بسم لله الرحمن الرحيم
خواتاتي لله يجازيكم بالخير ويعطيكم كل مكتمناو ياربي الا ما عتقوني
انا غتجي عني عكوزتي تكلس معايا داربو على 6 شهور و8تشهور وهي مريدا فيها سكر وخاصها الغدا والعشا وانا حيرا حيت انا اصلا مكنديرش الغدا حيت بوحدي كندير غير العشا على قبل راجلي و انا دابا معارفاش كيفاش نضم بناتهم ياعني واحلا عافاكم متبخلوش عليا لله يخلي ليكم ليعزيز عليكم
shu],kd ggi dv.r;l hg[km
اختي الله اشفيها واعينك تدوز الامور بخير اهم حاجة تعاملي بساطة وبالنسبة للماكلة ضروري ديري الوجبات كاملين ماشي تخلي لمرا تسخف بالسكر يعني حسبيها بحال الوالدة ديالك وتهلاي فيها بلي فجهدك فيساع دوز الوقت غير ادوز الاسبوع الاول غادي تستانسي بيها وتولي تعرفي شنو كتبغي بعض الاقتراحات يمكن تفيدك بالنسبة للغدا مرا فوري لحيمة او دجاج مع الخضرة مرة ديري طويجين وعصير عزلي لها حقها والباقي زيدي فيه السكر والكوتي ديري مملحات ونقصي من الحلوى بحال رغيفات معمرين فالفران ممكن تنوعي فيهم و بغرير مرة غير بطبوط او عمريه بشلاضة والطون والعشا شربات ونهار الجمعة الكسكس او فاليل شري اللبن والي بقا فكسكسو هدشي الي بالي والله اوفقك تقبلي مروري
الله يتاويكوم الخير و الى كان فيها السكر مسكينة هادي فرصة تتبعي ليها الرجيم الخاص باصحاب هاد المرض واعتبريها جات عند ولدها وبنتها وشوفي المواعيد اديال الدواء اديالها باش متنساه و الوقت تايدوز بالزربة واحد النهار ترجع لدارها وتخلي بلاصتها عليكم
لله يجازيكم بالخير ويعتيكوم كل ماكتمناو فحياتكم ياربي
الله يشافيها ويعافيها
كيف قالو لك الاخوات الناس للي عندهم السكر ماكلتهم كتكون خاصة
في الفطور ديري ليها حليب الزعتر اولا اتاي مسوس +خبز ديال الشعير اولا بالنخالة ويكون مسوس
الغذاء ديما نوعي ليها باش متملش
مثثلا نهار ديري ليها سلطة +حوت في الفران اولا طاجين يكون طايب ب زيت بلدية
اولا مريقة بلا بطاطا حينت فيها نسبة من السكر بخري ليها اللحم او شويه اولا كفتة وديما يكون الخبز ديال النخالة اولا شعير
الكوتي بحآل فطور ومن الاحسن متدخليش ليها الخبز للي فيه غير دقيق بحدو اولا يكون مزيت بزاف
بغرير +مسمن +مخمار +كرواصة………. كلهم يكونو كلهم بالدقيق الكامل
والعشاء ديري ليها حسوة ديال الشعير اولا الذرة+بيض مسلوق اولا كفتة مشوية وعاد حسب نتي وميزانيتك
المهم فكل وجبة دخلي فيها المطيشة حينت فيها نسبة عالية من الپوطاسيوم والخيار
والخضر تجنبي البطاطا والخيزو وكلشي عندها مسموح وكيد طيابهم لازم يكون صحي طويجا تطيبيه لها ب2 معالق زيت بلدية
كيف قالو لك الاخوات الناس للي عندهم السكر ماكلتهم كتكون خاصة
في الفطور ديري ليها حليب الزعتر اولا اتاي مسوس +خبز ديال الشعير اولا بالنخالة ويكون مسوس
الغذاء ديما نوعي ليها باش متملش
مثثلا نهار ديري ليها سلطة +حوت في الفران اولا طاجين يكون طايب ب زيت بلدية
اولا مريقة بلا بطاطا حينت فيها نسبة من السكر بخري ليها اللحم او شويه اولا كفتة وديما يكون الخبز ديال النخالة اولا شعير
الكوتي بحآل فطور ومن الاحسن متدخليش ليها الخبز للي فيه غير دقيق بحدو اولا يكون مزيت بزاف
بغرير +مسمن +مخمار +كرواصة………. كلهم يكونو كلهم بالدقيق الكامل
والعشاء ديري ليها حسوة ديال الشعير اولا الذرة+بيض مسلوق اولا كفتة مشوية وعاد حسب نتي وميزانيتك
المهم فكل وجبة دخلي فيها المطيشة حينت فيها نسبة عالية من الپوطاسيوم والخيار
والخضر تجنبي البطاطا والخيزو وكلشي عندها مسموح وكيد طيابهم لازم يكون صحي طويجا تطيبيه لها ب2 معالق زيت بلدية
بارك لله فيكي اختي وجعله لله في ميزان حسناتك اكييييد نشاء لله غنطبق هادشي باذن لله
جزاكي لله خيرا اختي