نفتتح دورتنا الثالثة للعضوات بكلمة شكر في حق كل من شاركتنا التميز للرقي بمنتدانا ….. شكرًا أنيقات منتدانا شكرًا مشرفاتنا الساهرات على نجاح الدورة…. بارك الله في الجميع و الف الف شكر. اضغط على الصورة لمشاهدة الوصفة على بركة الله 
],vm hguq,hj hgehgem>>>>>>>>>> ohw fhgtdk,h.vd f[ldu hk,hui
وريدات بالتفاح 
-العجينة المورقة -3تفاحات – 5 م ك سنيدة -القليل من القرفة -قشور حامضة * درت قشور 2 حامضات من الاحسن- -3 كيسان ماء -3 م ك سنيدة -2 م ك عصير الحامض 
نغسل التفاح و نخليه بقشوره و نقطعو شرائح رقاااااااااق 
فكاسرونة ندير الماء مع 3 م ك سنيدة مع 2 م ك عصير الحامض ونخليهم على نار متوسطة حتى يغلى 
نطفي النار و نخوي عليه التفاح و نخليه 2 دقائق فيه 
نصفيه و نفرشو فوق الورق النشاف ونخليه حتى يبرد 
نخلط 5 م سنيدة مع القرفة و قشور 2 حامضات 
نطلق العجينة المورقة و نقطع سميطات 
ندردر خليط القرفة سنيدة و قشور الحامض ونبدا نستف شرائح التفاح بحيث يجي النصف ديالهم خارج على العجينة 
ونبدا نلوي – حاولو متلويوش شريط طويل بزاف باش متجيش بزاف ديال العجينة فالداخل- 
ندهن الجوانب بخليط اصفر البيض و الحليب . و نزلهم فمول بحال هاكدا باش فالفرن يبقاو فنفس الشكل . نطيبهم على نار مهيلة شوية باش يطيبو مزيان حتى من الداخل 
منين يطيبو نزلهم فوق شبكة ونخليهم حتى يبردو وندهن الوجه بقليل من كونفتير المشماش و ندردر القليل من سكر كلاصي. وبالهنا والشفا 
التفاح خصو ابرد مزيان عاد نخدمو بيه باش ميخصرش لينا الورقة. 
* مورقات بالصوصيص 
-العجينة المورقة -الصوصيص طايب فالفران و مقطع على 2 -فرماج احمر و الموتزاريلا محكوكين – بصلة شرائح مشحرة -زيتون مقطع 
اصفر البيض مع القليل من الحليب – زنجلان نطلق العجينة المورقة ونقطعها لسميطات غلاظ شوية ونحط من تحت البصلة مشحرة من فوقها الفرماج و الزيتون و من فوقهم طريفات الصوصيص 
ندور عليها العجينة واحد 2 دورات ونقطع و نلصق الحاشية بابيض البيض 
منين نكمل نذهن الوجه بخليط البيض و الحليب ونزين بحبات من الزنجلان و يدخل للفرن 
وبالهنا و الشفا
بريوش الوريدات بحشوة مالحة الف مرحبا يا أنيقات 
هده لبريوش مالحين بمقادير بسيطة كيجو غزالين ويحمرو الوجة شكل ومذاق وكيف العادة جربو وحكمو أنيقاتي 
للعجين :2بطاطات مسلوقين ومطحونين في مكينة انا خدمتهم غير بالفرشيط وكملت بإيدي +2 بيضات +1فرماجةوملعقة كبيرة زبدة +قريصة ملح +نصف كاس سكر +وكاس زيت /100مل +شوية لخميرة مدوبة في نصف كاس ماء دافي +كيلو دقيق فورص تقريبا للحشوة :1 بصلة + فلفلة ألوان حسب المتوفر عندنا +علبة طن وشوية درة معلبة+ نصف كنور وملح وإبزار وقزبر للتزيين :بيضة مخلطة مع نقيطة لخل وزنجلان 
أول حاجة كنوجد الحشوة :كنقطع بصلة وفلفة كنديرهم يتشحرو مزيان مع شوية زيت ومليحة 
كنزيد لبزار وكنور وربيع تم طن وذرة 
نخلط ونخليهم على جنب يبردو 
لعجين :كنخدم بطاطا ونزيد بيض وسكر وملح وسنيدة وفرماج +زبدةتم خميرة مع ماء 
نبدا نزيد في دقيق كنخليها مرخوفة ندلكها شوية ونخليها ترتاح تقريبا 20دقيقة 
كنقطعها كريصات صغار كندهن لاطة ونرشها بالدقيق ونستف لكريصات والصور توضح بقية المراحل 
كنضغط شوية لوسط فين تشد لنا الحشوة 
الى كنتو بغين تزينوهم بزنجلان كندهنو بالبيض وكنرشوه عاد نحطو لحشوة 
هنا خمرو وإلى الفرن 
وبالصحة والعافية أنيقاتي 
خبز بدقيق شعير ديال باتيسري من مطبخي . 
