نفتتح دورتنا الثانية للعضوات بكلمة شكر بحق كل من شاركتنا التميز للرقي بمنتدانا بارك ط§ظ„ظ„ظ‡ في الجميع و الف الف شكر 
بامكانكم نسخ البطاقة و تزين توقيعكم 
ستجدن هنا وصفات رااائعة و متميزة 
اضغطوا على العناوين لتصفح الصور 1-اللحم بالتفاح معسل واللوز 2-دجاج بالأعشاب محمر ومرفق بشرائح البطاطس الملتصقة 3-دجاج محمر بالدغميرة 4-الكفتة مشوية 5-ستيك لداند معمر بالفروماج 6-طاجين بالفلفلة مشوية 7- اجنحة الدجاج في الفرن 8-كتيفات الدجاج مقليين 9- سمك الدنيس على شكل قوارب محشوة بالروز و هبرة سمك القد القطبي 10-كويرات الكفتة بالكلمار 11-هبرة السمك مقلية بطريقتي 13-الدجاج بالجزر و الكرعة الخضراء 14-لحم غنم بالجلبانة و القوق 15-طاجين الحوت بالبطاطا حلوة والفول والجلبانة 16-الدجاج بالكامون والتومة 17-دجاج بلدي قدرة باللوز 18-دجاج مشوي مع البطاطس في الفرن 19-الدجاج معمر بالروز 20-التريد بطريقتي 21- الدنجال معمر بالكفتة فالفرن 22- طاجين اللحم بالشومبنيو 23-البايلا 24- اكلة بكفتتة السردين رائعة 25-كسكس برأس الغنمي و الخضرة و السميدة 26-المروزية 27-الدجاج مروزية 28- رأس الغنم بالحمص و الروز 29- طاجين بالراية والبسباس طاجين الدجاج بشفلورخيزو والجلبانة 31- الكفتة بل بصلة و طماطم 32- الروز مفور بالدجاج 33- الرفيسة بدجاج البلدي 34- الكرشة ب الحمص و زبيب 35- اللحم ب البطاطا صغيرة 36- التريد بلاتراد غير فوق الكوكوط بالدجاج و البريوات 37- البريوات بالدجاج و الشعرية الصينية 38- السمك في الفرن 39- كلمار بالبطاطا والقوق 40- الروز باللحم والخضر 41- كروكيت الدجاج والخبز 42-الدجاج ب البصلة 43-طاجين دجاج ب الخضر مممممممم ألوان الربيع 44-كلمار معمر بطريقتي 45-فخيدات الدجاج بالكورن فليكس 46- دجاج بالمشماش 47-بسطيلة طبقات 48- سردين بالخضر في الفرن 49- تقلية بالحمص 50-تقليه بلحم راس 51-لحم باللوبيا 52- رفيسه الزيادية 53-طاجين الحمام معمر بعقدة اللوز مزين بالبصلة والزبيب 54-روز في الكوكوت بالخضار والدجاج 55- طاجين اللحم بالقوق والجلبانة 56-كوكلي بالسكنجبير الطري 57-الكلوة البكري les rognions} بمسلالة 58-لفائف صدر الدجاج والسبانخ 59- الكفتة مقلية في معلقة زيت 60-اللوبيا البيضاء بالصوصيص 61– الحوت معمر بحشوة لديدة 62- طاجين البوعات الغنمي 63- طويحنات الغنمي معمرين بالكفتة 64- المحمر بالقنية 65- الشعرية السفة بالدجاج البلدي و الثومة و رأس الحانوت 66-صوصيص بصلصة