مرجو من اي وحدة منا كتعرف شي عصير ومجرباه زوين تكتبو لينا ومنها نستفيد وشكرا
vlqhk ugn hghf,hf ,ohwkh uwdvhj hghe,hf
بغيت نقول لكم على العصير لي سوبتو البارح وجاء غزال ورائع ، ولي عجبني بزاف أنه غير مكلف بتاتا و قضيت بداكشي لي عندي :
4 ليمونات : 2 مقطعين بقشورهم وء منقيين ومزولين لهم داك القشرة البيضاء ومقطعين
2 حامضات منقيين ومزولين لهم داك القشرة البيضاء ومقطعين
2 خيزو مقشرين ومقطعين
1 تفاحة منقية ومقطعة
1 بطاطا منقية ومقطعة
1 لتر ماء
عملت كلشي فالكوكوت ، سديت بالسفارة ، وخليتها شي 10 حتى ال-15 د
طفيت عليها وزولتها من العافية، عملتو فبانيوو كبير باش دغيا يبرد ، وبديت كنطحن فمولينكس مع الماء بارد مزيان والسكر ، وكنصفي فالصفايا ، تصورو معايا غير بهاد المقادير القليلة خرج لي 2 لتر ونصف ديال العصير لديد وخاتر
وفاش بغيت ننزلوو فالعشا ، خديت القياس وطحنتو مع البنان ومكعبات الثلج ونسمتو بشوية ديال تانك تروبيكال ، جا هائل ولديد بزاف بزاف وخاثر !!!
المرة الجاية إن شاء الله ناوية نزيد فيه تفاحة أخرى، وكذلك 2 خوخات كبار و-6 مشماشات جاف
جربوه وردو عليا الخبار 🙂
وهنا نقتارح عليكم ٢ أنواع غزالين ولدادين ودائما كيحمرو لي وجهي :
العصير 1 : 1 لتر عصير البستان +2 أو 3 بنانات + 1/4 بكية تانك تروبيكال ، يخلط الكل في مولينكس ويدخل يتبرد في التلاجة ، كيجي مداق رائع ومختلف وكلشي كيبقى يسولني شنو عاملة فيه !!
العصير 2 : 1 التر حليب + حفنة يد كركاع + حفنة يد لوز خضر بقشوروو + حفنة يد تمر مقطع + قطيرة صغيرة صغيرة صغيرة ديال روح اللوز (وهنا كنإكد بزاف أنه تكون يالله قطيرة صغيرة وصغيرة بزاف باش ماتعطيناش البنة ديال المرار !!) + سنيدة حسب الذوق، يخلط الكل في مولينكس، ويصفى في الصفاية ويدخل يتبرد في التلاجة ، هذا كيجي حتى هو هائل وممتاز !!!
1 لتر ماء + 3 خوخات كبار مقطعين بالقشرة + 6 حبات مشماش يابس مقطعين طريفات ، نعملوه فالكوكوت 10 د
منين يبرد ، نطحنوه فمولينكس ونزيدو السكر وندخلوه يبرد
كيجي لديد !!
ينقل لقسمه
انا عصير لكنصوب بزاف هو كندير ليمون ديال الاكل
كيلو الليمون مقشر ومقطع ومزال له العظم كنضيفو عليه 2لتر من الماء طايب وكنخليه حتى يبرد وكنطحنو مع السنيدة حسب الدوق وهاهو عصير الليمون واجد الا مكانش عندي حتى فاكهة في الدار ولا كانت كنخد قياس لبغيت عصيرالليمون وبنان تقاح فريز خوخ مشماش ………………..
كيجي لديد بزاف
يطحن الكل في مولينيكس ويقدم