زواجي بالتوكيل في الكويت

السلام البنات الى الاخت اللي سولتني على زواج التوكيل انا حطيت ليك هاذ الموضوع باش تستافدي ويستافدوا ناس كثيرة وكنشكر اختي في حضن امي كانت حاطة موضوع على الزواج ط¨ط§ظ„طھظˆظƒظٹظ„ في ط§ظ„ظƒظˆظٹطھ وعييت مانقلب عليك يمكن تمسح كاين مشكل في المنتدى المهم انا نعاود نحط موضوعي عالله ينفع بنات اخرين راه هاذي عامين ونص باش تزوجت

اول حاجة بديت بيها هي موافقة الاب بحكم ابي عايش في فرنسا كتبتهالوا في الايميل وهو كتبها وخداها للسفارة كاليزاها هادي وحدة تاني حاجة سيفطلو توكيل الاب لازم الاب ديالك يوكل شي حد في ط§ظ„ظƒظˆظٹطھ انا بابا كتب انا السيد فلان نوكل السيد فلان للزواج بابنتي راه ماشي انتي اللي توكلي شي حد الاب ديالك نتمنى نكون شرحتلكم واي حاجة انا موجودة

اول حاجة قلناها موافقة الاب وتوكيل الاب الا كان معاك الواليد ماشي بعيد تاخديهم للمقاطعة يتكاليزاو هما وكوبي من البطاقة الوطنية وصورة من جواز السفر
ولا كان في بلد تاني ياخدهم للسفارة المغربية يتكاليزاو
شهادة العزوبة
النسخة الكاملة هي الوحيدة اللي تاخديها للمحكمة الابتدائية تكاليزا تما وتطلعيها لوكيل الملك يوقعها
غادي نكتبلكم بالتدريج باش ماتلفوش

1 كوبي البطاقة الوطنية المقاطعة ثم العمالة ثم وزارة الخارجية الرباط ثم سفارة الكويت
2صورة من جواز السفر المقاطعة ثم العمالة ثم وزارة الخارجية الرباط ثم سفارة الكويت
3 شهادة العزوبة اصلا تخرجيها من المقاطة مكاليزيا ثم العمالة ثم وزارة الخارجية ثم سفارة الكويت
4 موافقة الاب المقاطعة ثم العمالة ثم وزارة الخارجية الرباط ثم سفارة الكويت
5 توكيل الاب المقاطعة ثم العمالة ثم وزارة الخارجية الرباط ثم سفارة الكويت
موافقة والتوكيل الا كانو مكاليزيين من السفارة المغربية لو كان الاب خارج البلد غير يوسلوك يتكاليزاو وزارة الخارجية ثم سفارة الكويت
النسخة الكاملة تاخديها للمحكمة الابتدائية يوقعها وكيل الملك مين تمشي سولي مزيان واش يكاليزها مابقيتش عاقلا سمحولي المهم سيري بنهار قبل وسولي في المحكمة وهما يقولولك اش تجيبي

مين تسالي هاد الشي كامل شدي الكار الحبيبة للرباط مين توصلي بكري سيري لوزارة الخارجية هي الاولى وخدي معاك كاع الوراق ديالك وشدي التور غادي تلقاي الناس بزاف واحد الملاحظة عندك يجيو عندك واحد لولاد يكونو تما حدا وزارة الخارجية ويقولولك الا بغيتي تجي لولا 100 درهم متقيش راه هما يحلوا مع 9 يمكن وبزربا يدخلو الناس اللي شد تور يدخل ماكان لا فلوس لا والو غير النصب المهم تدخلي ويكاليزولك 20 درهم للورقة 6 الورقات 120 درهم مين تسالي شدي طاكسي قوليلو ميغا مول راه حداها سفارة ط§ظ„ظƒظˆظٹطھ يحلل 10 ونص هاكاك غادي تدخلي عند واحد مغربي ظريف بزاف غادي تعطيه لوراق وغادي يقولك حتى الوحدة ورجعي غادي يقولك مين يتكاليزاو نصونيلك راه مابقيتش عاقلة شحال يمكن 250 درهم للورقة انا تما سيفطلي 4000 درهم غادي تعطيه كاع لوراق انا عطيته كاملين الا كوبي البطاقة و كوبي الباسبور ولقا راجلي مشكيل فالكويت قالولو اهم حاجة الهوية مامصادقاش من السفارة جاب الله راجلي عندو المعارف كبار فالكويت اما يعكسولي المهم مع الوحدة صونالي قالي اجي مشيت خلصتوا وخرجت شديت طاكسي ديريكت لا بوسط سيفط لوراق وتصاور دياولي صغار خلصت 300 درهم يوصلوه ف 3 ايام بحال dsl ارجعت لمدينتي لوراق وصلوه هو وجد راسوا باش يسافر للكويت خدا معاه ورقة الطلاق الا كان عازب شهادة العزوبة صافي هاد الشي لطلبوله
مين وصل تماك مشا هو وصحابه وخوه لوزارة العدل عطاهم لوراق وقالوله 2 شهود صاحبه اللي انا بابا وكله بالنيابة عليه باش يزوجني وخو راجلي صافي داك النهار كتبوليه العقد وهو خداه للسفارة المغربية ضرووووووووووري يصادقو عليه باش ملي تجي ديري التدييل ماتلقايش مشاكل هاذ الشيء اللي كان اي حاجة انا هنا اي سؤال الله يسهل الامور وشكرا
غادي نكتب ليكم ضيغة موافقة الاب وحتى التوكيل

انا الموقع اسفله السيد……. مغربي الجنسية الحامل
للبطاقة الوطنية رقم

الساكن بعنوان
………………..


بصفتي الولي الشرعي لابنتي الآنسة البكر البالغ….
…..مغربية الجنسية الحاملة للبطاقة رقم
…..وجواز سفر رقم


قد وكلت وفوضت السيد …..جنسيته… رقم البطاقة المدنية
……
دولة ط§ظ„ظƒظˆظٹطھ ويحمل جواز سفر
رقم


عنوانه

………

وكالة خاصة مفوضة لغرض ابرام عقد زواج ابنتي الآنسة ….


في النيابة عني والموافقة على تزويج ابنتي البكر سالفة الذكر زواجا شرعيا على كتاب الله وسنة ورسوله عليه الصلاة والسلام,من السيد , …. الجنسية جواز سفر رقم…..,أمام قاضي محكمة الاحوال الشخصية بمهر …. دولار

__________________________________

موافقة

الامضاء السيد