سؤال على للاخوات لي كيعجنو خبز الزرع

بغيت نبدا نعجن فالدار خبز كامل ديال الزرع
قولولي عافاكم واش نقدر ندير غير دقيق القمح بنخالتو بوحدو ولا ضروري نزيد الفورص ولا الفينو.
بغيت الخبز يجي كحل وحرش وبنييين
وايلا كان ممكن قوقولي شمن نوع دالطحين دالزرع ناخد واش كاين فالاسواق الكبرى ولا ضروري نمشي نشريه من الطاحونة علما انه معنديش لوقت نكيل ونغسل ط§ظ„ط²ط±ط¹ ونديه نطحنو على طريقة امهاتنا زمان.
شكرا

---

schg ugn ggho,hj gd ;du[k, of. hg.vu

أختي حتى أنا جربتو مرة وحدة بوحدو مادرت معه لا فورص لا ولو غير القمح الكامل ولكين مجانيش طالع جا بحال إلى مادرتش فيه الخميرة نهائيا يهههههه نتمنى الأخوات يفيدونا

أنا أختي كانستعمل نور الدار كايجي كما تبغي سمر وحرش وبنين وفوق داكشي كامل صحي،،،

انا كنكيلو من طحونة زرع كندا هو لكطحنو ليك وكنديرو بنخالتو ونزيد معاه فورص كيجي 5/5 هههههه

أختي ممكن تشريه من الأسواق ممتازة ولكن ماشي بحال الزرع لتتصوب في الدار عندك حل أخر تمشي شي مطحنة وتسوليهم تيكون نساء عندهم تشري الزرع من عندهم وهدوك نساء ينقوه ليك وطحنيه تم وتقولي ليه يسمد ليك يعني بحال سميدة باش تستفدي من النخالة0منبعد عجنيه كيف هو ضروري تزيدي معه شوية الفورص أو فينو باش ملصقش ليك هادي هي طريقتي مثلا عملت 2زلايف قمح نزيد نصف زلافة فورص او فينو تيجي غزال وكرصيه بالقمح باش يجي أسود0

انا اختي كنشريه من عند واحد السيد عندو هري كبير وشاد عيالات هما اللي كيغسلوه ووينقيوه
وهو كيخلط لية دقيق القمح الكامل مع الشعير والذرة وانا ملي كنبغي نعجن كنزيد معاه شوية ديال فرينة وغير كنجمع العجينة ونسد عليها واحد 5 دقائق وعاد كنرجع ندلكها
كيجي الخبز بنين وصحي

اختي انا كنزيد فيه الفورص
الا درت 2 زلايف قمح كندير 1 فورص
كنشري تريا قمح كامل من الهري حنت معندي
كنديرليه باش نغسلو ونشرو

تم نقل مكانه مناسب

اختي ضروري ماتزيدي شوية الفورص باش يطلع ليك وما يكرمش و ينشف دغيا