السلام عليكم ورحمة الله تعالى وبركاته بلا منطول عليكم غنخليكم مع روتين اللي تقدرو تبعوه ظ„ظ„ط¹ظ†ط§ظٹط© ط¨ط§ظ„ط¨ط´ط±ط© ونتمنى يعجبكم وتحيدو العڭز وتطبقوه المرحلة الاولى : نوع البشرة اول حاجة خاصكم ديروها هي تعرفو نوع البشرة ديالكم باش تحددو المنتجات اللي توالمكم هادي ضروووووووووري منها والا غتخرجو على البشرة ديالكم المرحلة الثانية : تنظيف البشرة اول حاجة هي نعرف المنظف او الغسول اللي غيوالم البشرة ديالي وبعض المنتجات مكيكونش مكتوب عليها نوع البشرة .. شنو الحل فنضركم؟؟؟ اوا حلو وديناتكم وسمعو مزيان : الغسول اللي يكون على شكل جل كيكون خاص ط¨ط§ظ„ط¨ط´ط±ط© الدهنية والمختلطة ، اما الغسول اللي كيكون على شكل كريم فهو خاص ط¨ط§ظ„ط¨ط´ط±ط© الجافة والعادية. 
باش نضف وجهي كنخسلو بالماء الدافي وكندير شوية ديال الغسول فيدي ونديرو فوجهي بحركات دائرية لمدة 4 دقائق ومنين نسالي نغسل وجهو ونسفو بفوطة غير نطبطب عليه ماشي نطير اللحمة ههه المرحلة الثالثة : حمام البخار بعد تنظيف الوجه كنديرو الماء يغلي مزيآآآن وضيفيلو ياما الزعتر او النعناع او قشور الليمون اداكانت البشرة ديالك دهنية اما اذا كانت جافة او عادية ديري لخزامة او اكليل الجبل او ماء الورد اما اذا كانت حساسة ديري البابونج غطي راسك بفوطة فوق البانيو اللي فيه الماء لمدة 10 دقائق حتى يبدا وجهك يعرق من بعد مسحيه بفوطة وبداي تحيدي النقط السوداء ماشي بظفارك خودي القطن اللي على شكل دوائر وبالصحة الحمام ههه 
المرحلة الرابعة : ماسك او قناع للبشرة من بعد حمام البخار المسام كتكون مفتوحة هنا كنديرو ماسك مغدي حسب الاختيار يا ماسك طبيعي ولا كتشريه ولكن ديما نقلب على اللي يوالم البشرة ديالي كندير الماسك على وجهي ونخليه حتى ينشف مزيآان وكنحيدو بشوية منين كنسالي كنغسل وجهي بالماء البارد باش نسد المسام 
المرحلة الاخيرة : التونيك والكريم من بعد مكنسالي كناخد قطعة قطن وكندير فيها التونيك ديالي (انا كنستعمل ماء الورد فقط) وكنبدا نمسح وجهي من تحت لفوق ومكنخسلش وجهي كنبقا شي 5 دقائق من بعد كندير لكريم اللي مولفاه لوجهي 
وبالصحة والراحة وجهك غتحسي بيه كيلمع ونقييقي ورطب هادشي انا كنديرو مرة في الاسبوع اما باقي الايام كنغسل وجهي عادي فالصباح بالغسول وكندهنو بالكريم وكندير ڭوماج 2 مرات في الاسبوع ولكن لبنات اللي عندهم الحبوب فوجهم يبعدو من الڭوماج نهآآئيا يالله غير اللي مبغاتش تولي كتشعل ..
v,jdkd ggukhdm fhgfavm
شكرا على النصائح اختي صوفيا كولنا بغينا نوليو نشعلو غير العجز وصافي ههههه
ههه هداك لعجز هو العدو الاول اللي خصنا نقتلوه
شكراً ختي صوفيا على هاد نصائح أنا عند ديمة نقط سوداء فوجهي أنا بغيت ناخد رأيك كانو قللي هنا فالمنتدى ناخد نيتروجين نتاع إزالة نقط سوداء وحد سيدة كنعرفها قتلي خدي كلين كلير لفيه حبيبات زورق ونا حارت بغيت غي نسول بش تقدر طنشني ختي له يعطيك صحيحتك
انا فايت خديتو ومادرلي وآالو ،والنقط السوداء كتجي غير من قلة تنظيف البشرة بالطريقة الصحيحة انا مور حمام البخار ياما كندير بيض بيضة ندهن نيفي ولا المكان اللي فيه وكنحط طرف ديال كلينكس غير طبقة وحدة ونعاود ندهن بيض البيض وطبقة كلينكس وهاكا حتى كنحس بيها بدات تقصاح من بعد كتنشف كنحيدها بشوية وكيتحيدو .. الطريقة التانية مور حمام البخار كندهن نيفي بفازلين وكانبدا نحيدو بالخيط ؛؛ نتمنى نكون فدتك
ختي كيفاش ممكن تؤكدي من نوع البشرة نتاعك
باش تعرفي نوع البشرة ديالك غسلي وجهك بالماء مزيآآان وبعد ساعة خودي كلينكس وحطيه على البشرة ديالك وضغطي على الجبهة والدقن والانف والحناك مزيآان من بعد شوفي كلينكس.. ا ذا كانو المناطق ب 4 فيهم اثار دهون فالبشرة دهنية اذا كان غير بعض المناطق اللي فيها الدهون فهي مركبة اذا مكانش دهون فالمناطق ب 4 فهي عادية اما اذا كان كلينكس مفيهش الدهون ولكن فيه بعض القشور فالبشرة جافة نتمنى نكون فدتك اختي
المشاركة الأصلية كتبت بواسطة sofia sweet 
باش تعرفي نوع البشرة ديالك غسلي وجهك بالماء مزيآآان وبعد ساعة خودي كلينكس وحطيه على البشرة ديالك وضغطي على الجبهة والدقن والانف والحناك مزيآان من بعد شوفي كلينكس.. ا ذا كانو المناطق ب 4 فيهم اثار دهون فالبشرة دهنية اذا كان غير بعض المناطق اللي فيها الدهون فهي مركبة اذا مكانش دهون فالمناطق ب 4 فهي عادية اما اذا كان كلينكس مفيهش الدهون ولكن فيه بعض القشور فالبشرة جافة نتمنى نكون فدتك اختي شكرااااا ليك ااختي بزاف انا نطبقها مي واش بالما عادي اولى داقي او القشور كي غدي ابانو فكلينيكس انا اصلاا كندن بلي عندي بشرة عادية حيت مكنعرقش فوجهي دابا بحال الى ماكيت وجهي كيبقا عادي الا فوق نيفي اللي كيولي دهني شوية
الماء يكون عادي واذا كانت جافة راه وجهك غيبدا يدير قشور وغتبانلك جربي هاد الطريقة وردي عليا الخبار
شكرا اختي على الافادة غادي نجرب طريقتك فازالة الرؤووس السوداء حيت هما اللي مبرزطيني انا وجهي عادي فالايام العادية ولكن فالبرد كيبدا يتقشر كاين شي حل طبيعي