الصوجا 67- الدجاج بالدقة الوزانية 68-بسطيلة بالحوت 69- القنية مشوية في الفران 70- فروج بلدي محشو بالشعرية الصينية و مشوي مع البطاطس في الفرن 71- لحم غنم بالشفلور 72- لحم غنم بالبسباس و الجلبانة 73- دجاج البلدي بالبصل و الطماطم 74- القنية بالبصل و الطماطم 75- بسطيلة بالسمك و صدر الدجاح 76- طاجين بالبطاطس و الكفتة و البيض 77-دجاج المحمر المشرمل 78- ط§ظ„ط¯ط¬ط§ط¬ ظˆ ظƒط¨ط¯ط© ط§ظ„ط¯ط¬ط§ط¬ ظ…ط´ظˆظٹظٹظ† ط¹ظ„ظ‰ ط§ظ„ظپطظ… 79- الروز بالدجاج و الطماطم 80-الارز بالقرفة بكبيدات الدجاج 81- كويرات السردين بالشحمة والنعناع 82 كفتة مشوية مع الخضار و بتتبيلة رااااااائعة Gulasch 83 الكولاش
],vm hguq,hj hgehkdm>>>>>>>>>>> hgH’fhr hgvzdsdm Hjp]n hggi hgjhkdm fY`k
السلام عليكم ورحمة الله تعالى و بركاته والصلاة والسلام على من لا نبي بعده وعلى اله واصحابه اجمعين افتتح موضوع وصفاتي ان شاء الله بطبق مغربي تقليدي اللحم بالتفاح معسل واللوز كنحتاجو:اللحم الغنمي او بقراوالديك الرومي حسب الدوق+بصلة وحدة+زيت رومية و بلدية+سمن+ملح+ابزار+سكنجبير+القرفة+خرقوم بلدي+زعفران شعرة+قزبر يابس مطحون+العطرية د المروزية بزايد الطريقة:كنديرو اللحم فطنجرة الضغظ والبصلة نصف نحكوه ونصف نشلظوه ونضيفو الزيت والسمن والعطرية ونشحرو الكل مزيان ونمرقو بالماء سخون ونسدو عليه يطيب وناخد التفاح (من الافضل يكون التفاح الاصفرباش يكون حلو)ونقطعوه على4 ونخليوه بالقشرة ونديروه يغلى فالماء مع السكر والقرفة يغلى غير 2 دقائق ونزولوه فوق الورق النشاف ونديرو فالمقلة الماء والسكر والقرفة حتى يغلى ويدوب السكر ونحطو التفاح يغلى ونضيفو طريف د الزبدة وشوي د العسل ونقلبوه ونغطيو عليه شوي ونعادو نقلبوه حتى يتعسل ونرجعو اللحم يكون طاب ونضيفو ليه شوي د السكر او العسل حسب الدوق (انا درت السكر)ونخليوه حتى يتشحر ويتعسل ونصلقو اللوز ونقليوه ونقدمو الطبق بالصحة والراحة والصور تشرح اكتر
هاد الوصفة تعلمتها من عند ماما الحبيبة كنتمنى تعجبكوم كيف كتعجبي
دجاج بالأعشاب محمر ومرفق بشرائح البطاطس الملتصقة السلام عليكم ، نبدأ على بركة الله مقادير الخلطة : بنسبة لكل كيلو من الدجاج نحتاج : 10 غ من الملح الخشن ، 5 ورقات السالمية ، عرش من الزعتر ، وعرش من اليازير ، و-2 فصوص الثوم ، و-2 وراق سيدنا موسى ، طرف من الزنجبيل الطري ومشي مشكل إلا مكينش ، زيت الزيتون أو الزبدة حسب الرغبة ديالكم والدجاجة من طبيعة الحال . 
