ساعدوني أخواتتي فستيقبال لوليد و الوالدة

ساعدوني ط£ط®ظˆط§طھطھظٹ ظپط³طھظٹظ‚ط¨ط§ظ„ ظ„ظˆظ„ظٹط¯ و ط§ظ„ظˆط§ظ„ط¯ط© راهم خرجه مشو للحج يا ربي دعوي معهم بتوفيق بحج كامل مقبول وأنا راني ف فرنسا ماحضرتش ليهم ف مشو بغيت نهبت نتعرض ليهم فش اجو كاين غي إخوة دراري ماعنديش ختي ليتوقف تواجد ليهم وأنا فل حقيقة ماعنديش خبرة ف هادشي بغيتكم تساعدوني من دابة يلاه نجمع ردود أو لمشاركات ديالكم باش نعرف شنو نوجد ليهم فش يكونوا جايين باش نستقبلهم شنو نطيب لمهم كلشي ماتبخلش عليا حبيباتي ب أي معلوما بغيت نوجد ليهم كحاجة تحمر لوجه ازاز ههه و أدعو معهم يردهم لينا سيدي ربي بخير

shu],kd Ho,hjjd tsjdrfhg g,gd] , hg,hg]m g,g]d

الف مبروك ليهم اختي و الله يتقل منهم ان شاء الله و يرجعو بالسلامة لدارهم
اول حاجة الاستقبال كيكون بالحليب منسم بالزهر و التمر معمر و ممكن تقلبي فالنت غادي تلقاي اشكال و الوان من طريقة التقديم
قادي شويه حلويات عربية و قاديهم فالبلاطو
نهار يكونو جايين ضروري من الاكل تبارك الله كاين الدجاج و اللحم على حسب الدوق و الامكانيات و كل واحد اش كيبغي
الدجاج المحمر -الكوكلي معمرين-الدجاج المبخر وزيد و زيد
اللحم بالبرقوق-بالاناناس – اللحم المحمر -وزيد وزيد
بسطيلات بانواعها
الشلايظ
عصائر المهم الاكل حسب شكون غادي يكون فالدار كيتسناهم
المهم محيت يجيو غادي تقادي ماء زمزم و التمر فبلاطويات باش لي جا يقول على السلامة يشرب ماء زمزم و ياكل التمر
اما الى غادي ديرو الطلبة فهدا موضوع اخر
ان شاء الله الاخوات يدخلو و يفيدوك اكثر

المشاركة الأصلية كتبت بواسطة قلب حنين

لهلا يخطيك حبيبتي وعقبالك بشي حجة

أختي ألف مبروك الحج على وليديك والله إتمم ليهم كلشي على خير ويجيبهم بخير
أختي فالأول إستقبال كتوجدي الحليب مع الزهر والتمر معمر ممكن ديري بلاطو ولا طبسيل كبير ولا سليلة

وخاصك تكوني موجدة شكيلات الحلوة للإستقبال وحتى فاش إجيو الناس إباركو والحلوة ممكن تعطيها لشي وحدة تصايبها ليك إلى ماكان عندك لي إعاونك

مني إدخلو حطي أتاي والحلوة

ومن وراها نزلي الدجاج محمر ولا بسطيلة اللحم بالبرقوق واللوز أنت ولي بغيتي
وممكن ديري كسكس
ومني إوليو إجيو الناس غتقدمي ليهم التمر وماء زمزم