سؤال لكل الأنيقات الطبخات تبرك الله عليكم كاملين

السلام عليكم ..
تبارك ط§ظ„ظ„ظ‡ ط¹ظ„ظٹظƒظ… ظƒط§ظ…ظ„ظٹظ† أنا بعد ستفدت منكم بزاااااف وكتر متخيلو ،وأملي فيكم كبيير انكم تساعدوني فواحد المسألة
لوالدة ديال خطيبي ، (حماتي ) غادي تجي لأول مرة عندنا للمغرب (هي سعودية ) إن شأ ط§ظ„ظ„ظ‡ في الشهر جاي (مارس)
وبغيت نعرف شنو نقدر نوجد من دبا وندير في المجمد ويبقى مزيان ،حيت أنا كنقرة ومعندش بزاف ديل لوقت وماما خاص ضروري ألي يعاونها
الله يسهل ط¹ظ„ظٹظƒظ… ويخليكم راني معتمدة على الإجابة ديلكم مشي غير أنا حتى ماما ههههه وان شالله مغدش تخيبوني
دمتم في ود

---

schg g;g hgHkdrhj hg’fohj jfv; hggi ugd;l ;hlgdk ggghoj gguqdlm g;l hgfkhj jjv; ,g;g

اولا الله يكمل ليك بالخير اختي و اللي نقدر نفيدك بيه هو توجدي المسمن و الملوي و رغيفات ديال التفاح تيجيو زويينين و رغيفات بالكفتة و البات ديال البيتزا fond de tarte et pizza هادشي كلو ديريه فالمجمد ووجدي الحلويات را كلهم تيصبرو خصوصا دابا البرد حتى حاجة ما تضيع الحمد لله ايوا و الطياب من الاحسن داكشي يطيب فنهارو باش يبقي لذيذ هادشي اللي نقدر نفيدك بيه و نتمنى الاخوات يفيدوك اكثر و ان شاء الله يدوز كلشي مزيان

سلام عليكم ياختي والله يكمل ليك بالخير
اول حاجة غدي توجدي للضيافة هو التمر للن السعوديات ضيافة ديالهم تتكون عبارة عن القهوة العربية والتمر
وبعد الحلوى واحنا المغاربة راه ماا يحتاج في الحليوات اللوز تم شري علب الشاي الاحمر ليبتون هده الاشياء لاغينا عنها بالنسبة لهم تم دوزي للمقبلات وهي الي عدي تتحتجي تجهزي بالفريزر بريوات معمرين بالكفتة وتانين دريهم بالجبن ووحدين ديرهم بالخضار ودري بسطلات صغار بالدجاج ووحدين بالحوت هما راه عزيز عليهم هدي الاشياء وهما راه عزيز عليهم التكبيرة وترحاب كل شوية والبخور خليه الا غدي يجي معها يجيب لك البخور والعود والروز للكبسة التي لا غينى عنها وبهارات الطبخ هدواضروري منهم ممكن تصلحي بيتزا صغار وديرهم في الفريزر

السلام عليكم ورحمة الله وبركاته

الله اكمل عليك بالخير

بخصوص المجمد راه ممكن ديري فيه لي بغيتي؟
دجاج مشرمل ومعمر وطايب وقسميه في اكياس بلاستيك مع المرقة ديالة وملي تبغيه جبديه ورديه اسخن بحال عاد طيبتيه

الملاوي الكيكة البريوات بسطيلة معمرة بلا ماطيبيها حتى تبغيها عاد رديها في الفران وهو بارد عاد شعليه هي تتسخن وهي تطيب

المعجنات معمرة دخلي لقسم المعدنات تلقاي اشكل بزاف عمري وخبي في المجمد في علب بلاستيك باش ما تتعجنش لك

الكسكسو خيزو مسلوق للشلايظ زعلوك مشوي ومنقي فلفلة مشوية ومنقية لوبيا الشعرة مسلوقة ديريهم في علب بلاستيك او اكياس وخبيهم

اللحم حتى هو طيبيه وخبيه مع المرقة ديالو

غير تبقاي تجبدي وتسخني

شكراً بزاف أختي لهلا يخطيك ،عاق وخى تعطيني الوصفة ديل رغيفات ديال التفاح معرفتهمش

شكراً على المساعدة راكم فدتني بزاف ،عندي واحد سؤال عفاك إلى بغيت ندير ميني بيتزا وش نطيب لعجينة نص طيبة ولا كيفاش

ايه اختي ممكن طيبيها نص طيبة وجمديها باش ملي تبغي تصاوبيها جبديها وحطي فيه الحشوة ديالك ودخليها تكمل لك الطياب

الملاوي بالتفاح :

اليوم جابت لكم مسمن بصح محشي بي التفاح كيجي الغزال بزاف
جربوه ومغادي تندموا المسمن معمر بالتفاح
ولله إلى يجي لذيذ المهم نبدا في المقادير و صور جبتها من جوجل أنا ماقدرت نزل صور المسمن معمر بالتفاح
بسم الله

