السلام عليكم
بنتي من نهار تزادت يالله اسبوع بدا فيها الوجع وكاكا ديالها خضرا دازت علينا بالمعقول
شي تيقولك ضربها البرد وشي تيقولك نقص السوائل
البنت يوميا تنعطيها يا كروية او نافع (غير شويا وخا مفيد للغازات ولكن تيضر جهازهم العصبي لي مازال مااكتمل نموه) يا لويزة والائحة طويلة
الطبيب مشيت لعند احسن بيداتر عطاني سيرو تيبرد عليها شويا الوجع
والعائلة والجيران والصحابات كلهم تيقولو لي مرحلة وتفوت
ولكن البنت كان تيجيها وجع غير فالليل تندوش ليها(وتيبرد عليها الوجع بزاف ولكن ماتيوقفوش) حتى اصبح الوجع تيجيها نهار كلو وخصوصا ملي وصلات لشهرين ونصف داكشي تزاد
دوزنا الويل معاها لدرجة تندوز نهاري كلو تنراري بها وهي تبكي
حتى قال لينا واحد السيد الله يجازيه بخير على طريقة سبحان الله ساهلة وبسيطة بزاف غير درتها ليها من المرة الاولى دازت اقل من خمسة دقايق سكتات بنتي ونعسات ومن تم الحمد لله تنديرها ليها واخا ماتيجهاش الوجع غير تنشوفها بدات تزير تنديرها فعالة اكتر من سيرو لي كله كيماويات
شدي معلقة صغيرة زيت الزيتون دفيها مزيان (غير تسخن والجهد لي تحمله الرضيعة ماشي تحرقيها) وشدي دوك عويدات الودنين وديري ليها نقيطات من زيت الزيتون فسرتها وغادي تشوفي الفرق
جدودنا وجداتنا كانو تيستعملو هاد الطريقة
وكيف مانفعاتني مع بنتي لي مازال تيجيها الوجع ولكن غير تندير ليها هاد الطريقة تترتاح وبحالا تقولي داك الوجع كان كدووووووووووب
بغيت نفيد بها الامهات لي تيعانيو بحالي
وخلاصي دعيواتكم لبنتي وليا
vqdu;l jd[di ,[u hgyh.hj uk]d hgpg fd]di
حتى انا دوزتها علي بنتي في صغرها حتي دخلت ليها الماكلة عاد تهنيت مخليت دوى العرب ولا دوى الطبيب
ولكن دبا في عمرها 7 سنين
هذه النصيحة غد نصح بيها ولد خوي لعمر الآن 3 الأسابيع
الله يجزيك بالخير
الله يرزقك بر اطفالك و هنائ دارك
كيف نفعتينا الله يجيب لك من ينفعك في الدنيا و الاخرة
ولدي هلكوا الوجع و عمره 5شهور
الله يعطيك ما امنيتي