نعملو جميع مقادير لخلطة فالمكسر ونطحنوهم مزيان 
ندهنو الدجاجة ديالنا مزيان من الداخل والخارج وبن الجلد واللحم ضروري بزاف 
بعد ما دهانها بالزيت مزيان ، دبا جاء دور الخلطة العجيبة ههههه نعملها كذلك من الداخل والخارج وبن الجلدة ولحم مزيان 
دبا الخطوة التالية ، نعملو العروسة ديالنا فشي طنجرة أو كوكوت وتكون مدهونة بمعلقة زيت زتون أو سمن ، على فكرة ستعمت سمن لنزلت في إحدى مواضيعي ، صدق غزال بزاف بزاف بزاف وكل مكيقدام كل ما كيزيان أكتر ، نتمنى انكم تجربوه حيت الحاجة ديال الدار مكاين بحالها تحمر على كل جهة 15 دقيقة وعافية تكون مهيلة بزاف بزاف وفهاد أثناء ندوزو لتحضير البطاطس 
نخدو البطاطس الكمية لبغينا ونقسمها على إثنان ، الصور أيوضحو كيفاش ، وغدن نحتجو لجوج أسياخ و يزير وزيت زيتون وملح ابزار ، وممكن مكان اليزير نعملو أي حاجة بغينا ، عملت شوية فلفل وشوية زعتر طري . 
دور ديال الأسياخ كخلنا نقتعو البطاطا ديالنا بلا منوسلو للأخير وهكذا كنكنو حصلنا على شكل الشرائح الملتصقة 
الصور توضح أكثر ههههه 
من بعد ما كملنا البطاطس ديالنا ، ومنين نقدوهوم مباشرة فوق الطا ديالنا نملحوهم ونبزروهم ونزيتوهم ههههه أو نعملو الزبدة 
هنا الدجاجة ديالنا بعد ما حمرناهة من الجهات بجوج ، كنحتوهة في لطا ديال الفرن ومن أحسن من أحسن ديال الزجاج هي كتصلح لها ، حنا معندناش في الدار و لعندها درها رها أحسن مية مرة بنسبة للمنضر ، المهم هداك الماء لخرجات دجاجتنا حتى هو نعملوه معها 
البطاطا كتخد لينا تقريباً من 40 دقيقة حتى 60 ، حسب كيف كتبغوهة كذلك وش غي طيبة عادي أو بزاف أو مقرمشة ، لهذا إلا عملتوها من أول مع دجاج خصكم تحيدها قبل إلا شفتها وصلت لدرجة الطبخ لأنتم بغينها ، وبنسبة لدجاج كل كيلو كحتاج لي 60 دقيقة ديال الطياب وخاص كل 15 دقيقة نطلو عليه وهديك الصلصة لخرجت منه نسقيوه بها ، درجة الحرارة عملت 180 بنسبة لعندهم الفرن فيه الgريل ممكن 5 دقائق الأخيرة تشعلوهة عليه يتحمم أكثر 
هاهو كيف كيجي من الداخل طيب مزيان وصدقوني كيجي رائع جداً جداً و مداق مختلف وجميل وصحي بلا منطول أنخليكم تكتشفوه إن شاء الله راسكوم ، ولا تنسونا من صالح الدعاء 
اللهم أدمها نعمة وبارك لنا فيها وحفظها من الزوال أي تساؤل إن شاء الله ، متبخلوش به ، وأتلقوني معكم بإذن الله ، إن شاء الله
السلام عليكم ورحمة الله وبركاته طبق اليوم ان شاء الله دجاج محمر بالدغميرة اللي تعلمتها من عند امي الغالية الله يخليهالي نبدأ على بركة الله : الدجاج حسب للي بغيتو انا هنا درت 2 البصلة شي 5 او 6 حبات كبار مشلضين غلاض شوية كاس زيت صغير زيت رومية + ربع كاس صغير زيت بلدية التوابل : ملح ،ابزار ، تومة بزايد ، خرقوم ، سكين جبير ، زعفران ملون وزعفران حر ، ربيع الحامض مصير ، ضامة البنة ، ربع معلقة صغيرة سمن في الاخير الطريقة : ناخد الدجاج نغسلو مزيان وبين الجلدة بالملح والحامض باش تحيد منو الزفورية وديك الجلدة المالسة للي تتكول بين الجلدة واللحم ونخليها مرقدة بالحامض وسكين جبير شي ساعة ونغسلها من بعد ونخليها تقطر ونشرملها بالشرمولة : ربيع +سكين جبير + ملح + ابزار +خرقوم + زغفران ملون والتومة مدقوقة و نخليوها من الاحسن تبات باش تشرب الشرمولة 