250 غ دقيق شعير. 1 معلقة كبيرة فورص. 1 معلقة كبيرة خميرة. 1 معلقة كبيرة حليب غبرة. 2 معالق كبار زيت زيتون. نص معلقة صغيرة عسل. ملح. 
ندوب لخميرة فنص كاس ماء دافئ مع لعسل. نخلط النواشف مع زيت الزيتون. ثم نزيد لخميرة بعد ما طلعت. نعجن عادي بالماء دافئ. ندلك مزيان و نخليها تخمر. نقسم الخليط على 4 ونصاوب خبز بشكل طولي. نرش عليه الفورص باش يعطيه منظر مشهي أو ندهنوه بالماء دافئ و نرشش عليه جنجلان أو زريعة كتان أو بافو ( الخشخاش ) حسب الرغبة. نخليه يخمر. نشرط بالموس لي رشينا عليه الفورص و ندخلو للفران و نخليه يطيب عادي. 
و ها هو واجد بالصحة و الراحة. 
ليوم جبت لكم واحد لجرص إقتصادي وكيجي هائل بحال لكيتباع ف زنقة وما فيه لا بيض لا حليب بعد مرات لواحد مكيكنش متوفر عندو فهدا راضي يقضي الغرض إنشاء الله كيجي رتب ومفشفش وأهم بنين نبداو على بركة الله نص كلو دقيق أبيض كاس سنيدة نص كاس تقريباً زيت شوية ملحة شوية زنجلان نافع مطحون ف شوية ديال الماء باش كيعتي ريحة ممتازة معلقة صغيرة خميرة د حلوة معلقة كبيرة خميرة حبوب طرف زبدة صغير نحتاجو ف الأخير الماء دافي باش نجمع العجين 
نحتاج بيضة وزنجلان ممكن دهنو بالحليب عوض بيض حتى هو كيجي مزيان نخلط دقيق مع سنيدة زيت ملح خميرة د حلوة وخميرة حبوب زنجلان ونافع ونجمعها بالماء 
العجين خاص يجي خفيف ولكن شاد ف راسو ندلك مزيان وف الأخير نزيد طرف الزبدة صغير شفتوه قداش ههه ونزيد نقطة ديال زيت ونعاود ندلك 
باش كتولي لعجينة عندي ملساء 
نغطيها نخليها ترتاح واحد 10 دقايق من بعد نجيب صينية مدهونة بالزيت أو عليها ورق سولفرسي ونبدا نقطع العجين إلى كويرات منحتجوش ندهنو يدنا بوالو ونضغط عليهم شوية وندهن بالبيض ونخليهم يخمرو 
من بعد ما خمرو نعاود ندهن بالبيض ونرش زنجلان وإلى الفرن 
وهاهما كيف كيجو متشبعوش منهم 
* عشيشات بكريمة الحامض 
40غ زبدة 125 ملل ماء 75غ دقيق مغربل قبصة ملح 1 م ك سنيدة 2 بيضات 1 م قشور حامض
للكريمة : 2 اصفر بيض +2 م ك نشا + 2 م ك و نص سنيدة + 1 كاس وربع حليب + عصير 1 حامضة + قشور 1 حامضة * غادي نخدموها بطريقة باط ا شو – في كاسرونة ندير الماء مع الزبدة و قبصة ملح ونخليهم حتى يبدا يغلي 
نحيدهم من فوق العافية ونزيد سنيدة و الدقيق ونخلط بسرعة حتى يندامجو و نرجعهم غير شوية فوق العافية 
نحيدهم نخليهم جانبا يدفا شوية ونبدا نزيد البيض ندير وحدة ونخلط مزيان حتى يتشربها الخليط عاد نزيد الثانية بنفس الطريقة مع قشور الحامض 
نغطيه ونخليه 15 دقيقة فهاد الوقت نوجد الكريمة فكاسرونة ندير الحليب اصفر البيض النشا سنيدة فوق نار مهيلة مع الاستمرار فالتحراك 
منين يقرب يعقاد نزيد عصير الحامض 
ثم قشور الحامض 
نخويها فزلافة ونغطيها ببلاستيك غذائي و ندخلها للثلاجة ناخد ورق الطبخ ونقطعو مربعات وناخد شوية من العجين باصبعي و نديرو كقاعدة و الباقي نكملو بالجيب الحلواني حتى يولي بحال عش غارق شوي 
نسخن الزيت و نزلهم فالمقلة غير يبداو يطيبو غادي يتحيد الورق بوحدو ونكملو طيابهم بلا منقلبوهم فقط نبقا نهز من الزيت فين كيتقلاو ونديرها عليهم حتى يتحمرو ونخليهم جانبا يستقطرو *واخا شوحدين يتنفخو ليكم شوية فالوسط ماشي مشكيل* 
ونعمر الوسط بكريمة الحامض بالجيب الحلواني والتزيين حسب الرغبة وبالهنا و الشفا 
وريدات بالزيتون و جبن. 