نحتاجو
نصف كيلو دقيق+ 3معالق زبدة دايبة +ملعقة خميرة خبز+ملعقة خميرة حلوة + 1فاني +شوية ملح +ماء دافي +الزيت باش نفرقو العجينة

الحشو :تفاح مقشر وانضفوه من داخل نقطعوه على شكل دائري + سكر+ زبدة
https://ossodatlas.com/up/uploads/13507427275.gif

نعجنو كلشي بالماء دافي و ندلكو مزيان وتبقى العجينة رطبة

https://ossodatlas.com/up/uploads/13507429242.gif

نعملوها كويرات صغيرة
https://ossodatlas.com/up/uploads/135074272710.gif

نورقوها ونفرقوها بالزبدة والزيت

https://ossodatlas.com/up/uploads/13507427279.gif

نلفو جنب العجينة بهاد الشكل

https://ossodatlas.com/up/uploads/13507427277.gif

الجنب تاني
https://ossodatlas.com/up/uploads/13507427278.gif

وانجمعو العجينة على على بعضها بهاد الشكل

https://ossodatlas.com/up/uploads/13507427276.gif

نديرو ربع معلقة زبده وربع معلقة سكر ونعملو فوقها دائرة التفاح تصبح الزبده والسكر وسط تقب التفاح

https://ossodatlas.com/up/uploads/13507427274.gif

ونجمعو اطراف العجينة في وسط تقب التفاح ولصقوها
https://ossodatlas.com/up/uploads/13507427273.gif
https://ossodatlas.com/up/uploads/13507427272.gif

نزلو المسيمنآت في الصينية الفرن نخليوهم يخمرو شوية
إوا ندخلهم الفرن يطيبو

هذا شكلهم هما طايبين يم يم يم
https://ossodatlas.com/up/uploads/13507427261.gif

لي يعجبه الكونفيتير بحالي يدهنهم به وبالصحة و الراحة

او ممكن ترشيهم بسكر كلاصي قبل ما تقدميهم

انا نقلت لك هدشي ولكن راه تنديرو تيجي شهوووووة منو

وممكن ديريه بالعجين المورق الا متوفر عندك وتبعي نفس الخطوات في الحشو تيجي مورق وغزال حتى هو

شكراً بزاف باين راح زوين

أفكارك روعة احبيبة لكن كنظن بأنها خاصها تعمل لهم ضيافة عربية 100/100 يعني ماشي الأشياء الي كيديروها هوما في السعودية ديرها لهم. حتى احنا عندنا ميتقال في الطبخ وأحسن منهم بكثير في هذا المجال. لذا ياريت ألأخت تعمل ضيافة عربية حرة. كاين البسطيلات صغار كيف قالو الأخوات, كاين الدجاج محمر , كاين اللحم بالبرقوق كاينين الحلويات كاين الملوي الرغايف الحرشة بالحليب والزبيب الكرص بالنافع والزنجلان وحبة حلاوة كاين الكيك . يعني ممكن تعملي وصفات كتعمر العين وفي نفس الوقت غير مكلفة للجيب. وإيلى كلسات عندكم بزاف ديريلها الكسكس بسبع خضار , إو نعم أسيدي عطا الله الوصفات المغربية راه الطبخ المغربي مصنف عالميا .

شوف احبيبة الي غنقولك متكلفيش راسك بزاف يعني تهلاي فيهم والبساطة راه مكاين محسن منها. آه ىقبل مننسى ملي تقرب تجي شري شوية اللوز شوية الكركاع شوية الحمص بيسطاش الزبيب التمر وحطيهم حتى هوما في الكوتي راه كيعطيو منظر زوين.

إو ملي تجي استقبليه كيف العادة المغربية مشي السعودية راه حتى حنا عندنا عاداتنا وتقاليدنا , هذا ليس تعصبا ولكن ره عندنا تقاليد في الضيافة من الروعة بماكان. المهم ديري ماء الزهر في الحليب وقدميه ليها مع التمر معمر باش حبيتي باللوز الكركاع , الكوك بالألوان. انت وجهدك احبيبة.

والله يسر ليك الأمور ويجمع شملك مع زوجك احبيبة.

السلام عليكم ورحمة لله وبركاته

احبيبة لله يكمل عليك بالخير ويرزقك التيسير يارب

تبارك لله البنات كفاو ووفاو لله يجازيهم بالخير

رابط الرغايف بالتفاح

https://www.anaqamaghribia.com/vb/sho…d.php?t=117469

بغيت نقول ليك ان بيتزات صغار ممكن بلا متطيبيهم تعمليهم فالمجمد

عملي البيتزات بحال إلا غادي تطيبيهم بكلشي ديالهم وعمليهم في المجمد كل وحدة مفرقة على أخرى حتى يجمدو عاد جمعيهم في علبة أو بلاستيكة

منين تبغيهم جبديهم وعمليهم فلاطة د الفران وشعلي الرفرن على ما يسخن يكونو بداو كيتطلقو وطيبيهم عادي