دبا ندوزو للتحضير : ناخد البصلة مشلضة ونديروها في طاوة ونضيف ليها الشرمولة بحال للي درنا في الدجاج ونضيف الزيت بنوعيه والماء سخون الكافي باش يطيب لينا الدجاج بدون منقليو البصل مين يغلى الما نضيف الدجاج نحطوه على الصدر ونبقا كل مرة نتقبو بواحد القطيب من جميع الجوانب ونركزو عل الصدر والفخاد باش يدخليهم الطياب مين يطيب لينا الدجاج نحيدوه ونضيف للمرق الكبد والڭناص للي كونو سلقنا من قبل ونضيف السمن والحامض مصير وزعفران شعرة ونخليو الكبادي والڭناص يطيبو من بعد نفتح الطنجرة غي شوية ونخليو المرق يتشحر غادي تلاحضو ان البصل داب وتختر والزيت تيطلع لفوق نبقاو نحركو نحركو باش ميلصقش في الطنجرة اما الدجاج ديالنا غادي ندهنوه بالزبدة كنور وندخله للفرن يتحمر 
ونقدمه بالصحة والراحة 
وهذه صورة لطبق آخر 
السلام عليكم ورحمة الله تعالى وبركاتة الكفتة مشوية وصفة ساهلة ولكن تتجي زوين روز تيخليهارطبة متتجيش ناشفة المقادير كفتة نصف كاس روز مصلوق قزبور ومعدنوس بصلة مقطعة رقيقة كامون وملح نخلطو كلشي ونخليوهااااااااا من بعد نعمروها في لقطبان من الاحسن يكونو ديال لعود باش مزلقش وندخلوها لفران وبالصحة والراحة 
لاتنسوني من صالح دعاكم تحياتي
ستيك لداند معمر بالفروماج [IMG][/IMG] هدي واحد الطريقة كنحضر بيها الستيك ديال لداند سهلة وخفيفة منحتاجو ستيك لداند يكون رقيق انا درت كيلو الا ربع 
نديرو عليهم 2 دانون طبيعي 
نزيدو 2م ك موطارد و2م ك صوجا 
نزيدو البزار سكنجبير والقليل من الملح لان الصوجا و الموطارد مالحين وم ك ديال لاعشاب بروفانس الا مكنوش نديرو شوية زعيترة 
نخلطو كلشي مزيان 
نغطيوه بالبلاستيك الغدائي ونخليوه في الثلاجة على الاقل واحد الساعتين انا خليتو ليلة كاملة 
هدو هما الاعشاب لدرت خديتهم من مرجان 
من يترقدو ناخدو كل ستيكة نديرو فوقها طريف الفروماج انا درت ديال الساندويتش 
نلفوها على نفسها 
نستفوهم في مول ديال الفرن مدهون بالزبدة ونزيدو عليهم باقي الترقيدة ديال الستيك لبقات لينا مع نصف كاس الماء وندخلوه يطيب في الفران 
منين يقرب يطيب نرشوه بالفروماج المحكوك ونرجعوه يتحمرحتى يدوب الفروماج 
هاهو مني وجد وداب الفروماج شكلو كيشهي هههههه 
دابة ندوزو للصلصة المرافقة في مقلة نديرو شوية زيت الزيتون وبصلة مشلضة رقيقة مع الملح ونشحروهم 
نزيدو عليهم حك شامبنيو ونشحرو 
من بعد نزيدو الصوجا مرقدة GERME DE SOJAونشحرو 
ثم العطرية البزار وم ك ديال الاعشاب البروفانس او زعيترة الا متوفراتش 
نشحرو كلشي مزيان وفي الاخير نزيدو يااما حك ديال كريم فريش او 2 حكاك دانون طبيعي انا هما لدرت ونخلطو مزيان وهاهي الصلصة ديالنا واجدة 
