السلام عليكم غنقدم لكم وصفة ساهلة و بنينة و صحية ،و كيبقى لكم الاختيار تضيفو او تنقصو بالنسبة للسلطة ، بالنسبة لي وجدتها على حسب المتوفر عندي، و كنتجنب المصنعات ماامكن و لكن الى بغيتوهم فلكم الاختيار/سمحولي نسيت مصورتش حاجتنا ل : للدجاج: قطع ط¯ط¬ط§ط¬ على حسب الاشخاص، مغسولين مزيان ،بالنسبة لي ختاريت الافخاذ و درت طبق لشخصين صلصة صويا فصوص ثوم ،انا درت ربعةمقشرين و صاينين مقطعتهومش طرف سكنجبير طري ، استعملت حجم زوج فصوص ثوم قسمتو على زوج /مغنقطعوش للانني غنزولو من بعد زيت بلدية ملح ابزار حسب الذوق للسلطة : ارز ظƒط§ظ…ظ„ منقي مغسول و مسلوق فالما مع ملح و زيت بلدية و صفيناه من بعد ماطاب ذرة معلبة او الليحبيتو تضيفوه ماشي مشكل زوج معالق صلصة طماطم صويا صوص نصف علبة تونة مصفاة من الزيت بهارات حسب الرغبة انا مضفت حتى حاجة الطريقة فطنجرة نوضعو زيت لبلدية نضفو الثوم و الزنجبيل ،كيتشحرو شوية نزلو قطع ط¯ط¬ط§ط¬ اللي شرطناهم باش يدخلهم طياب ، نزيد صلصة الصويا ، ندوقو على حسب الملح نقلبو ، ثم نضيفو ملح و ابزار ثم نسدو على طنجرة و نخليوها على نار مهيلة حتى يطيب الدجاج ، نقلبو مرة مرة ، الى وجد نطفيه عليه (كيطيب بلا ميحتاج نقطة ماء) نزلوه على جنب ، نحيدو الزنجبيل اما الثوم فغنلقاوه ذاب ، فنفس الزيت (الى كانت كثيرة نقصوها ) نضيفو الروز الكامل المسلوق و المصفي ،نديو فيه و نجيبو حتى يبان شد راسو شوية عاد نزيدو الذرة او الخضر الليي بغينا بشرط تكون مسلوقة او مفورة ، ثم التونة المصفاة من الزيت ، نضيفو صلصة الطماطم ، نذوقو على حسب الملح ، ثم نضيفوه الى كان ناقص ، عاد نضيفو صلصة الصويا الى بغينا طعم قوي، على حسب الذوق ، ثم البهارات اللي بغينا ، نخليوه حتى ينشف الروز مزيان ، ثم نطفيو عليه , ممكن نرافقوه بسلطة من اختياركم ، او مع صلصة الزبادي مع الخيار و الثوم ، و بالصحة و الراحة ، نتمنى يعجبكم ، كيصلاح للعشا او كوجبة غذاء خفيفة
v[dghj ][h[ fhgw,dh lu sg’m hv. ;hlg
تبارك الله عليك أختي باينة وصفة كتشهي مع أحسن تقييم
المشاركة الأصلية كتبت بواسطة فاطمة التهامي 
تبارك الله عليك أختي باينة وصفة كتشهي مع أحسن تقييم الله يبارك فيك اختي و شكرا بزاف على التقييم
Yamli rocks تبارك الله عليك أختي
تبارك الله عليك اختي والله يعطيك الصحة