السلام عليكم أخواتي الانيقات المهتمات بالزراعة أنا ط²ط±ط¹طھ هادي مدة 10 أيام بطاطا حلوة عندي في الدار درتها في قرعة و عمرت عليها الماء و ناضت و دارت الاوراق و دابا معرفتش واش نزرعها في الجردة يعني نديرها في التراب و الا لا حت خفت تموت عافاكم لما جاوبوني؟؟؟؟؟؟؟؟؟؟؟؟؟؟؟؟؟؟؟؟؟؟
.vuj hgf’h’h hgpg,m .vum
السلام عليكم أختي حتى أنا ديرتها فلما كتر من شهر دابا و ماندتش ليا أش ندير ليها و ممكن تحكي لي ب تفصيل كي درتي ليها الله يجازيك كل خير
انا كل عام تنزرعها هي تتبغي الضوء ,حدا شي شرجم تتكبرمزيان,تقدر تبقا ليك حتى الشهر ماي منصحكش تغرسيها فقط بدلي ليها الما مرة مرة
انا كانجربها وكاتخماج ليا ماعرفتش علاش
البنات اللي خمجات ليهم خاص تختاروها مافيها تا ضربة هادوك ضربات هما اللي كيخماجو و انا عارفة كتبقى شهورا بلا متزرع غير بدلي ليها الما مرة مرة
حتى انا كتت شريتها وبقات محطوطة مبغاتش بنتي تاكلها جبت بزاف على قبلها فالاول كانت كتاكلها لكن منبعد مابقاتش تحملها بقاات حتى نبتات هزيت ربعة منهم وغرستهم في le pot كبير فيه التراب ومرة مرة كنفزكو بالماء حتىكبرو الاوراق ودازت مدة شهرين تقريبا مابقاش تتزيد الاوراق في النمو وتسحابلي ال pot صغير وانا نجر دوك الاوراق باش نشوف واش كبرات البطاطا لقيتها في اللاسفل بزاف ديال البطاطا صغيورين شكلها طويل وصغيرة الحجم ورديها بالزربة حتى إكبر حجمها …وانا كنظن اكون غرستها من اول في الارض غيكون أحسن حيث غادي تلقى تساع باش تكاثر وتكبر بالزربه … غيرووحدة إلا زرعتها كتعطي بزاف …انت حيث زرعتها غير 10 ايام حفري حفرة كبيرة وحطيها فيها احسن 
شكرا الاخوات علي الاجوبة ديالكم بالنسبة للاخت المرضية في الجنة أنا خديت بطاطا صحيحة و درتها في قرعة قطعتها من الفوق و عمرت عليها الما حتي لثلاثة أرباع البطاطا يعني راسها ملاحقش ليه الما و خليتها حتي ناضت, و دابا معرفتش رأي شكون غناخد واش الاخت ميسم اللي قالت غير بدلي ليها الما و الا أم ليلي اللي قالت زرعيها في التراب علي العموم شكرا لكل وحدة دخلت و جاوبتني الله يجازيكم بكل خير نتمي الاخوات يزيدو يفيدونا أكثر؟
اختي مشتاقة للجنة انا اول مرة كنزرعها يعني ما عنديش تجربة قبل, كنظن ميسم قالت كل عام كديرها يعني عن تجربة ..انا فعلا فاش جريت اورق اي نزعتها لقيت بزاف ديال البطاطات صغار ..انا مكسقيااش بزاف غير كنفزك التربة ..ونظن جربي كيف كدير ميسم هداالعام … البطاطا الحلوة غير تحطيها مدة في مكان مهوي تتنبت بحدها وكدير اوراق انا راه حتى شفتهم نبتوا وخرجوا اوراق بحال اللواية عاد درتهم في التراب …ونفس الشيء مع زنجبيل انا كنجيب بزاف والى بقا مدة كينبت وبغيت ندير زعما في التراب لكن ما صدقش دبل ومات ..
الى بغيتي ديكور دريها في الماء و لا بغيتي الغلة ديريها في التراب ههههه
شكرا أخواتي علي الاجوبة ديالكم أنا دابا طلعتها للسطح و بدلت ليها الماء حتي تكبر مزيان و نشد ليها الاغصان ديالها بحبل باش تطلع مزيان انشاء الله .