نقدمو الطبق ديالنا مع شوية الروز مصلوق ومشحر مع شوية الزبدة والملح والبزار او مع العجائن وبالصحة والراحة 
اللهم ادمها نعمة واحفظها من الزوال
هاد الطاجين كيجي بنييييين على حسابي هههههههه المقادير:دجاج +بصلة مشلظة و3 مشنفين+فلفلة مشوية ومنقية ومقطعة بشكل طولي(انا كنفضل حمراء وصفراء حيت الخضراء كنحس بيها مرة)+مطيشة دوائر+ربيع مقطع+تومة محكوكة+حامض مصير+سمن+توابل:(ملح+ابزار+سكنجبير+كامون+تحميرة+خرق وم بلدي+قزبور يابس)+زيتون مشقوق+زيت بلدية ورومية الطريقة:كنديرو فالطاجين الزيت و الدجاج والبصلة مشلظة والربيع والمصير والسمن والتوابل ونشحرو الكل مزيان ونفرشو ليه البصلة باش ميلصقش ونديرو فوقو البصلة مشنفة والفلفلة و مطيشة ونرشو من الفوق شوي دالملح والتوابل والمعدنوس وفلفلة حارة وخيط د الزيت البلدية والزيتون ونقصو ليه العافية يطيب على خاطرو ويتشحر والصور تشرح اكتر
كنتمنى ينال اعجابكم اللهم ادمها نعمة واحفظها من الزوال يا رب
السلام عليكم ورحمة الله وبركاته اليوم غنعطيكم واحد الوصفة اللي هي اجنحة الدجاج في الفرن ساهلين ولكن مداق غزال غتقولو لي شكون شكار العروس ههههههههه ولكن صدقوني غتعجبكم بزاف 
المقادير مع الطريقة في نفس الوقت اجنحة الدجاج غير الاجنحة ماشي الكتيفات هدوك خليوهم على جنب غنحتاجوهم في وصفة اخرى ههههههههههه كنعملوهم في الصوص التالية واللي هي معلقة كبيرة الزعيترة +الحبق مقطع الى مكانش بلاش +الهريسة + التحميرة + كمون +الملح شوية الزيت كنشرملو الاجنحة المتكسرة هههههههه ونخليوهم على الاقل 10 دقائق وندخلوهم الفرن راهم متياخدوش الوقت كثير ونخليوهم حتى يطيبو ويتحمرو ونقدموهم بالصحة والراحة انا كنقدمهم مع الارز اللي وجدت 
السلام عليكم ورحمة الله وبركاته كتيفات الدجاج اللي خدنا منهم الاجنحة حتى حاجة متضيع ههههه مرقدين ومقليين يمممممم 
على بركة الله نبداو كناخدو الكتيفات نتاع الدجاج ونقبطوهم من العظم الصغير اللي كيكون ملاصق مع الاجنحة وبواسطة سكين كنحاولو نزولو اللحم على العظم وونهبطو اللحم تحت بلا منفرقوه عل ى العظم نتاع الكتف بحال هاكا في الصورة نتمنى نكون وفقت في الشرح 
ونعملوهم في الشرمولة التاليه الزيت غير شوية الثومة مدقوقة الربيع مقطع م ك التحميرة الخل الملح الموتارد انا كنزيد فيهم حتى خل التمر اللي معندوش بلاش ماشي ضروري كنور نتاع الدجاج انا مكنعملهاش 
كنشرملوهم في الترقيدة ونخليوهم في الثلاجة على الاقل 2 سوايع 
من بعد كندوزهم في لاشابلير ونقليوهم في الزيت ساخن وعلى عافيه متوسطة 
وهاهما واجدين بالصحة والراحة 
