رحلتي الى الجمال

السلام عليكم البنات منين نبدا انا حياتي مرونة و عندي بزاف د السلبيات و دغيا عزيمتي كتلاشى و قررت نبدا نحط يومياتي باش تكون بمثابة الزام ليا
مشاكلي كالتالي
الصلاة الله يسمحلي دايرا فيها ما بغيت
الوزن ديالي زايد
قرايتي الا ما تزيرت ما نقرا
نهار و ما طال و انا نشري لبرودوي و شي ما نديرو و القائمة طويلة
فالعشية ان شاء الله نقولكم اش درت

---

vpgjd hgn hg[lhg

سيري الله يسهل عليك و عاوني ا خيتي راسك بدعاء، و العزيمة القوية كتوصل لكلشي بادن الله
ولكن ملي ديري شي هدف خإصك توصلي ليه باي تمن

جمـــيل عجبااتني رؤيتك

مشكلتي انا عكسية ,, تجاه دن الحمد لله ملتزمة ما امكن و مانكرهش اكثر من هاكدة

وزني نااقص تانتجتااهد ناكل اكثر لكن تانمل و نعيف

قرايتي لور لوور ,, الى ماكانش امتحان غدا او بعدو مانحفضش على تبسااع مابقيتش تانعرف

انا كنت مبلية بليبرودوي دابا تانحاول ما اممكن ننشري داكشي خفيف كريم و ديودورون و زيوت و بس

لي سوان و لي كوماج ,, تانستعمل ماهو طبيعي بس

في انتظار عودتك

صبا الخير البنات
ايوا نعاود ليكم اش درت لبارح
بخصوص الوزن انا ما باغاش ندير ريجيم انما اكل صحي و البارح بديت بادن الله
الالتزام انبدا ندير ورد يومي
القراية 2سوايع قرايا
نجيو للجمال ان شاء الله نصور ليكم منتوجاتي:لصدري بديت نستعمل نيفيا مع العلك
وجهي كاندير صباح actipur gelوbbcream niveaو باليل depiwhite
و للمناطق السوداء epta spot lait
و للشعري زيت جدايل رائع بالحق الاصلي و مني كاندوش كانستعمل masque dessange

شكرا على ردك حبيبتي انا نطيح كيلواتي و نعطيهم ليك ههههه اوا اجي نتعاونو و نديرو النفس فبعضياتنا

شكرا لكي اختي على الدعيوات الله يجازيك كل خير

ههههه و الله ماكرهــت يا ختي سئــمت

الله يدير شي تاويل ديال الخير و خلاص

عجبني برناامجك

انا بون انقول شنو درت انا

انا لبارح رجعت ل زيت الحلبة و زيت الصوجا لتكبير الصدر ,, و حتى الصوجا مطحونة وليت تاناكل 2 معالق صغار و اليوم

+ بشرتي ,, درت كوماج بالكامون و دهنتها مزياان بنيفيا سوفت
قبل النعاس دهنت وجهي بزيت جنين القمح

شعري ملي كانخرج من الدوش تاندير لو شوية نيفية سووفت ونجمعو ,, تاينشف مقااد ماتانحتاج نزيتو من بعد

اه رموشي كنت تاندير لهوم .. نوى التمر محروقين و زيت الزيتون بس ماجابوش معايا نتيجة زوينة و انا دابا تاندير الثومة ,, ولو تاتحرق شوية بس صابرة معاها يارب غير تجيب نتيجة

و عافا ختيتي قولي لاش تايصلاح العلك ؟ لشد الصدر او تكبيرو ؟؟

و انا معــك فالطريق بالفرحاات عليا لنستفد من بعض

عفاك ختي ممكن توريني صورة نيفيا لي كديري لشعرك واش هو نفسو لي كديري لوجهك ولا نوع اخر

وبالنسبة لوصفة العلك هاهي

https://www.anaqamaghribia.com/vb/sho…d.php?t=369499

واستسمح من صاحبة الموضوع جاوبت في بلاصتها

الله يجاازيـــك بيخيـــــر غاااليتي شككككرا ^^