رجاء منكم عاودولي سفرياتكم في المغرب مع وليداتكم صغاررر

السلام عليكم ليوم بغيت نطلب ظ…ظ†ظƒظ… طلب لي سافرات مع ولدها أو بنتها صغار تعاودنا كيفاش كانت السفرة واش من الأفضل أوطيل أو تكريو دار و الأكل كيفاش كتعملو واش كتوكلوهم من أكل المحلات أنا بنتي عندها عام و نص و أول مرة بغيا نسافر بها إنشاء الله و بغيتكم تفيدوني خواتاتي أنا حايرة بخصوص لمدينة واخا كنحلم ههههههههه بأكادير و مراكش

---

v[hx lk;l uh,],gd stvdhj;l td hglyvf lu ,gd]hj;l wyhvvv

34 أنيقة تا وحدة فيكم ما سفرات إوا الله يسهلكم ف شي خرجة مبرعة

السلام عليك اختي اولا ماعمركي تحكمي على المشاهدات حيث فيهم الزوار والعضوات

وان شاء الله غدي يدخلوا الاخوات ويساعدوك

اما انا فبامكانك تشوفي مواضيعي لرحلاتي واي سؤال انا رهن الاشارة
https://www.anaqamaghribia.com/vb/sho…d.php?t=332440

https://www.anaqamaghribia.com/vb/sho…d.php?t=336344

https://www.anaqamaghribia.com/vb/sho…d.php?t=321302

شكرا الله يخليلك لي عزيز عليك أنا نشوفهم و نكتبلك

السلام عليكم أخت عبير الندى مجهوداتك روعة و لكن أنا بغيت نصائح الأخوات بخصوص الإحتياطات لي ناخدو بخصوص الأطفال فالمدن الشاطئية و بالنسبة الأكل واش كتوكلوهم من أكل المحلات أنا عندي أول مولودة و تالفة و خايفة عليها الله يحفض وليداتنا من كل سوء

الله يحفظ بنتك حبيبة دعي معايا ربي يرزقني الذرية الصالحة

نتمنى يدخلوا الاخوات لسافروا مع وليداتهم ويساعدوك

فقط نصيحة اختي حاولي بنتك متخليهاش في شمس الشاطئ بزاف وخليها تشرف بزاف الماء باش مينشفش جسمها

حاولي اختي تاخدي ماكلتها من الدار حيث باقي صغيرة على ماكلة المحلات

السلام عليكم و رحمة الله و بركاته

اختي نساي الاوطيلات ماصالحينش بتاتا للي عندو وليدات الا اذا كانوا كبار و كيفهموا وحتى انت متلقايش راحتك والرضع خصوصا كيتأثروا بالتغيير فالمحيط و المناخ الخ يعني باش توفريلها راحتها اذا كنت غادي تسافري خاصك تكري دار او شقة مفروشة على حساب المنطقة اللي غادي تمشي ليها

1- الشنطة ديال الحوايج ديري فيها التبديلات على حسب عدد الايام يعني 2 تبديلات فاليوم + بيجاما مثلا + فوط الحمام + حقيبة الاستحمام اللي فيها مستلزمات الحمام ديال بنتك + حقيبة صغيرة لبعض اللعب الاساسية ماتديش بزااف + المناديل المبللة ديال التنظيف les lingettes خاصة بالاطفال علبة او 2 على حساب المدة كيعتقو فالخروج ملي توسخ يديها او توكليها و فطريق السفر كذلك حسن من الفوط و المناديل العادية و عاد مسح ولوح ميكترش عليك التصبين

2- ديري حسابك بالاضافة ديري حقيبة صغيورة تجمعي فيها بعض الأدوية العادية: بحال مخفض للحرارة.. مضاد للالتهاب..مطهر..محرار..متبقايش تجري فالمدينة اللي متعرفي لا قدر الله و وقع اي طارئ يكون دواك تحت يدك و عن تجربة

3- بالنسبة للماكلة اذا بغيتي تمشي سالمة وتجي سالمة متغيريش لبنتك النظام الغذائي ديالها حيت راهم حساسين بزاف لابسط التغييرات و نسااااي المعلبات ديال الاطفال ..ملي كتكري دار او شقة راه المشكل محلول كتطيبي ليها الماكلة اللي مولفة اما بخصوص طريق السفر انا كنعتمد بالخصوص على بعض الفواكه الغير حمضية بحال التفاح و البنان و جوكي او بيرلي لانه عاقد و ماحامضش و كيشبع و شرب الماء و الخبز و الفرماج اذا كانت الطريق الطويلة و الاهم ماشيكل ساعة توكليها تبعي النظام اللي مولفا يعني اذا خرجتي الصباح فطريها و ستوب حتى يوصل وقت الغدا و عطيها الما او الياغورت اذا بانت جاااااااعت و الا بلاش حتى لوقت الغدا و اذا كنت كترضعي طبيعي خير و كافي لان الماكلة بزاف و الطريق مكتوافقش الدراري اللي باقين صغار. ومتوكليهاش الحوايج اللي معمرها كلات فالسفر مثلا فواكه جديدة او غيرو حتى ترجعوا و عاد وكليها اللي بغيتي راني كنسافر بولدي بحكم الضرورة ملي دار 3 اشهر وملي كنسافر مكندوقو حتى حاجة عمرو ماكلاها فالدار واخا كيعيى باباه عطيه هادي عطيه هادي كنقول سلامة ولا ندامة و الحمد لله الامور مزيانة . اذا كانت بنتك كترضع صناعي هاديك مسألة أخرى

4- بالنسبة للشاطئ عرضيها للشمس تدريجيا النهار الاول نصف ساعة مثلا وهكذا و راسها ديما مغطي و استعملي واقي شمس خاص بالاطفال و تجلسيها ديما مغطيا تحت المظلة الشمسية و لكن ماطوليش بيها بتااااتا تحت الشمس واخا مضللة و راسها مغطي وديليها الاكل اللي وجدتي فالدار بكميات متوسطة فعلبة وواياك تعطيها المشروبات الباردة و المثلجات راهم كااارثة مع الشمس للاطفال الصغار

ايوة هادشي اللي تفكرت دابا اختي الله يسر الامور و تسافروا و ترجعوا بالسلامة و الخير

الا كانت بنتك مازال صغيرة فمن الاحسن تاخدو شي شقة او دار احسن من الاوطيل باش تعودي تطيبي ليها الماكلة في الدار و تكون صحية ماشي بحال المطاعم
و ملي تكوني خارجة ضروري تهزي معاك ليكوش و لي لانجيت و قريعة الما و شي تبديلة و شي ياغورت و بيسكوي في حالة الا جاها الجوع
و ديما خرجيها في البوسيت ديالها باش تقدري تستمتعي و تفوجي مع راساتك
ديري الاحتياط من الشمس و خصوصا ديال وسط النهار

الله يفرحك و يرزقك الذرية و يفرح كل محرومة يا رب إنك على كل شيء قدير

سناء ختي شكرااااا درتي فيا خير معلوماتك روعة الله يخليلك صغيور و راجلك فرحت بزاف بموضوعك شكراا
بنتي عندها عام و نص