للخضر
مطيشة دواور
فلفة مقطعة طور
قرع مقطع طول
نديرهم في لاطة نرش عليهم الزعرت والملح وندوز خيط من الزيت البلدية وندخلهم للفران
ناخد مقلاة ندير فيها زيت بلدية نطيب فيها فيلي الدجاج من بعد نزولو وندير فنفس الزيت التومة محكوكة نخليها تتقلىشوية من بعد نظيف حبيبات من الكبار نشحرهم مزيان نظيف ليهم 2 ماطيشات مقطين مكعبات قليل من الملح والبزار
من بعد نظيف ليهم الحبق والمعدنوس مقطعين
من بعد نظيف الدجاج و السباكيتي للي سبق وسلقتها نخلط تم نظيف عليها فرماج محكوك
نخل مزيان
نحطها في صحن التقديم ونحاول ندخل معاها الدجاج
نضيف فوقها الكبار ونرش الفرماج
ونرافقها بالخضرة للي تشوات في الفران
هاد الاكلة شفتها البارح في قناة ايطالية واليوم جربتها جات زوينة
sfh;djd fhg;fhv ,hgoqv
أكلة صحية كون ما شربتش معها غير هداك الكاس ديل المنادى
إوا هكذا نبغيك تجيبي لينا الوصفات الصحية
أحلى تقييم
هههههههههههههههههههههههههههههه علاه حنا كنلعبو يا بشرى وليت كنقلب على الوصفات الصحية مز مني هههههههه
ربي يخليك وحفظك ليا الزين ديالي
اخسارة تقييم مابغاش يجب أن تضع للبعض سمعات قبل إعطائها إلى اللهم انصرني مرة أخرى.
تستاهلى 5 نجمات هما اللي اقدرت عليهم دابا ههههههههههه
شكرا بزاااااااااااااااااااااااااااااف
تبارك الله عليك حبيبتي، وصفاتك كلها صحية
شكرا على الإهداء
تم التقييم في التجمع
بصحتك ام العربي راه دايرا هاد الطبق على شرفك هههههههههههههههه
بالنسبة للكبار بغيت نسولك انا نشوفو غير يابس واش نستعملو هكاك ولا اشنو …وسمحيلي راني وليت مبرزطة غير نشوف القس وانا نحوال ههههههه