سؤال لأم الحلوين ولمن يعرف الجواب

بغيت نجرب شباكية أم الحلوينhttps://www.anaqamaghribia.com/vb/sho…طھظپط§طµظٹظ„-ظˆ-ط§ظ„طµظˆط± لان مقاديرها قليلة واش يمكن ندير صفر بيضة بدل بيضة كاملة واش هاد شباكية كاتجي هشيشة لانني معقداني تتجيني قاسحة واش يمكن نستعمل شوية د خميرة الحلوة أو خميرة فورية بدل شوية د خميرة معجونة؟؟
عافكم لعرفت مقادير شي شباكية سهلة و هشيشة و فيها دوك الفقاعات عامرة عسل تكتبها ليا أرجوكم اعتقوني و أعتدر عن الإزعاج

---

schg gHl hgpg,dk ,glk duvt hg[,hf aaa ,NN,

مساء الخير
انا غنكتب ليك المقادير ديال الشباكية لي ديما كنديرها
كاس كبير الزيت
كاس كبير الزبدة دائبة
كاس كبير ماء الزهر
زلافة كبيرة الزنجلان محمر ومطحون
2 كيسان كبار الماء دافئ
ملعقة كبيرة القرفة
ملعقة صغيرة الكوزة محكوكة
2 معالق حبة الحلاوة مطحونة
خميرة الحلوى
الطحين حسب الخليط

راه كتجي هشيشة
نتمنى نكون افدتك

081010161349.jpg
غانكتب ليك حتى المقادير ديال العسل
2 كيلو ديال سنيدة
2 ليترو ديال كوكا
حامظة
وسدي عليها في الكوكوت
اوا ماعندك ماتساليني بالزربة درت شوي دشباكية
في الطبيسيل وصورت ليك باش تشوفيها

شكرا جزيلا على الرد بحال هكك بغيتها واش غين نجربها على ضمانتك والعسل عندك تكون فيه نكهت الكولا او تجي في الشباكية

غير توكلي على الله وصاوبيها
4 سنين وانا كندير هاذ الشباكية لي داقها كتعجبو
غير ماتغلضيش العجينة ملي كتدلكيه وعوتاني مايكونش رقيق بزاف
اما العسل ماكتكونش فيه الريحة بالعكس كتكون ريحتو زوينة هي باش زوينة كيكون العسل كحل
وكيجي في الشباكية احسن من العسل العادي
غير توكلي على الله وصاوبيها وغاتفكريني
ورا صورتها ليك غير باش تشوفي كيفاش كتطلع
نسيت نقول ليك ونتي كتطيبي فالعسل مرة مرة خودي منو معيلقة وديريها فشي تبسيل حتى تبرد وشوفيها الى كانت جارية خليها مزال تطيب
الله يدخل عليك هاذ الشهر بالصحة وسلامة