في تاريخ
3/12/2019
المقادير:
للعجينة:
زلافة دقيق الفورص
زلافة دقيق الفينو (قمح سبيسيال)
طريف الزبدة لينة
ملح
معلقة صغيرة سنيدة
قبيصة الخميرة الفورية
قطرات من الخل
للحشوة:
البصلة الخضرا (الحريف) مشلظة
زيت بلدية
ملح+ابزار+كمون
قسبور و معدنوس مفروم
الفروماج مثلتات
الفروماج الطويل مقطع طريفات صغار أو محكوك غليظ
للتوراق:
الزيت
شوية الفينو+شوية الفورص+نصف خمارة الحلوى مخلطين
الطريقة:
نخلط العجينة و تكون لينة و ندلكها مزيان…نعمل منها كويرات ندهنهم بالزيت ونخليهم يرتاحو
نشحر البصلة فالزيت حتى تتحمر و نزيد الملحة و الإبزار و الكمون و في الأخير القسبور و المعدنوس و نحيدها من فوق العافية…
نخليها تبرد و نخلط معاها الفروماج
نورق العجينة بالزيت و نرشها بخليط الدقيق و الخميرة نعمل شوية الحشوة و نطويها على شكل رغيفة و أنا كنرش الجوانب خليط الدقيق
نورق كويرة أخرى من العجين و نرشها بخليط الدقيق
نحط الرغيفة المعمرة الوسط و نطويها
ملي نكمل تشكيل الرغايف نسخن مقلة ثقيلة و نبدا نسرح الرغيفة الأولى ونطيبها على نار متوسطة و أنا كنرشها من الجوايه بزوج بالزيت و نقلبها حتى تتحمر
و هدا الشكل ديال الرغايف كيجيو مورقين و لداد
بالصحة و الراحة
اللهم أدمها نعمة و بارك لنا فيها و احفظها من الزوال
vyhdt fhgfwgm hgoqvhx , hgtv,lh[ lk l’fod hglj,hqu ( fhglvhpg hglw,vm) hglw,vm
تم التثبيث
اما التقييم مخاصمين معايا نعوضها ليك مرة اخرى اختي
خسارة خرجوا لي السمعات مرة أخرى غاليتي
الله يعطيك الصحة أختي وتبارك الله عليك.
احلى اعجاب+التقييم
لك مني احلى تقييم
يشهي ان شاء الله نجربو