سمك الدنيس على شكل قوارب محشوة بالروز و هبرة سمك القد القطبي المقادير : 4 سمكات من نوع الدنيس ( يمكن لكم اتستعملو أي نوع بغيتو ) 250g هبرة سمك القد القطبي ( يمكن لكم اتستعملو أي نوع بغيتو ) 200g روز بصل مشنف مشحر في قليل من زيت الزيتون و الملح ( الجهد لي فرشنا المول ) 3 طماطم مقطعين دوائر 1 فلفلة حمرة صفرة و خضرة مشوية و مقشرة بلا منقسوها بالماء قليل من الزيتون الحامض الأحمر عصير الحامض زيت الزيتون زيت المائدة صلصة طماطم مصبرة تومة محكوكة معدنوس مقطع قصبر مقطع هريسة 1 و رقة الرند ملح بزار كمون تحمرة قليل من الزعيترة ماشي الزعتر تنأكد الزعيترة قصبر حبوب مطحون سكنجير ملعقة زبدة قليل من الجبن المبشور 
طريقة التحضير : ننضف السمك جيدا تم نفتحه من ضهره و ننزع الهيكل العضمي و نحتفض به تم نقيوه من الشوك باستعمال النتاف و ينضف من الداخل نفرغ الرأس من الزعانف و نضفوه جيدا و نخليواه يستقطر 
في إناء نخلط التوم + المعدنوس + القصبر + هريسة + ملحة + قصبر حبوب + إبزار + كامون + تحميرة + قليل من الزعيترة + عصير حامض، نشرمل السمك بهذا الخليط جيدا ونتركه لمدة 1h في الثلاجة 
في هذه الأثناء كنوجدو الحشوة, نقطع هبرة السمك القد القطبي إلى مكعبات صغيرة تنوضعوها في مقلات فوق النار مع الزبدة و قليل من زيت المائدة و الملح و الإبزار و نخليواها حتى تشحر و تنشف من الماء تماما 
في إناء فوق النار نضع الهيكل العضمي لي سمك + ورق الرند + قصبر حبوب + هريسة + ملح + تحمرة + كمون + إبزار + سكنجير + ثوم محكوك + ماء كنخليو الكل يطبخ حتى نحصل على مرق سمك كنصفيواه في الصفاي و كنحتفضو بكأس صغير من هذا المرق و الباقي كنصلقو فيه الروز و نصفيواه ونخليواه يبرد 
في إناء نخلط التوم + المعدنوس + القصبر + هريسة + ملحة + قصبر حبوب + إبزار + كامون + تحميرة + عصير حامض + زيت الزيتون ثم نشرمل الروز بهذا الخليط تم نضيف الزيتون مقطع رقيق و قليل من الفلفلة ألوان مشوية و مقطعة رقيقة و الفرماج المحكوك و هبرة السمك المحضرة من قبل نقوم بخلط العناصر جيدا 
في إناء نخلط التوم + المعدنوس + القصبر + هريسة + ملحة + قصبر حبوب + إبزار + كامون + تحميرة + عصير حامض + قليل من صلصة الطماطم تم نشرملو به البصل و الفلفلة المتبقية من بعد مقطعناها شرائح نأخد مول و نفرشه بالبصل ثم نضع الفلفل فوق البصل تم نضع السمك و نعمروه بالحشوة ديال الروز المحضرة من قبل تم ندردر عليه من فوق قليل من الزعيترة 
في إناء نخلط التوم + المعدنوس + القصبر + عصير حامض+ زيت الزيتون + ملحة فقط ( حيت مطيشة مكتجيش زوينة إلى زدنها العطرية هكا كتجي بنينة ) و كنشرملو طماطم بهذه الشرمولة و كنستفوها فوق السمك, في الأخير كناخد كأس ديال المرق لي حتفضنا بيه و كن ضيفولو قليل من صلصة الطماطم و قليل من زيت الزيتون و تنصبوه في المول غير من الجنب ثم يطها سمك في فرن معتدل لحرارة 
يزين بالزيتون الحامض و يقدم بالصحة و العافية 
هذا الرابط ديال نفس الوصفة ولكن بحشوة مغايرة سمك الدنيس على شكل قوارب محشوة بالشعرية الصينية و القمرون https://www.anaqamaghribia.com/vb/sho…d.php?t=299030 أتمنى أن تعجبكم الوصفة و تقومو بتطبيقها