ڭراتان بالكريب إهداء للغالية راجية اللقاء في الفردوس gratin de crepes

يومكم سعيد بحول الله



وصفتي لليوم هي كراتان ط¨ط§ظ„ظƒط±ظٹط¨ وصفة ساهلة وغزالة نتمنى تعجبكم وتعجب وليداتكم

توكلنا على الله


مقادير الحشو : 300 غ كفتة أو حسب المتوفر + 1 بصلة مقطعة رقيقة + 1حبة طماطم محكوكة + 2 جزرات محكوكين


+ نصف فلفلة أحمرا + نصف فلفلة صفرا + 2 ورق الرند + إبزار + نصف م ص تحميرة +سكنجبير + ملح + زيت + صلصة الطماطم + جبن محكوك


مقادير البيشاميل : نصف ليتر حليب + 3 م ك دقيق + 2 م ك زبدة + ربع م ص سكنجبير + ربع م ص إبزار+ طريف كنور إختياري + رشة جوزة الطيب يحضر البيشاميل بالطريقة المعتادة


طريقة الحشو: ندبل البصل ثم نضيف الفلفل والرند حتى يدبال ونضيف الكفتة نفرتتها بعد ما تطيب نضيف الطماطم والجزر والتوابل ونغطيها حتى تتشحر شوية ثم نضيف صلصة الطماطم ونحتفض بالحشوة تبرد

مقاديروطريقة الكريب : نصف ليتر حليب + 3 بيضات + م ك زيت + رشة ملح + 250 غ دقيق
في الخلاط الكهربائي نضع الحليب والبيض والزيت والملح ونخلط الكل جيدا ثم نضيف الدقيق بالتدريج مع الخفق
ونبدء بالطهي

نأخد إطار يفتح من الجنب ونبدا المونطاج نعمل 2 كريبات وندهن بينهم بشوية بيشاميل ونعمل كمية من الحشو وفوقها شوية جبن محكوك وشوية بيشاميل ونتابع حتى نكمل كل الطبقات وفي آخر طبقة نعمل كمية من الجبن وفوقها باقي البيشاميل وندخلها لفرن ساخن من قبل حتى تتحمر طبقة البيشاميل



أول ما خرجت من الفرن وحيدت الإطار لاحظو الطبقات

ممكن نقدمها عادية أو نزينها حسب الدوق وحسب المتوفر