سؤال لكل الأمهات

السلام عليكم أنيقاتي بغيت نسولكوم على الإحساس ديال الأمومة هو إحساس أكيد غادي يكون زوين و كنتمنى نجربو ولكن خايفة مع الظروف لي كنعيشها فالغربة و تحكم عكوزتي في أنا و راجلي أهنا فالغربة خايفة من أني نزيد هم على هم و نتمحن حتى مع الأمومة بغيت لي بحالي و جربات و فنفس الوضعية ديالي تفيدني الله يجازيكم بخير بغيت نولد و الله ولكن خااااااااااااااااااايفة تزيد عكوزتي تمكن مني فاش نولد و تحرمني من أني نكري بوحدي بدافع ؟أنها غادي تكون جدة شنو ضهرلكوم جاوبوني الله يخليكوم قبل ما نشرب الكينة.

المشاركة الأصلية كتبت بواسطة nada ana

اختي ولدي وليداتك وطلبي الله يفرج عليك ومن هنا تحملي وتولدي سبحان مغير الظروف وانشاء الله يكون للاحسن وكما تتمنين الله يسهل اللي فيه الخير

أمين يا رب العالمين والله يجازيك بالخير

المشاركة الأصلية كتبت بواسطة نبــع الحنـــان

أختي كيف دايرة لاباس عليك ؟؟ شوفي ملي تحملي ، قولي لراجلك خاص النفسية ديالي تكون مرتاحة ، وبغيت الإستقلالية باش نربي ولادي كيما نبغي ، الصراحة شفتي إذا بقيتي مع العائلة ديال رجلك ، كلها يربي من جيهة ، عجوزتك تربي بطريقتها ، نتي بطريقتك والأب كذلك واللوس ، إذا الطفل مايكونش متربي تربية مزيانة ، حيت متأثر ببزاف الحوايج ، غير نعطيك مثال ، نتي مثلا تبغي ولادك ينعسو على 20 ، وعجوزتك تجي وتقولك إيوا ماعليش خليهم يقصرو ، والطفل في هاد الحالة يتشتت مابين أمو وجداتو ، هذا غير مثال بسييييط ، قوليلي واش راجلك ماباغيش باش تكريو بوحدكوم ؟

الحمد لله و نتي كنتمنى تكوني لاباس أختي عندك الصح دبا المشكلة راجلي كيقولي غادي نكريلك كوني هانية ومو فاش عرفاتنا بغينا نكريو قاتلو غي ما تحلمش و قتلي راه ولدي و الله منهنا ما يخرج وماخاصهوم خير لاباس عليهم وراكي عارفة ففرنسا لاكاف كتعاون فالكرا بالخصوص فاش مكتكونش المرة خدامة و لكن عكوزتي الله يبعدها من طريقي مبغاتش وهنا القانون كيمنع هادشي ولكن مبغيش نوصلهوم ليه.

المشاركة الأصلية كتبت بواسطة طالبة الرضى

السلام عليكم أنيقاتي بغيت نسولكوم على الإحساس ديال الأمومة هو إحساس أكيد غادي يكون زوين و كنتمنى نجربو ولكن خايفة مع الظروف لي كنعيشها فالغربة و تحكم عكوزتي في أنا و راجلي أهنا فالغربة خايفة من أني نزيد هم على هم و نتمحن حتى مع الأمومة بغيت لي بحالي و جربات و فنفس الوضعية ديالي تفيدني الله يجازيكم بخير بغيت نولد و الله ولكن خااااااااااااااااااايفة تزيد عكوزتي تمكن مني فاش نولد و تحرمني من أني نكري بوحدي بدافع ؟أنها غادي تكون جدة شنو ضهرلكوم جاوبوني الله يخليكوم قبل ما نشرب الكينة.

