ڭرص رطبييين او ساهلين

[السلام عليكم
هادي تاني مرة كنكتب هاد الموضوع قبايلة كتبتو مكملتو حتى سخفت حقلش شرحت التفاصيل ديال التفاصيل او في الاخر مشة لية كلشييييي شداتني البكية ولكن انا ماستسلمتش او رجعت باش نعاود نكتبو شديت معاه الضد صافي هههه حقاش واعدتكم مني كتبت ليكم المقادير ديال كوكيز لتقولو معندها كلمة لووول
المهم ندخل في الموضوع عندي ليكم ڭط±طµ انا اكيد انكم ايلا جربتوهم غادين تبقاو تعاودوهم من غير لكنتو معڭازات هههه غير كنضحك
المقادير كالتالي
نص كيلو فورص (انا مكنديرش نص بالضبط حقاش عندنا خنشة كنعبر غير بواحد الصوبيرة لجاتكم جارية زيدو كمشة)
كاس زيت عااامر
كاس سنيدة (لبغيتو زيدو عاشق كبيرة)
بيضة
عاشق كبيرة نافع و حبة حلاوة
عاشق كبيرة زنجلان محمر
عاشق صغيرة عامرة بخميرة الدار
خمارة ديال الحلوة
2 كيسان ما دافي
شكلاط ديال 4 دريال هههه (اختياري ولكن كيجي زوييين)
نجيو دابة للطريقة
غنجيبو بانيو صغير او نخلطو فيه جميع المقادير الا الشكلاط اللي نخليو ايوا نخلطو دكشي مزيان بيدينا غتجيكم بحال عجينة ديال السفنج تقريبا غتلسق ليكم نص العجينة في ايدكم متخافوش في الاخر حيدوها بعاشق او غطيو البانيو بميكة او زيف او خليوها ساعة تخمر من بعد دهنو الاطة بالزيت او دردرو فوقها الفورص باش ميلسقوش او جيبي طبسيل ديري فيه الزيت باش دهني ايدك او طبسيل ديري فيه الفورص فين تڭرصي هزي شوية العجينة او لولبيها بين ايديك بحال المسمن ديال الرفيسة او ضغطي عليها بين ايديك شوية او حطي نص شكلاة او جمعي الجناب باش تغطي الشكلاط من بعد ديري شوية الدقيق او ڭرصيها شوية او حطيها في اللاطة مني تكملي كلشي غطي اللاطة بميكة او زيف او خليها حتى تخمر ردي البال لنها كتحتاج وقت طويل حقاش دابا الحال بارد او هية فيها السنيدة المهم مني تخمر دهنيها بالبيض او دخليها طيب او بالصحة والراحة دوقي او ردي علية الخبار اه الشكلاط ايلا شريتي 3 دراهم غيشيطو ليك شي ڭرصات بلاش او لا شريتي 4 دراهم غيشيط ليك الشكلاط هههه
ايوا هادشي اللي كاين كنتمنى تجربوهم كيجيو زوينين بشهادة خوتي اللي مكتعجبهم تحاجة هههه خاصة بالشكلاط واحد المرة شاطو لية شي ڭرصات بلا شكلاط قلتها ليهم ولاو قبل مياكلو الڭرصة كيقسموها يشوفو واش فيها ولا لا الشبعة ومادير ههههه ايوا مكنطلب منكم الا الدعاء ربي ينولني اللي فبالي او يجعل لية فيه الخير او اي استفسار انا موجودة نجاوب عليه بكل فرح
اختكم في الله ابتسام السلام عليكم

---

ڭvw v’fdddk h, shigdk &#1709vw

الله يعطيك مانويتى في خاطراك

تباركلله عليك

امييييين حبيبة ربي يخليك

الله يبارك فيك ختي

اعجبنى بزاف الاسلوب المرح اللى كتبت بيه منها نستافدوا و منها انضحكوا تبارك الله عليك نتمنى ايجيو هاد الكرص خفاف و ضراف بحالك

الله يرضي عليك اكثر من خوتك هه هه هه

ربي يخليك الفنة و الله يفرحك دنيا او اخرة او مرحبا بيك معانا في المنتدى بانت لي اول مشاركة عندك نتمنى نكونو اصدقاء ان شاء الله و بالنسبة للكرص غير جربيهم او تشوفي رطبييييين او كيصبرو

هههه اميييييين انا وياك ان شاء الله

عفاك اختي الى ما قولتيلي شنو هو العاشق فلغة المطبخ

هههههه العاشق هي الملعقة الحبيبة نتمنى تجربيهم