السلام عليكم ورحمة الله وبركاته هادي شي شهر دابا باش درت الجوا ديال السنان لجوج ضرسات ديال التحت وولات عندي ريحة خايبة في فمي من واحج الجهة مع أنني كنغسل فمي مزيان ومندير القرنفل وBain de Bouche رجعت عند الطبيب اللي ركبهم لي كالي ماكين عندك ولو الجو أو La couronne راه راااااكب مزيان , والله حرت والله حتى وليت كنفكر نحايدهم ونديييييييير لاباراي وخا بقا صغيييرة نتمى لي عندها شي معلومات تفيدني وتدعي معيا الله يسر ليكم الأمور
vhzpm hgtl hg;vdim fsff hgHskhk hgtd;s td;s hg
53 مشاهدة ولا رد حشووومة
اه معروفه اختي جوا ديال سنان كيدير ريحه خايبه ديري تبييض احسن و 3000 درهم و في تلات حصص و كي وليو سنانك بحال ممتلات انا هو الي داير ما تكرهي تبكاي ضحكي نهار كامل
حتى انا عندي نفس المشكل و قال ليا الطبيب نفس الشي اللي قال ليك الطبيب ديالك. تنفكر مين نخرج عطلة نمشي عند طبيب اخر يبدلها لي
شكرا للاخوات على المرور ديالكم ,,لهلا يخطيكم غي الأخوات اللي مازال عندهم سنينات مزانييين يتهللللللللاوا فيهم ,,,,ويلا وقع شي سوسة غي يعمروهم ,,,,,وكاع يلا مشات العمارة من بعد واحد المدة ضروري أي حاجة عندها أجل يعاودها مافيها باس ,,,,,وبلا ما يفكرو في الجوا أو الفيكس راه غي الصداع صافي والله ندمتتتتتتتت بزززززززززززاف مني درتهم ,,,,,,,,,,,يلا كان غا يخنزو السنان ولواحد مقابل مولاه في الصلاة لاش منهم في أمان الله وكنتمنى التفاعل ديالكم مع الموضوع
كلشي لمجوي عندو نفس المشكيل انا مجوية غير ضرسة وحدة ادايرة ليا ريحة كرهت نفسي اكثير ملي كيقوليا راجلي فمك فيه ريحة كنتعقد كنغسل كل وقت انشلل فمي بالملحة معنديش بديل لحيدتها مغنلقا علاش ناكل ههههههه
شكررا ليك أختتتتتتتتتي ولاه يحتا مشكيييلة مع هادشي وصافي ,,,,,,,ندمت حنا دتهم أنا كنظن يلا لقا هادشي غاندير لاباراي ها هو الحل لهاد جوج ضرسات الحمد الله على كل حال
انا عندي نفس مشكيل وسحبلي غير انا لعندي هاد مصيبة ندمت ……..ندمت ………….ندمت ……… كانو سناني زوينين حتا طحت وتهرستلي سنة قدمية وبداااااااااااات معانات دابا كاين وحد تركيبة سميتها زيركون مكدير لا ريحة لا والو وحتى شكل دياها طبيعي بزاف حيت مفيهاش من لداخل ديك مادة المعدنية لكتسبب الريحة هية ثمن ديالها غالي 3000 درهم لسن الواحد تقريبا ان شاء الله ملنهبط للمغرب نصوبهم الى كتاب
السلام عليكم ماشاء الله اللهم صل وسلم وبارك على محمد وعلى ٱل محمد أخواتي بلا متندموا قدر الله وماشاء فعل منقوع عشبة السالمية هو الحل إن شاء الله ماء مغلي والسالمية وحطيها جنب فرشاة الأسنان وقبل النوم اتركيها شوية في فمك ادعيو معي بصلاح حالي وحال الأمة
سلام عليكم الاخوات الي تايقولو انو الفيكس كايدير الريحه في الفم اختي هاد لكلام غير صحيح خصوصا الى كانت النضافه الفيكس كايدير الريحه في حاله وحده الي كانت الماده الي مخدومين بيها فيها الغش او ما يعرف بلاغيزين بوغوفزواغ اما الفيكس الي فعلا هو سيراميك راه ما يعملش الريحه في الفم الى كانت النضافه واسعمال الخيط و تشلال الفم بماء دياله