اختي انا مبغيتش نحرضك ولكن نقولك تجربتي
انا سكنت مع ناسي مدة تلات سنوات وعجوزتي ماشي خايبة ولكن تتبغي تدخل فكل مايخص راجلي وحاضياني فكلشي واي حاجة خاصها تدخل فيها في ما يخص راجلي اذن فمابالك بولدو . وشيخي كان معايا كتر منها وتافقت مع راجلي اننا منولدو حتى نستقرو بوحدنا وفعلا وفقنا الله وكرينا بوحدنا عاد ولدت والحمد لله دبا بنتي تتكبر بيني وبين باها وتحد متيدخل فيا ومتنسايش اختي ان فترة النفاس خاصك تكوني مرتاحة باش ترضعي بنتك مزيان وتكون الرضاعة مافيها لا عصب لا والو وحتى نت فقصة النفاس خايبة.الى كانت عجوزتك صعيبة بزاف ونت مزالة صغيرة ومزال قدامك الوقت خلي تا تستاقري بوحدك افضل منها ولادك تربيهم كيف بغيتي ومنها حتى هي تولي عزيزة مجيتها وحتى الوليدات تكون عزيزة عندهم ماشي يكبرو وسط الصداع وتحد ما تيدي كتر من رزقو هذا نظري انا وسمحيليا عاود مبغيتشي نحرضك غير راي

المشاركة الأصلية كتبت بواسطة نبــع الحنـــان

أختي كيف دايرة لاباس عليك ؟؟ شوفي ملي تحملي ، قولي لراجلك خاص النفسية ديالي تكون مرتاحة ، وبغيت الإستقلالية باش نربي ولادي كيما نبغي ، الصراحة شفتي إذا بقيتي مع العائلة ديال رجلك ، كلها يربي من جيهة ، عجوزتك تربي بطريقتها ، نتي بطريقتك والأب كذلك واللوس ، إذا الطفل مايكونش متربي تربية مزيانة ، حيت متأثر ببزاف الحوايج ، غير نعطيك مثال ، نتي مثلا تبغي ولادك ينعسو على 20 ، وعجوزتك تجي وتقولك إيوا ماعليش خليهم يقصرو ، والطفل في هاد الحالة يتشتت مابين أمو وجداتو ، هذا غير مثال بسييييط ، قوليلي واش راجلك ماباغيش باش تكريو بوحدكوم ؟

اختي عندك الحق انا تنعرف بنت عم راجلي عصبية جدااااااااااا وكابرة وسط العائلة وجداتها متتحملشي مها هي تشرق ولخرى تغرب منين داوها عند الطبب قالهم هاد البنت مربية مع شي جدة صعيبة هههه

المشاركة الأصلية كتبت بواسطة احب زوجي اعشقه

اختي انا مبغيتش نحرضك ولكن نقولك تجربتي
انا سكنت مع ناسي مدة تلات سنوات وعجوزتي ماشي خايبة ولكن تتبغي تدخل فكل مايخص راجلي وحاضياني فكلشي واي حاجة خاصها تدخل فيها في ما يخص راجلي اذن فمابالك بولدو . وشيخي كان معايا كتر منها وتافقت مع راجلي اننا منولدو حتى نستقرو بوحدنا وفعلا وفقنا الله وكرينا بوحدنا عاد ولدت والحمد لله دبا بنتي تتكبر بيني وبين باها وتحد متيدخل فيا ومتنسايش اختي ان فترة النفاس خاصك تكوني مرتاحة باش ترضعي بنتك مزيان وتكون الرضاعة مافيها لا عصب لا والو وحتى نت فقصة النفاس خايبة.الى كانت عجوزتك صعيبة بزاف ونت مزالة صغيرة ومزال قدامك الوقت خلي تا تستاقري بوحدك افضل منها ولادك تربيهم كيف بغيتي ومنها حتى هي تولي عزيزة مجيتها وحتى الوليدات تكون عزيزة عندهم ماشي يكبرو وسط الصداع وتحد ما تيدي كتر من رزقو هذا نظري انا وسمحيليا عاود مبغيتشي نحرضك غير راي

عندك الصح اختي ما قلتي غير الخير المشكل لي عندي تاني أنه راجلي مبغاش الولاد كيقولي أنا مبغيتش و كنخاف نحمل ويرجع كلشي ضدي أختي راه قدي ولدو و عاودو راه عندي 30 سنة ماشي صغيرة كيف قلتي.