السلام عليكم البنات هاد الروسكوس كنت شفتو هنا فالمنتدى ومبقيتش عاقلة على مولاتو الله يجازيها بخير جربتو ولا معتمد عندي
3 بيضات + 7 م ك سكر + 7 م ك زيت + 7 م ك حليب او عصير برتقال انا استعملت عصير البرتقال + 1 خميرة ألزا + الطحين حسب الخليط + زيت للقلي + سكر جلاصي للتزيين اختياري
كنخلط مزيان كل المقادير إلا الطحين
كنبدا نضيف الطحين شوية بشوية حتى نحصل على عجين لين ومتماسك
نطلقو العجين بالمدلك ونقطعوه كيف واضح فالصورة
كنقليهم في حمام زيت ساخن
ونقدموهم دافيين تقدرو ترشو عليهمسكر كلاصي وهما سخونين
كيجيو خفاف و هشاش ملاحظة ملي تبسطو العجينة ديروها شوية رقيقة باش يجو هشاش اكثر
دمتم في حفظ الرحمان و رعايته ودعواتكن لي بالنجاح اخواتي
v,s;,s shig ,svdu thgjpqdv lk d]d
احلى تقييم
بغيت غير نسولك
واش ما يحتاج يخمر اشنو تقصدي م ك كم مقدار لو سمحتي
المشاركة الأصلية كتبت بواسطة نسمة الفرح 
بغيت غير نسولك
واش ما يحتاج يخمر اشنو تقصدي م ك كم مقدار لو سمحتي
لا اختي مكيخمرش داك شي علاش زوين يلا جاوك الضياف دغيا توجديه و م ك كنعني بيها ملعقة كبيرة فهمتي