انا اخواتي تزيرت شويا مع المهندسه اللي مكلفتها تراقبلي البنيان وتعطيني الشهاده حيث كتدي فلوس بزاااف على كل زياره
وطاشرون من عائله ديالي ونثق فيه
دابا بغيت نعرف شنو يطلبو من تبغي ط±ط®طµط© سكنى وشنو اللي نستفيدو من هدي الرخصه ؟؟
ضروري نحتاجها او لا ؟
vowm hgs;k
اول حاجة قبل ما تمشي طلبي رخصة السكن خاص المهندس دالحديد والمهندس المعماري يعطيوك واحد الشهادة كتاكد انك مطبقة البلان اللي عطاوك
واي تغيير درتيه كيكتبوه ليك تما لهدا مخصكيش ديري اي تغيير بدون موافقة المهندس خاصة المهندس المعماري
ومغيعطيوك الرخصة السكن فالمقاطعة حتى تكون عندك ديك تاشهادة
ورخصة السكن هي باش كدخلي الضوء للدار
وحاجة اخرى راه المهندس المعماري ماشي من حقو يتخلص كول مرة كيخي يراقب حيث خلاصو كيكون داخل فالثمن علاش تفقتو نهار الاول
اما المهندس دلحديد من حقو فكل زيارة يتخلص
كنتمنى نكون فدتك واي استفسار انا فالخدمة
انا اختي غيرت البلان كلو !! مهندسه معماريه اول بلان عملتولي قالت غير باش تاخدي بيه الرخصه
وحتى بلان الحديد
ومن شبرت الرخصه اعطتني هي بلان اخر مختلف تمام عن الاول ودابا عطتني فتح ورش وكنبني
لكن ماعطتني بلان الحديد وقالتلي امشي اعمل بلان الحديد عند مهندس !!
مشيت عملت بلان حديد مع مهندسه حديد نصرانيا واتفقت معي بزاف ..
دابا سؤالي من نمشي ندفع اوراق رخصة السكن وناخد شهادة من جوج مهندسين ويشوفو الاداره اني غيرت في البلان كاين شي مشكل ؟؟
ولا عادي يعطوهالك واخا ماعملتي نفس بلان الرخصه اللي وافقولك عليها ؟؟
يعني نخلص الخطيا وصافي … او شنو خصني نعمل ؟؟ 🙁