ذكريات الروضة

السلام عليكم
واهانا جيت تاني ههههه :pنفكركم بأيام زمان اللي تدخل تعاود لينا على اول يوم دخلات فيه لمدرسة إلى باقا عاقلة شكون وصلك واش بكيتي اولا لا شنو الصورة اللي بقات عندك فالذهن ديالك على داك النهار ويلا مابقيتيش عاقلة عاودي لينا على اليوم الاول ديال خوك الصغير مثلا اولا ولدك اولا ختك المهم عاودي لينا و صافي هههههه
ويلا كاع ماعاقلة على هادشي قولي لينا فالصغر شكون كان كيوصلك لمدرسة و واش كنتي كتبغي تمشي و تفيقي دغيا اولا بكاية و شنو اكثر اللحظات للي مفكراهم اولا كانو كيعجبوك فديك المرحلة
يالله انا نبدا كما العادة انا يا عباد الله و تقول واش باقا عاقلة على النهار الاول ولكن عاقلة بيلا فاش كانت كتديني ماما للكتاب حتاش بديت انا في الكتاب عاد دخلت للروضة كنا كندوزو من حدا واحد لمخبزة و كنشم ريحة كرواصة زوييينة و كنت ديما كنقول لماما تشريها لي و مللي كتجي من مورايا فلعشية كتشري لي مريندينا merendinaعرفتوهااا غزالة كانت ديك لوقت اما دابا بحال إلا تبدلات شوي تمسخات هههه
إيوا و كنت كنتغدا فالكتاب و كيديرو لينا لقيلولة انا ماكانش عندي مع القيلولة كنبقا غي لابدة فوق ديك لپونجا و مللي كيبغيو ينوضونا كندير راسي ناعسة ههههه
كان عزييييز علي داك الكتاب و هو للي حببني فاللغة العربية و القرآن الله يذكرو بالخير المدير للي كان مسؤول عليه الله يسهل عليه و يرزقو الحسنات
و كنعقل كذلك على اول نهار دخل فيه خويا الصغير كنت ديك ساعة دخلت للروض العصري la maternelle زعما فواحد المدرسة فيها جميع المستويات إيوا و مللي دخل هو كنت انا طلعت لتحضيري و دايرة فيها متعودة و زعما واتقة من نفسي هههه شادة ليه فيديه مسيكين و هو خايف يديك عرقانين وديتو لعند المعلمة للي كنت قريت عندها و قتليها هذا راه خويا زعما تهلاي فيه ههههه وانا كي لبقّة ههههههههههههه إيوا و مللي دق الجرس ديال الستراحة مشيت لعندو كنقول ليه زوين داكشي ياك شوي و غادي نخرجو تسناني انا غادي نجي نخرجك هههههه بعقلي زعما هههههههه
يالله صافي سلات نوبتي نبقا غير نعاود انا دابا تنعسو لي هههههه
يالله للي ورايا تعاود تاهي

---

`;vdhj hgv,qm

شكرا برفان، سأحكي لكم أول يوم في المدرسة وكان عمري آنذاك ثلاث سنوات، وصلاتني أمي، وجابني المدير للفصل اللي غادي نقرا فيه، وبما أن عمري آنذاك ثلاث سنوات، فالروض لا علاقة له بالروض الحالي، فابنائي كانو في هذا السن في فصول مختلفة كل الاختلاف، على كل، أخذتني المعلمة من يدي، وأجلستني بجانب طفل من سني، وما ان جلست حتى ارتفع نحيبي، جائت المعلمة تسأل عن السبب، فأثرت انتباهها على أني بنت وليس ولد وذلك بجر أذني لأريها الحلقات، فضحكت وأخذتني من يدي لتغير لي المكان

شحال مت بالضحك يا ام سامي كولشي على ديك الجرة ديال لوذن هههههههه إيوا عندك الحق لاش تجلسك تماك و انتي كاع دايرة ليها الحلقات باش يعرفوك من الدخلة هههههه
الله يعطيك الخير ديما منوراني مشكورة عزيزتي

غيوا المعلمة غير بان ليها لاكوب قالت هذا شي موبرزيط جا، وأنا لابسة جوبة والسروال يحساب ليها راني إيكوسي
مازال يدخلو الأنيقات وينوروا هذا الصفحة

ههههههههه إيكوسي هههههه الله يعطيك ما تاكلي يا ام سامي ههههه
وافينكم ياااا الانيقات قالت لي ام سامي غادي تجيو هاني كنتسناكم

لااااا ماتقولوش لي ان باقي حتى وحدة ما عاودات شي حاجة من غير ام سامي اش هادشي !!

باقة كنعقل على اول مرة مشيت للمدرسة مشيت مع الوالد ديالي قالي غندخلو دابا عند المدير باش يسجلني مللي دخلنا عندو وانا واقفة على صبعان رجلي عرفتو علاش خفت المدير يقولو لا راه مازالة صغيرة ههههههههههههههه

مسيكينة omsa3d صغيورة و كتجيبّد تاهي ههههه مشكورة على المشاركة الجميلة و هاهي بوسة لام سعد الصغيوْرَة هههههه

ههههههههههههه
فكرة غزالة بحال مولاتها
انا مازال عاقلة على الايام الاولى ديالي في المدرسة، كانت كتوصلني ماما ولا اختي الكبيرة، كنت كنمشي بالبكا، واحد النهار هربت من المدرسة و معرفتش طريق الدار و بقيت مودرة حتى تلاقيت ختي للي قتلاتني عصا هههههههههههههه رجعاتني للمدرسة و وصات عليا المعلمة

تبارك الله على hanana الهرابة واخا عليك دابا نقولها للمعلمة ديالك ماتخليكش تخرجي للساحة هههههههه هايهايهاي و زعامات يالالة دغيا خرجات و غادا للدار تاهي و كتشوف هنا و هنا و تفكر دربهم كيداير ههههههههههه 😀 😀