250غ دقيق . 2 معالق كبار زيت زيتون. 1معلقة حليب غبرة. ملح. 1كاس لبن. 1 معلقة كبيرة خميرة خبز دايبة فنص كاس ماء دافئ مع نص طوبة سكر قهوة. 
موضحة بالصور. نخلط النواشف و نزيد الزيت ثم خميرة دايبة و نكمل العجن باللبن ( نكب شوية بشوية تتهز أقل من كاس) 
نخلي لعجينة تخمر و نوجد الحشوة. غنحتاجو: 100غ زيتون أسود. 75 جبن للذهن ( ستعملت بالثوم والأعشاب) إلى عندكم غير العادي زيدو معه ثوم غبرة وزعتر أو أي أعشاب منسمة تفضلو. زعتر. 50 غ فرماج حمر ( متفكرتو حتى للآخير و زدتو ) 
نقي زيتون من لعظم ونزيد عليه جبن و زعتر. نطحن الكل و نزيد فرماج حمر محكوك. 
بعدما تخمر لعجينة نقسموها كويرات. نبسطها و نعمل وسط كل وحدة معلقة صغيرة حشوة زيتون و نجمعها. ملي نكملو من الحشو نكرص الكورات و نقطع جناب بالموس بلا منوصلو الوسط. نقلب جنيوحات لي حصلنا عليهم و نحط ف اللاطة و إلى الفرن. 
و ها وريدات جبن و زيتون واجدين:
خبز البرغر بكفتة لحم البقر 
1 لتحضير الخبز نحتاج ** 500غ دقيق – 250 مل حليب دافئ – ملعقة صغيرة ملح – ملعقة كبيرة خميرة فورية او معجونة – نصف ملعقة صغيرة سكر – بيضتان – الزنجلان للتزيين. *يعجن الكل حتى الحصول على عجينة ناعمة لينة تترك تخمر 40 دقيقة . *نصنع كويرات حسب الحجم المرغوب فيه *تترك ترتاح 15 دقيقة * تدهن بالحليب او البيض حسب الرغبة – انا دهنت بالحليب اقتصادي على البيضة * تزين بالزنجلان او تترك بدونه. * تدخل للفرن 180 درجة حتى تنضج. 
2- بالنسبة للبطاطس المقلية قطعوها كيما فالصورة تسلق مع الملح و الخل من بعد مباشرة في الصفاية تحت ماء بارد و تترك تستقطر حتى نبغيو نقليوها. 
3- تحضير كفتة البرغر** هاد الكفتة باش كتجي شادة راسها كنحتاجو ** 250غ كفتة – معدنوس مفرم – نصف ضامة البنة – الملح – تحميرة- ابزار – سكينجبير- كمون – زعفران- بيضة – 2 معالق كبار بقسماط – ملعقة زيت * يعجن الكل جيدا باليد. * تطهى بدون زيت في مقلاة 4* بالنسبة للبصل دوائر يشحر دقيقة فقط في الزيت المتبقية من الكفتة كتعطيها نكهة رائعة 5* ندوزو للحشو نحتاجو اوراق لخس-مايونيز-كايتشب-طماطم دوائر- مربعات الجبن 6* نقطع الخبر الى نصفين و يحمص من الجهة الداخلية فقط و نبدأ بالحشو أتترككن مع الصور 
بالصحة و الراحة
لفائف مقلية 
1 ونص كاس دقيق نص كاس سنيدة 1 بيضة صغيرة 1 م ك ونص نيدو 1 م ص خميرة معجونة ربع م ص خمارة د الحلوى ربع كاس زيت قبصة ملح قشور حامضة *نسيت مصورتهمش* ماء دافئ اعواد الخشب نخلط المقادير السابقة كلها و نبدا نزيد الماء بالتدريج حتى نحصل على عجينة ماجارية ما قاصحة 
نعجنها مزيااااااان ونخليها ترتاح لمدة 30 دقيقة 
نطلق العجينة و نقطعها كما فالصورة 
ناخد العود الخشبي ونبدا نلوي كل شريط على العود -كل حرف من العجين يجي على الحرف الاخر ديال العجينة كما فالصورة- 
نغطيهم ونخليهم يرتاحو 15 دقيقة 
ونبدا نقليهم 
نخليهم غير يدفاو شوية ونبدا نحيد ليهم غير بشوية العويدات ونرش عليهم السكر كلاصي وهادو بعض الطرق اللي كنقدمهم بيهم 
نقدرو نخليوهم بالعويدات الا بغينا نعطيوهم لوليداتنا 
او مرات كنقدمهم هاكدا ندوز بيهم القشدة مع الفواكه وبالهنا و الشفا