السلام عليكم ورحمة الله وبركاته اخواتي عرفتوني علاش تنسول انا راني حرت مع كترة الاراء حول ط§ظ„ظ‚ظ…ط§ط· وراكم عارفين الوسط العائلي وكترة الملاحظات انا كمطت بنتي حتى قربت تكمل شهرين و حيت كانت تتحيدو وتنشوفها تتبغي تحرك يديها ما بقيتش تنديرو ليها وكلشي قال لي علاش حيدتيه ليها مازال خاصها تكمط باش يكونو عظامها مقادين ولكن انا لاحظت ان اختي ما كمطتهمش ولادها بزاف ومع ذلك راهم مزيانين. عافاكم فيدوني من خلال التجارب ديالكم شنو هو الدور ديال القماط؟ واش غير تيدفي ولا تيقاد العظام بصح؟ وشحال كمطتو ولادكم؟ وباش تنصحوني واش نزيد نكمطها ولا باراكا عليها ؟ خصوصا انها كتبغي تلعب بيديها ورجليها وايلا درتو ليها كتبقى تعصر حتى تخرج يديها وسمحو لي ايلا كترت عليكم
schg uk hgrlh’ g`,hj hgofvm uhhhhh[g
أختي لوكان الكماطة بصح تقاد العضام ، لوكان الأطباء أول ناس ينصحونا بيها ، أنا ماكمطش بنتي ، والحمد لله صحتها جيدة بزاف ، عندها عام وشهرين وسيمانة ، راها تتمشى وتلعب وتنعس مزيان وكلشي الحمد لله ، هاد الكماطة غير كيما يقولو فوق الشبعة بغيتي ديريها ديري مابغيتيش ماديريش ، ماشي مهمة
الله ينورك اختي نبع الحنان راه بالي بقا مشغول مع هاد المسالة من كترة الاراء ديال العائلة الله يحفظ ليك بنيتك وتشوفيها كيف بغيتي
okhti ana kent kagmet benti chwia okanfkha chwia otbib dialha hoa li gali diri haka hta b9at tatl3eb bydiha otbghi tharek ya3ni mor 4 moi rah ma3ando bach yderha bel3aks rah kayhmiha men lharakat lghaltin li ymken ydrouha omaybanch lik hadchi daba ntmna nkoun fedtek btajribti rah daba benti 3andha 2ans lah ykhalilek bnitek otchofiha kima bghiti
انا لي سامعة ان دراري صغار في الاول تيخلعوهم ايديهم الى شافوهم داكشي علاش كيكمطوهم و الله اعلم
إوا ختي كايجولو شحال ما قمتيهوم مزيانة ليهم ولعظماثهوم خصوصا رجيلاثوم وصدرهوم ماكايجيش خارج أنا صاحبتي هي وخوثها دابا راهم كبار وعندهم صدر خارج حيت ماماهوم ماكانتش كاتجمثهوم و أصلا منين كايتجمطوو كايرتاحو وينعسوو مزيان أنا بنتي ولفاتلي لقماتا ديال ليل حيت حتى هي كانت كاتبغي تبقى تلعب بيديها وماكاتبغيهش فنهار كاتبقا تعصر حتى كاتزراق كاتبغي تحل بقيت كانقمثها حتى درت 5 شهور ولكن غير بليل باش كاتنعس مزيان وبنهار قطعت ليها منين كانت شي 3 شهور ودابة راه حتى لأوروبيين ولاو كايجمطو ولادهم أنا كان عندي قمأط من المانيا كايتلباس زوين وساهل ولكن نتي راكي قمطتي بنتك شهرين فنظري بركة يلا كانت كاتدياق منو غير حاولي بليل تبدأي ديره ليها بحرى ترتاح من لهزان ديال نهار وتنعس مزيان
الحبيبة حتى انا كندير القماط لبنتي بالحق غير كنلويه عليها ماشي تندير السماط كنت كنديرو في الاول غير باش تنعس راه مزيان ملي تنقمطها كتنعس ولنعست باديها محلولين داغيا كتفيق
اختي انا ڭمطت ولدي حد شهرين وحيدتو ليه ، راه كاين للي متيڭمطش ڭاع متديش عل هدرة الناس والله يخلي ليك بنتك
شكرا ليكم اخواتي oumhanouda shahrazade salomi21 fati-basma sihamitaعلى النصائح ديالكم غادي ندير بها باذن الله ربي يجعلها فميزان حسناتكم وربي يحفظ ليكم وليداتكم آميييييييييين
ختي أنا عمرني كمطت ولدي الحمد لله عضيماتو ورجيلاتو مقادين داكشي غير هضرة خاوية خلي البنوتة تلعب برجيلاتها ويديداتها الله يخليها ليك